Jeremías 40:5 - CHUYA QELLQA La Biblia en Quechua de Ayacucho 2012

⁵ Kutiyta munaspaqa, Safanpa willkanpa otaq Ahicampa churin Gedaliaspaman kutikuy. Paytam Babilonia nacionpa reynin churarun Judá law llaqtakunapi gobernador kananpaq. Paywanyá hina llaqtaykipi yachamuy. Maypipas yachayta munasqaykimanyá ripukuy, nispa. Chaynata niykuspanmi Jeremiasta regalokunatawan mikuyta qoykuspan aviarurqa.

Quechua Ayacucho Bible 1987

⁵ Jeremias manaraq kutiykuchkaptinmi Nabuzaradan nirqa: —Safanpa willkanpa otaq Ahicampa churin Gedaliaspa kasqanmanyá kutikuy. Paytam Juda lawpi llaqtakunata gobiernananpaq Babilonia nacionpa reynin churarun. Paywanyá llaqtamasikikuna ukupi *f**yachakuy, mana chayqa munasqayki lawmanyá pasakuy —nispa. Reyta cuidaq soldadokunpa jefen chaynata Jeremiasman niykuspanmi qoykurqa mikuytawan regalota hinaspam aviaykurqa.

Chuya Qellqa 1992

⁵ Kutiyta munaspaqa, Safanpa willkanpa otaq Ahicampa churin Gedaliaspaman kutikuy. Paytam Babilonia nacionpa reynin churarun Judá law llaqtakunapi gobernador kananpaq. Paywanyá hina llaqtaykipi yachamuy. Maypipas yachayta munasqaykimanyá ripukuy, nispa. Chaynata niykuspanmi Jeremiastaqa regalokunatawan mikuyta qoykuspan aviarurqa.

Jeremías 40:5 Iomraidhean Croise

2~Reyes 22:12

Chaymantam sacer-dote Hilciasta, Safanpa churin Ahicamta, Micaiaspa churin Acborta, secretario Safanta hinaspa serviqnin Asaiasta kaynata kamachirqa:

2~Reyes 22:14

Hinaptinmi sacerdote Hilciaswan, Ahicam, Acbor, Safán hinaspa Asaías tapumunankupaq Harhaspa willkan hinaspa Ticvapa churin Salumpa warmin profetisa Huldaman rirqaku. Salumqa karqa Diospa templopi pachakunawan cuentallikuqmi. Huldaqa Jerusalén llaqtapa musoq barrionpim yacharqa. Chayaruspankum paywan rimarqaku.

2~Crónicas 34:20

Hinaspam sacerdote Hilciasta, Safanpa churin Ahicamta, Micaiaspa churin Abdonta, secretario Safanta hinaspa serviqnin Asaiasta kaynata kamachirqa:

Esdras 7:27

Chaymi Esdras kaynata nirqa: Ñawpaq taytanchikkunapa yupay-chasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Nehemías 1:11

Dios Taytalláy ruegakuykim, kay serviqnikipa mañakuynintayá uyariykamullaway, sutikita hatunchay munaq serviqnikikunapa mañakuynintapas uyariykuyá. Kunanmi mañakamullayki ima ruwasqaypipas yanapaykuwanaykipaq, chaynataq reywanpas kuyapayaykachiwanaykipaq, nispa. Chay tiempopiqa reypa coperonmi karqani.

Jobwan Sutichasqa Libro 22:29

Diosqa hatun tukuqkunatam uchuychan, uchuychakuqkunatam ichaqa hatunchan.

Proverbios 16:7

Runapa ñannin Tayta Diospa munasqanpaq hina kaptinqa, Tayta Diosmi chay runataqa enemigonkunawan hawkayaypi kawsachinqa.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Jeremías 15:11

¡Dios Taytalláy, chaynayá kachun! Sichum paykunarayku mana mañakurqaykichu, hinaptinqa enemigoykuna sasachakuypi llakikuypi kachkaptinku mana qayakurqaykichu, hinaptinqa ñakawasqankuyá chayawachun.

Jeremías 26:24

Safanpa churin Ahicammi Jeremiaspa allinninpi rimarqa, chaynapim Jeremiasta wañurachinankupaq llapa runakunapa makinmanqa mana qoykurqakuchu.

Jeremías 39:14

kacharqaku carcelpa pationmanta Jeremiasta hurqomuspanku Ahicampa churin Gedaliasman qomunankupaq, chaynapi Jeremiasta wasinmanña pusananpaq. Chaymi Jeremiasqa llaqta runakunawanña yacharqa.

Jeremías 40:4

Kunanmi kay cadenakunata makikimanta kachaykuni, munaptikiqa Babiloniaman hakuchik, wakpiqa ñoqam nanachikusqayki. Mana riyta munaspaykiqa hinapiyá qepakuy, kay nacionpi allpaqa makikipim kachkan, maylawmanpas rispa chaypi yachakunaykipaq.

Jeremías 41:1

Qanchis kaq killapim Elisamapa willkan otaq Netaniaspa churin Ismael chunka runakunapiwan rirqa, Mizpa llaqtapi yachaq Ahicampa churin Gedaliasman. Ismaelqa karqa reypa mirayninmanta kaqmi hinaspa reypa tropankunapa capitanninmi. Chaypi kuskanku mikuchkaptinkum,

Jeremías 41:18

Chaynataqa tantearqaku Ahicampa churin Gedaliasta Netaniaspa churin Ismael wañurachisqanmanta Caldea runakunata manchakusqankuraykum. Gedaliastaqa Babilonia nacionpa reyninmi gobernador kananpaq churarqa.

Jeremías 41:2

Netaniaspa churin Ismaelqa qonqaymanta hatarispan chunkantin runankunawan, Safanpa willkan otaq Ahicampa churin Gedaliasta espadawan wañurachirqa. Chaynatam Babilonia nacionpi reypa churasqan kamachikuqta wañurachirqaku.

Hechos 27:3

Paqarinnintin punchawñataqmi Sidón llaqtaman chayarqaniku. Hinaptinmi Capitán Julioqa Pablota kuyapayasqanrayku, Pablopa reqsinakusqankuna watukamuspanku imallapipas yanapaykunankuta mana harkakurqachu.

Hechos 27:43

Ichaqa soldadokunapa capitanninmi Pablota salvayta munaspan harkakurqa ama pitapas wañuchinankupaq, hinaspam kamachirqa nadeay yachaqkuna puntata yakuman pawaykuspanku patanman lloqsinankupaq,

Hechos 28:10

Paykunam llumpayta agradecekuwaspanku kuyakuyninkuta qowarqaku. Huk barcopiña lloqsiptiykum tukuy ima pisiwaqniykuta qowarqaku.

Hebreos 13:6

Chaynaqa, confianzawanmi ninan-chik: “Señormi ñoqapa yanapawaqniyqa manam manchakusaqchu, runapa imapas ruwawanantaqa manam manchakusaqchu”, nispanchik.