Jeremías 40:10 - CHUYA QELLQA La Biblia en Quechua de Ayacucho 2012

¹⁰ Ñoqam kay Mizpa llaqtapi yachaspay Caldea lawmanta hamuq runakunata atiendesaq. Qamkunaqa vinotawan aceiteta ruwaspayá frutakunatawan tukuy imata huñukuychik, hinaspayá hapikusqaykichik llaqtakunapi yachamuychik, nispa.

Quechua Ayacucho Bible 1987

¹⁰ Ñoqaqa kay Mizpa llaqtapi *f**yachaspaymi Caldea lawmanta ñoqanchikman hamuq runakunata atiendesaq. Qamkunaqa vinotawan aceiteta ruraspayá frutakunatawan tukuy imapi huñukuychik. Dueñochakuspayá llaqtakunapi yachakuychik.

Chuya Qellqa 1992

¹⁰ Ñoqam kay Mizpa llaqtapi yachaspay Caldea lawmanta hamuq runakunata atiendesaq. Qamkunaqa vinotawan aceiteta ruwaspayá frutakunatawan tukuy imata huñukuychik, hinaspayá hapikusqaykichik llaqtakunapi yachamuychik, nispa.

Jeremías 40:10 Iomraidhean Croise

2~Samuel 16:1

Chay orqopa puntanmanta tumpa waklawnintaña David richkaptinmi Mefi-bosetpa serviqnin Siba chaskiqnin lloqsimurqa. Sibaqa hamurqa iskay silla asnokuna pusarisqam hinaspa iskay pachak tantata, pachak sarta uvas pasasta, higos pasasmanta pachak tortillakunata chaynataq huk odre vinota cargakuykuspanmi.

1~Reyes 10:8

¡Mayna kusisqam warmikikunaqa chaynataq ñawpaqnikipi tukuy tiempo yachayniki uyariq serviqnikikunaqa!

Proverbios 22:29

Pipas ruwananta allinta llamkakuqqa reykunatam servinqa, manam huk runataqa servinqachu. -6-

Proverbios 27:25

Lliwa wiñaruptinmi, pasto iklliruptinmi, orqopi pastokuna rutusqa kaptinmi,

Isaías 16:9

Chayraykum Sibma llaqtapi uvas huertamanta, Jazer llaqtapi kaqkunawan kuska ñoqapas waqachkani. Hesbón llaqta, Eleale llaqta, qamkunaraykum weqeyta chaqchuchkani. Tarpukuynikikunapa hawanpim, cosechaykikunapa hawanpim guerrapi peleaqkuna qaparirqaku.

Jeremías 35:19

Recabpa churin Jonadabpa mirayninmantaqa kanqapuni ñoqata serviwaqniykunaqa. Ñoqa Tukuy Atiyniyuq Tayta Diosmi chaynata nini.

Jeremías 39:10

Judá lawpiqa saqerurqa wakcha mana imayuq runakunallatañam, hinaspam uvas huertakunatawan chakrakunata paykunaman qoykarirqa.

Jeremías 40:12

Chaymi cheqesqanku nacionkunamanta Judaman kutimuspanku Mizpa llaqtapi yachaq Gedaliasman huñukuykurqaku. Hinaspam vinotawan tukuy rikchaq frutakunata achkallataña huñukururqaku.

Jeremías 40:6

Chaymi Jeremiasqa Mizpa llaqtapi yachaq Ahicampa churin Gedaliaspaman ripukurqa, hinaspam chaylawpi puchuq runakunawan kuska yacharqa.

Jeremías 43:5

Aswanraqmi Careapa churin Johananwan tropankunapa llapallan capitanninkunaqa, huklaw nacionkunaman cheqechisqa kasqankumanta Judá allpapi yachanankupaq kutimuqkunatapas,

Jeremías 48:32

Sibma lawpi uvas chakra qamraykum waqasaq, Jazer llaqtarayku waqasqaymantapas mastaraqmi waqasaq. Kallmaykikunapas lamar qochapa waklawninkamaraqmi chayarqa, Jazer llaqtakamaraqmi chayarqa. Kunanmi ichaqa uvas cosechaynikipas tukunqa.

Miqueas 7:1

¡Ay, imallapiraq rikukuni! Cosecharuptinku pallapakuq hinam rikuriruni, uvasta pallaparuptinku, mikuykuyta munaspa chulla rurullatapas mana tariq hinam rikuriruni.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Deuteronomio 1:38

Nunpa churin yanapaqniki Josueymi ichaqa qampa rantikipi yaykunqa, chaynaqa paytayá kallpanchay, paymi chay allpata Israelpa mirayninkunaman qonqa.

Deuteronomio 16:13

Trigo cosechatawan uvas saruyta tukuruspañataqmi Ramada fiestata qanchis punchaw ruwankichik.