Jeremías 42:2 - CHUYA QELLQA La Biblia en Quechua de Ayacucho 2012

² profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Quechua Ayacucho Bible 1987

² Diosmanta willakuq Jeremiasman hinaspam nirqaku: —Ruegakuykikum llapallan kaypi puchuqkunapaq yupaychasqanchik Tayta Diosta mañakunaykipaq. Rikuwasqaykikupi hinam achkamanta ñoqallaykuña puchuruniku.

Chuya Qellqa 1992

² profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Jeremías 42:2 Iomraidhean Croise

1~Reyes 13:6

Hinaptinmi profetata rey nirqa: Ama hina kaspayá yupaychasqayki Tayta Diosta mañaykapuway makillay allinyarunanpaq, nispa. Chaymi Tayta Diosta mañakuptin reypa makin allinyarurqa, hinaspam imaynam ñawpaq kasqanman hina kutiykurqa.

Éxodo 8:28

Chaymi Faraón nirqa: Ñoqam chunniqman rinaykichikpaq kachaykusqaykichik, chaynapi Dios-nikichikman sacrificiokunata ofrecespa yupaychamunaykichikpaq, ichaqa amam llumpay karutaqa rinkichikchu, hinaspam ñoqapaqpas mañakamunkichik, nispa.

Éxodo 9:28

Tayta Diosta mañakuychik kay rayontin llipyantin runtu para pasananpaq. Ñoqaqa kachaykusqaykichikñam, manañam qepankichikñachu, nispa.

Isaías 1:15

Makikichikta hoqarispa mañakamuwaptikichikpas qamkunamantam ñawiyta asurichini. Maynataña mañakamuwaptikichikpas manam uyarisqaykichikchu. Makikichikpas yawarwan qachachasqam kachkan.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Isaías 37:4

Ichapas Tayta Dios uyarirqa Asiria reypa kamachimusqan runapa Tayta Diosta kamisqanta, allincha kanman chay rimasqanmanta Tayta Dios puchukachiptinqa. Chaynaqa, Diostayá puchuq kaqkunapaq mañakuy, nispa.

Isaías 42:20

Tukuy imata qawachkaspapas mana kaqpaqpas hapiqmi, rinrinwan uyarichkaspapas mana imapas qokuqmi.

Jeremías 15:11

¡Dios Taytalláy, chaynayá kachun! Sichum paykunarayku mana mañakurqaykichu, hinaptinqa enemigoykuna sasachakuypi llakikuypi kachkaptinku mana qayakurqaykichu, hinaptinqa ñakawasqankuyá chayawachun.

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 21:2

Ama hina kaspaykiyá ñoqanchikpaq Tayta Diosta tapuykuy. Babilonia nacionpa reynin Nabucodonosormi atacamuwachkanchik, ichapas Tayta Diosqa ñawpaq tiempopi hina admirakuypaq kaqkunata ruwaspan Nabucodonosorta ñoqanchikmanta asurachinman, nispa.

Jeremías 36:7

Icharaqpas Tayta Diosta mañakuspanku mana allin kawsayninkumanta wanakunmanku. Tayta Diosqa llumpayta piñakuspanmi kay runakunata amenazachkan, nispa.

Jeremías 37:20

Reynilláy, kunanmi ruegakuyki kay mañakusqayta chaskiykuwanaykipaq. Secretario Jonatanpa wasinmanqa amañayá kutichiwaychu chaypi mana wañurunaypaq, nispa.

Jeremías 37:3

Rey Sedequiasmi kacharqa Selemiaspa churin Jucaltawan Maasiaspa churin sacerdote Sofoniasta, chaynapi profeta Jeremiasta kaynata nimunankupaq: Yupaychasqanchik Tayta Diostayá mañapuwayku, nispa.

Jeremías 38:14

Chaymantam Jeremiasta rey Sedequías pusarachimurqa templopa kimsa kaq pationman, hinaspanmi nirqa: Kunanmi tapuptiy imam kaqta niwanki, nispa.

Jeremías 40:15

Hinap-tinmi Careapa churin Johananqa Gedaliasta pakasqallapi nirqa: Netaniaspa churin Ismaelta wañurachimunaypaq saqeykuway. Manam pipas yachanqachu pim wañuchisqantaqa. ¿Imaynataq wañurachisunkimanqa? Wañurachisuptikiqa qanman huñukamuq Judá runakunam cheqerunqaku, hinaptinmi Judá nacionpi puchuq runakunapas chinkarunqaku, nispa.

Jeremías 42:20

Qamkunaqa kikillaykichikmi pantachkankichik. Kiki-kichikmi mañawarqankichik: “Yupay-chasqanchik Tayta Diosta ñoqaykupaq mañakuy hinaspa imam nisqanta ruwanaykupaq willawayku”, nispaqa.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Ezequiel 12:16

Ichaqa guerramantawan yarqaymanta hinaspa peste onqoymantam asllatapas puchuykachisaqraq, chaynapi maylaw nacionkunamanña rispapas millakuypaq ruwasqankumanta willakunankupaq. Chaynapim Tayta Dios kasqayta yachanqaku, nispa.

Oseas 8:10

Nacionkunaman chaynataq Asiriaman tributo qoyninkupas, paykunataqa manam yanapanqachu, paykunataqa huklaw nacionkunakama apachiptiymi, reykunapa munaychakuqkunapa ñakarichisqan kanqaku ichaqa manam unaychu ñakarinqaku.

Levítico 26:22

Manchakuypaq monte animalkunatapas kachaykamusaqmi, hinaptinmi churi-wawaykichikkunatawan animalnikichikkunatapas pasaypaqta tukurunqa, chaynapim aschallaña rikuriruptikichik ñannikichikpas chunninqa.

Amós 7:2

Chay aqaruwaykuna qorakunatapas mikuyta tukuruptinkum mañakurqani: Dios Taytalláy, pampachaykullawayku, Israel llaqtaqa aschallam kaniku, ¿pitaq hatarichiwanqaku? nispay.

Mateo 24:22

Sichum chay ñakariy punchawkuna mana asllayachisqa kaptinqa manachá pipas wañuymanta librakunmanchu. Ichaqa akllasqakunaraykum chay punchawkunaqa asllayachisqa kanqa.

Hechos 8:24

Hinaptinmi Simonñataq nirqa: Señortayá mañapullawaychik, chaynapi chay nisqaykichikkuna ama chayaramuwananpaq, nispa.

Deuteronomio 28:62

Chaynaqa, Israelpa mirayninkuna, cielopi chaskakuna hina achkallaña kachkaspapas, aschallañam puchurunkichik, Señornikichik Tayta Diosta mana kasukusqaykichikrayku.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.

Deuteronomio 4:27

Huklaw nacionkunaman Tayta Dios cheqerachisuptikichikmi chay nacionkunapi asllaña puchunkichik.

Santiago 5:16

Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi.

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.

1~Samuel 7:8

Chaymi Samuelta nirqaku: Tuta punchawyá yupaychasqanchik Diosta, Tayta Diosninchikta mañapuwayku, chaynapi filisteokunapa makinmanta librawanankupaq, nispanku.