Jeremías 41:5 - CHUYA QELLQA La Biblia en Quechua de Ayacucho 2012

⁵ Siquemmanta, Silo-manta hinaspa Samariamanta pusaq chunka runakuna chayaramurqaku, barbankupas rutukusqa, pachankupas llikipasqa chaynataq cuerponkupas kuchupasqa. Paykunam apamurqaku kawsaykunatawan inciensota Tayta Diospa templonpi ofrecenankupaq.

Quechua Ayacucho Bible 1987

⁵ Siquem llaqtamanta, Silo llaqtamanta chaynataq Samaria llaqtamanta chayaramurqaku pichqa chunka runakuna. Paykunaqa chayarurqaku barbankupas afeitasqam, pachanku llikipasqam chaynataq cuerponkupas kuchupasqam. Paykunaqa apamurqakutaqmi kawsaykunamanta ofrendakunatapas chaynataq inciensotapas Tayta Diospa templonpi presentanankupaq.

Chuya Qellqa 1992

⁵ Siquemmanta, Silomanta hinaspa Samariamanta pusaq chunka runakuna chayaramurqaku, barbankupas rutukusqa, pachankupas llikipasqa chaynataq cuerponkupas kuchupasqa. Paykunam apamurqaku kawsaykunatawan inciensota Tayta Diospa templonpi ofrecenankupaq.

Jeremías 41:5 Iomraidhean Croise

Génesis 33:18

Jacobmi Padan-aram lawmanta hamuspa Canaán allpapi kaq Siquem llaqtaman chayaruspan chay llaqtapa chimpanpi carpankunata sayachirqa.

Génesis 34:2

Hamorpa churin Siquemmi Dinata rikururqa, hinaspam mana munakuchkaqta hapiruspan abusarurqa. Hamorqa chaylawpi kamachikuq Hev casta runam karqa.

Génesis 37:12

Joseypa wawqenkunam taytanpa ovejankunata michiq Siquem lawman rirqaku.

2~Samuel 10:4

Hinaptinmi runankunata rey Hanún kamachirqa Davidpa serviqninkunata presochanankupaq hinaspa barban-kutapas huklaw waqtallanta siksiruspanku pachankutapas siki patankama kuchurunankupaq. Chaymi reypa kamachisqanman hina ruwaruspanku aviarurqaku.

1~Reyes 12:1

Israelpa llapallan mirayninkunam Siquem llaqtapi huñunakururqaku reyninkupaq Roboamtaña churanankupaq. Chaymanmi Roboampas rirqa.

1~Reyes 12:25

Jeroboammi Efraín law orqokunapi kaq Siquem llaqtata musoqmanta hatarichispan chaypi yacharqa, chaymantam Penuel llaqtaman rispan chay llaqtatapas hatarichirqa.

1~Reyes 16:24

Rey Omrim Semermanta Samaria orqota rantirurqa soqta chunka soqtayuq kilo qollqewan, chaypim huk llaqtata hatarichispan Samariawan suticharqa, chaynataqa suticharqa orqo rantikuqnin Semerpa sutinraykum.

1~Reyes 16:29

Judá nacionpi rey Asa kimsa chunka pusaqniyuq wataña munaychakuchkaptinmi Omripa churin Acab Israelpi munaychakuyta qallaykurqa. Samariamantam Israel nacionpi munaychakurqa iskay chunka iskayniyuq wata.

2~Reyes 25:9

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa wasinkunatapas.

1~Crónicas 19:4

Chaymi rey Hanunqa, Davidpa ser-viqninkunata hapiruspa barbankuta ruturuspa pachankutapas siki patankama kuchururqa, chaymantañam kachaykurqaku.

Isaías 15:2

Bayitwan chaynataq Dibonwan sutichasqanku moqopi capillakunamanmi waqaq qespirqaku. Moab castakunam Nebo llaqtarayku, Medeba llaqtarayku waqanqaku. Llapallankum umankupas, barbankupas rutusqa kachkanku.

Jeremías 16:6

Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Jeremías 41:4

Gedaliasta wañurachisqankupa paqarinnintintam chaynataq imam pasakurusqanta manaraq pipas yacha-ruchkaptinmi,

Jeremías 47:5

Gaza llaqtayuqkunam chukchankuta rutukurunku, Ascalón llaqtayuqkunam manchakuymanta mana rimaqña rikurirunku. Pampa lawkunapi puchuqkuna ¿haykapikamataq aychaykichikta kuchupakunkichik?

Jeremías 48:37

Lliw runapa umanmi paqlayachisqa kachkan, lliw runapa barbanmi rutusqa kachkan, llapallankum makinkuta ikipakurunku, llapallankum qachqa pachawan churakurunku.

Jeremías 7:12

Ñawpaq watakunapi yachasqay Silo llaqtaman riychik, Israel runaykunata mana allin ruwasqankumanta imam ruwasqayta qawamuychik.

Jeremías 7:14

Chayraykum kay hapipakunaykichik templotapas, qamkunamanwan ñawpaq taytaykichikkunaman qosqay templotapas, Silo llaqtapi santuariota hina purmachisaq.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Deuteronomio 14:1

Qamkunaqa Señornikichik Tay-ta Diospa churinkunam kankichik. Pipas wañuruptinqa amam cuerpoykichiktaqa kuchukunkichikchu nitaqmi umaykichiktapas kachiy-kachiytaqa rutukunkichikchu.

Josué 18:1

Israelpa mirayninkunam allpata munaychakuruspanku, Silo llaqtapi huñunakuspa Diosman asuykuna carpata sayachirqaku.

Josué 24:32

Israelpa mirayninkunam Egipto nacionmanta Joseypa tullunkuna apamusqankuta Siquem llaqtapi Joseyman tupaqnin chakrapi pamparqaku. Chay allpatam Jacob rantirqa Hamorpa churinkunamanta tawa kilo parten qollqewan. Hamorqa karqa Siquem sutiyuq runapa taytanmi. Chay chakram karqa Joseypa mirayninkunapaq herencia.

Jueces 18:31

Diospa santuarion Silo llaqtapi kanankamaqa Micaiapa llaqllachisqan idolokunapas chaypim karqa.

Jueces 9:1

Jerobaalpa churin Abimelecmi mamanmanta ayllunkunapa kasqan Siquem llaqtaman rispan mamanpa ayllunkunata kaynata nirqa:

1~Samuel 1:7

Chaynatam ruwaq sapa wata Diospa wasinman riptinku, Peninam kamiqpuni, chaymi Anaqa waqaspan mana mikuqchu.