Jeremías 40:11 - CHUYA QELLQA La Biblia en Quechua de Ayacucho 2012

¹¹ Moab, Amón, Edom hinaspa wakin nacionkunapi yachaq Judá casta runakunapas yacharurqakum Safanpa willkan otaq Ahicampa churin Gedaliasta, Ba-bilonia nacionpa reynin, Judá nacionpi puchuq runakunapi kamachikunanpaq churarusqanta.

Quechua Ayacucho Bible 1987

¹¹ Moab nacionpi, Amon nacionpi, Edom nacionpi hinaspa wakin nacionkunapi tarikuq Juda casta runakunapas uyarirurqakum: “Safanpa willkan otaq Ahicampa churin Gedaliastam Babilonia nacionpa reynin churarun Juda nacionpi puchuq runakunata gobiernananpaq” nispa nisqankuta.

Chuya Qellqa 1992

¹¹ Moab, Amón, Edom hinaspa wakin nacionkunapi yachaq Judá casta runakunapas yacharurqakum Safanpa willkan otaq Ahicampa churin Gedaliasta, Babilonia nacionpa reynin, Judá nacionpi puchuq runakunapi kamachikunanpaq churarusqanta.

Jeremías 40:11 Iomraidhean Croise

Génesis 36:8

Chaymi Esauqa Seir orqopiña yacharqa. Esaupa huknin sutinmi Edom karqa.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 16:4

Moab nacionmanta ayqemuqkunayá qamkuna ukupi yachachunku. Wañuchiqkunamantayá pakaykuychik. Ñakarichisqa kayniyku tukuruptinqa, llaqtakuna purmachiq tukuruptinqa, chaynataq enemigopas nacionmanta pasaruptinqa,

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Jeremías 41:10

Chaymantam Mizpa llaqtapi puchuq runakunatawan reypa warmi churinkunata hinaspa reyta waqaychaq soldadokunapa capitannin Nabuzaradanpa saqesqankunatapas presocharurqa, paykunatam Ahicampa churin Gedalías nanachikurqa. Chay runakunata pusarikuspanmi Netaniaspa churin Ismaelqa Amonpa mirayninkunapa allpanman pasakurqa.

Jeremías 43:5

Aswanraqmi Careapa churin Johananwan tropankunapa llapallan capitanninkunaqa, huklaw nacionkunaman cheqechisqa kasqankumanta Judá allpapi yachanankupaq kutimuqkunatapas,

Jeremías 43:6

qarikunata, warmikunata, warmachakunata, reypa warmi churinkunata hinaspa wakin runakunatapas huñururqaku. Paykunatam Safanpa willkan otaq Ahicampa churin Gedalías nanachikunanpaq, reyta waqaychaq soldadokunapa capitannin Nabuzaradán saqerqa. Profeta Jeremiastawan Neriaspa churin Barucmantapas Gedaliasqa nanachikurqam.

Jeremías 9:26

Judá naciontapas, Egiptotapas, Amontapas, Edomtapas, Moabtapas hinaspa rinrinkupa ñawpaqnin lawpi kaq chukchanku rutukuqkunatapas chaynataq chunniqpi yachaqkunatapas castiganaypaq. Chay nacionpi kaqkunaqa llapallankum qari kayninkupi mana señalasqa runakuna, Israelpa mirayninkunañataqmi sonqonkupi mana señalasqa runakuna.

Ezequiel 25:12

Ñoqa Tayta Diosmi kaynata nini: Edom nacionmi Judá nacionmanta vengakurun, chaynapim llumpay huchayuq rikurirun.

Ezequiel 25:2

Runapa churin, Amonpa mirayninkunata qawarispayki paykunapa contranpi profetizay.

Ezequiel 25:6

Ñoqa Tayta Diosmi nikichik: Amonpa mirayninkuna, qamkunam taqllakusparaq kusikuymanta pawaykacharqankichik, Israel nacionmantam burlakuspa asikurqankichik.

Ezequiel 25:8

Tayta Diosmi kaynata nin: Moab nacionwan Seir nacionmi kaynata ninku: “Judá nacionpas wakin nacionkuna hinallam”, nispanku.

Ezequiel 34:6

Orqokunapim, alto mo-qokunapim cheqeruspa llutanpi purillachkanku, tukuy hinastinman cheqesqam kach-kanku, manam pipas maskaqninku kanchu, nitaqmi tapuyllapas tapukunkuchu.

Ezequiel 35:15

Israelpa mirayninkunapa herencianku allpa purmachisqa kaptinmi kusikurqanki, chaynatapunim qanwanpas ruwasaq: Seir orqom purmachisqa kanqa, Edom nacionmi purmachisqa kanqa. Chaynapim Tayta Dios kasqayta yachanqaku.

Ezequiel 35:5

Qamqa Israelpa mirayninkunapa wiñaypaq enemigonmi karqanki, mana allin ruwasqankumanta ñakariypi kachkaptinkupas guerrawanraqmi paykunataqa hapirqanki.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Ezequiel 5:3

Rutukusqayki chukchaykimantam aschallata hapiykuspa pachaykipa patanman watanki.

Números 22:1

Chaymanta lloqsispankum Moab law pampakunapi Israelpa mirayninkuna samarurqaku, chay pampakunaqa kachkan Jordán mayupa waklawninpim hinaspa Jericó llaqtapa chimpanpim.

Números 25:1

Israelpa mirayninkunam Sitim lawpi samaruspanku, Moabita warmikunawan huchallikuyta qallaykurqaku.

Números 25:2

Chay warmikunam diosninkuman ofrecesqanku mikuykunata chay runakunaman mikuchirqaku, chaymi mikuruspanku Moab runakunapa idolonkunataña yupaycharqaku.

1~Samuel 11:1

Amón runakunapa reynin Nahasmi hamurqa Galaadpi Jabes llaqtawan guerrapi peleananpaq. Chaymi Jabes runakuna rey Nahasta mañakurqaku: Contratota ruwaptinchikyá ñoqayku qamkunapa sirvientekichikña kasaqku, nispanku.

1~Samuel 12:12

Ichaqa Amonpa reynin Nahasta contraykichikpi peleaq hamuqta rikuspam huk reyta qonaypaq mañakuwarqankichik, yupaychasqanchik Diospuni reyninchik kachkaptinmi huk munaychakuqtaraq mañakuwarqankichik.