Jeremías 42:10 - CHUYA QELLQA La Biblia en Quechua de Ayacucho 2012

¹⁰ “Kay allpamanta mana lloqsiptikichikqa wasita hina hatarichispaymi mana tuñichisqaykichikchu, plantata hina plantaspaymi mana pelasqaykichikchu. Contraykichikpi castigokuna kachamusqaymantam llakisqa kachkani.

Quechua Ayacucho Bible 1987

¹⁰ “Kay allpamanta mana lloqsiptikichikqa wasita hina hatarichispaymi mana tuñichisqaykichikchu, plantata hina plantaspaymi mana pilasqaykichikchu. Contraykichikpi castigokuna kachamusqaymantam pesakuruni.

Chuya Qellqa 1992

¹⁰ “Kay allpamanta mana lloqsiptikichikqa wasita hina hatarichispaymi mana tuñichisqaykichikchu, plantata hina plantaspaymi mana pelasqaykichikchu. Contraykichikpi castigokuna kachamusqaymantam llakisqa kachkani.

Jeremías 42:10 Iomraidhean Croise

2~Samuel 24:16

Jerusalenpi runakunata ángel chinkarachinanpaq kachkaptinmi, castigasqan runakunamanta llakipayarikuspan chay wañuchiq angelta Tayta Dios nirqa: ¡Chaykamallaña! ¡Amaña masta wañuchiychu! nispa. Tayta Diospa angelninñataqmi Jebús casta Araunapa eranpi kachkarqa.

Éxodo 32:14

Chaymi Tayta Diosqa mana allin ruwananpaq piensasqanta manaña ruwarqachu.

Jeremías 24:6

Paykunataqa waqaychaspaymi kay allpaman kutichimusaq. Kaypi hatarichispaymi manaña tuñichisaqñachu. Plantaruspaymi manaña sapinmantaqa chutasaqñachu.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Jeremías 27:11

Babilonia nacionpi reypa llasaq yugonman kunkanta sujetaqkunatam ichaqa hina allpanpi saqeykusaq, hinaptinmi chakrankuta llamkaspa hinapi yachanqaku. Ñoqa Tayta Diosmi chaynata nini.

Jeremías 31:28

Imaynam paykunata tuñichirqani, plantata hina chutarqani, chinkachirqani, taqmarqani hinaspa ñakarichirqani; chaynam kunanpas paykunata hatarichispay plantata hina takyachisaq. Ñoqa Tayta Diosmi chaynata nini.

Jeremías 33:7

Judá runakunatawan Israel runakunata preso risqankumanta kutichimuptiymi, ñawpaq tiempokunapi hinaraq kaqllamanta hatarichisqa kanqaku,

Jeremías 43:4

Chaynapim Careapa churin Johananpas, tropankunapa capitannin-kunapas, lliw runakunapas, Judá nacion-pi yachaqkunapas Tayta Diospa kamachisqantaqa mana kasukurqakuchu.

Ezequiel 36:36

Chaynapim muyuriqnikichikpi qepaq nacionkuna yachanqaku tuñichisqa kaqkunata ñoqa Tayta Dios musoqmanta hatarichisqayta, purmachisqa chakrakunatapas kaqllamanta tarpusqayta. Ñoqa Tayta Diosmi chaynata nini, nisqayqa ruwasqam kanqa.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Amós 7:3

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Amós 7:6

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Jonás 3:10

Imam ruwasqankuta qawarispanmi Tayta Dios rikururqa Nínive llaqtayuq runakuna mana allin kawsayninkumanta wanakurusqankuta, chayraykum piñakuyninta sapaqchaykuspan imam tanteasqantaqa manaña ruwarqañachu.

Jonás 3:4

Chayarus-panmi Jonasqa tukuylla punchaw puriyta qallaykurqa kaynata willakustin: ¡Tawa chunka punchawmantam Nínive llaqta chinkachisqa kanqa! nispa.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Hechos 15:16

“Kaykuna pasaruptinmi kutimusaq, hinaspaymi Davidpa tuñisqa wasinta hatarichisaq, perqankunata allichaykuspaymi musoqmanta hatarichisaq,

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Jueces 2:18

Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.