Jeremías 41:1 - CHUYA QELLQA La Biblia en Quechua de Ayacucho 2012

¹ Qanchis kaq killapim Elisamapa willkan otaq Netaniaspa churin Ismael chunka runakunapiwan rirqa, Mizpa llaqtapi yachaq Ahicampa churin Gedaliasman. Ismaelqa karqa reypa mirayninmanta kaqmi hinaspa reypa tropankunapa capitanninmi. Chaypi kuskanku mikuchkaptinkum,

Quechua Ayacucho Bible 1987

¹ Qanchis kaq killapim Elisamapa willkan otaq Netaniaspa churin Ismael chunka runakunapiwan rirqa Mizpa llaqtapi *f**yachaq Ahicampa churin Gedaliasman. Ismaelqa karqa reypa mirayninmanta kaqmi chaynataq reypa tropankunapa capitanninmi. Chaypi mikuchkaptinkum

Chuya Qellqa 1992

¹ Qanchis kaq killapim Elisamapa willkan otaq Netaniaspa churin Ismael chunka runakunapiwan rirqa, Mizpa llaqtapi yachaq Ahicampa churin Gedaliasman. Ismaelqa karqa reypa mirayninmanta kaqmi hinaspa reypa tropankunapa capitanninmi. Chaypi kuskanku mikuchkaptinkum,

Jeremías 41:1 Iomraidhean Croise

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

2~Reyes 11:1

Rey Ocoziaspa maman Ataliam wawan wañurachisqankuta yacha-ruspan, reypa mirayninkunata lliwta wañurachirqa.

2~Reyes 25:22

Judá nacionpi puchuq runakunata kamachinanpaqmi, Safanpa willkan hinaspa Ahicampa churin Gedaliasta rey Nabucodonosor churarqa.

2~Reyes 25:25

Ichaqa qanchis kaq killapim reykunapa castanmanta kaq Elisamapa willkan hinaspa Netaniaspa churin Ismael, chunka runakunapiwan chayaramurqa, hinaspam Gedaliastawan Judá nacionmanta kaq runankunata chaynataq Mizpa llaqtapi yachaq Babilonia runakunatapas wañurachirqa.

2~Crónicas 22:10

Rey Ocoziasta wañurachisqankuta maman Atalía yacharuspanmi, Judá nacionpi reypa mirayninkunata lliwta wañurachirqa.

Proverbios 13:10

Hatun tukuq runaqa peleollatam hatarichin, yachaymi ichaqa uchuychakuqkunawan tarikun.

Proverbios 27:4

Piñakuyqa manchakuypaqmi, rabiakuyqa tuñichikunmi, ichaqa ¿pitaq envidiakuypa qayllanpi takyanman?

Jeremías 36:12

hinaspanmi reypa palacionpi secretariopa cuartonman uraykurqa, chaypim kay kamachikuqkuna kachkarqaku: Secretario Elisama, Semaiaspa churin Delaía, Acborpa churin Elnatán, Safanpa churin Gemarías, Ananiaspa churin Sedequías chaynataq wakin kamachikuqkunapas.

Jeremías 36:20

Chaymantam llapa kamachikuq-kunaqa, rollota secretario Elisamapa cuartonpi saqeykuspanku, reypa palacionpa pationman yaykurqaku, hinaspam tukuy chay palabrakunata reyman willarqaku.

Jeremías 39:14

kacharqaku carcelpa pationmanta Jeremiasta hurqomuspanku Ahicampa churin Gedaliasman qomunankupaq, chaynapi Jeremiasta wasinmanña pusananpaq. Chaymi Jeremiasqa llaqta runakunawanña yacharqa.

Jeremías 40:13

Careapa churin Johananmi campopi kaq tropakunapa capitanninkunawan kuska Mizpa llaqtapi yachaq Gedaliaspaman rirqaku,

Jeremías 40:5

Kutiyta munaspaqa, Safanpa willkanpa otaq Ahicampa churin Gedaliaspaman kutikuy. Paytam Babilonia nacionpa reynin churarun Judá law llaqtakunapi gobernador kananpaq. Paywanyá hina llaqtaykipi yachamuy. Maypipas yachayta munasqaykimanyá ripukuy, nispa. Chaynata niykuspanmi Jeremiasta regalokunatawan mikuyta qoykuspan aviarurqa.

Jeremías 40:6

Chaymi Jeremiasqa Mizpa llaqtapi yachaq Ahicampa churin Gedaliaspaman ripukurqa, hinaspam chaylawpi puchuq runakunawan kuska yacharqa.

Jeremías 40:7

Judá law campokunapi puchuq soldadokunapa capitanninkunam yacharurqaku, Babiloniaman preso apasqa kanankumanta puchuq qarikunata, warmikunata, warmakunata hinaspa wakcha runakunata nanachikunanpaq chaynataq Judá nacionpi gobernador kananpaq Ahicampa churin Gedaliasta Babilonia nacionpa reynin churarusqanta.

Jeremías 40:8

Chay runakunam karqa: Netaniaspa churin Ismael, Careapa churin Johananwan Jonatán, Tanhumetpa churin Seraías, Netofa llaqtayuq Efaipa churinkuna hinaspa Maacat llaqtayuq runapa churin Jezanías. Paykunam runankunawan kuska rirqaku Mizpa llaqtapi yachaq Gedaliaspata.

Ezequiel 17:13

Chaymantam reypa churinta hapirurqa, hinaspam huk contratota ruwaspan payllaman hapipakuspa kasukunanpaq obligaspa jurachirqa. Chaymantam chay nacionpi ancha reqsisqa runakunata aparqa.

Juan 13:18

Manam llapallaykichikmantachu ñoqaqa rimachkani, reqsinim pikunam akllasqaytaqa. Qellqapa nisqanpi hina: “Mikuqmasiypas contraypim hatarirun” nisqanmi cumplikunan.