Jeremías 41:9 - CHUYA QELLQA La Biblia en Quechua de Ayacucho 2012

⁹ Ismaelmi Gedaliastawan kuskata wañuchisqan runakunapa ayankunata huk pozoman wischuykurqa. Chay pozotam rey Asa ruwachirqa, Israel nacionpa reynin Baasamanta defiendekunanpaq. Chay pozotam Netaniaspa churin Ismael ayakunawan huntarachirqa.

Quechua Ayacucho Bible 1987

⁹ Gedaliastawan kuskata llapallan wañuchisqanku runakunapa ayankunatam Ismael wischuykurqa pozoman. Chay pozotaqa Rey Asaraqmi rurachirqa, Israel nacionpa reynin Baasa atacaptin. Chay pozotamá Netaniaspa churin Ismael ayakunawan huntarachirqa.

Chuya Qellqa 1992

⁹ Ismaelmi Gedaliastawan kuskata wañuchisqan runakunapa ayankunata huk pozoman wischuykurqa. Chay pozotam rey Asa ruwachirqa, Israel nacionpa reynin Baasamanta defiendekunanpaq. Chay pozotam Netaniaspa churin Ismael ayakunawan huntarachirqa.

Jeremías 41:9 Iomraidhean Croise

2~Samuel 17:9

Taytaykiqa kunallanpas hukkaqnin machaypichá pakakuchkan. Sichum soldadoykikuna peleasqankupi puntata wañuruptinqa pipas uyarispam qaparinqa: “Absalonpa soldadokunam achkallaña wañurunku, nispa”.

Isaías 14:19

Qanmi ichaqa mana valeq kallma hina sepulturaykimanta wischurachikamunki, espadawan tuksipaspa wañuchisqankupa pachan hina, sarutyasqa aya kaqlla. Uku-uku uchkumanmi wischusqa karunki.

Hebreos 11:38

Kay pacham mana paykunapaq hinachu karqa, chayraykum chunniqkunapi, wayqokunapi, orqokunapi, machaykunapi hinaspa qaqa uchkukunapi purirqaku.

Jueces 6:2

Madianitakunam Israelpa mirayninkunata ñakarichirqaku, hinaptinmi Israelpa mirayninkunaqa orqokunapi machaykunapi, qaqakunapi pakakunanku uchkukunata ruwarqaku.

1~Samuel 13:6

Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.

1~Samuel 14:11

Chaymi paykuna Filistea tropakunawan rikurachikurqaku, hinaptinmi chay tropakuna nirqaku: Waqaya hebreo runakunaqa pakakusqanku uchkukunamanta lloqsimuchkanku nispanku.

1~Samuel 14:22

Efraín law orqonkunapi pakakuq Israel tropakunapas Filistea tropakuna ayqesqankuta uyarispankum peleanankupaq qatirqaku.

1~Samuel 24:3

Richkaspankum chayarurqaku ovejakunapa kanchanman. Chaypa hichpanpim huk machay tarikurqa. Davidmi runankunapiwan chay machaypi pakakuchkarqaku, chaymanmi ispakunanpaq Saúl yaykururqa.