Jeremías 4:29 - CHUYA QELLQA La Biblia en Quechua de Ayacucho 2012

²⁹ Silladakunapa qapariyninwanmi, flechaqkunapa qapariyninwanmi, llaqta runakuna lluptikunku; montekunamanmi yaykunku, qaqakunamanmi qespinku. Llaqtakunam manaña runayuq qeparun, chaypiqa manañam pipas yachanñachu.

Quechua Ayacucho Bible 1987

²⁹ Silladakunapa qapariyninwanmi llaqta runakuna lluptikunku. Flechaqkunapa qapariyninwanmi llaqta runakuna lluptikunku. Montekunamanñam yaykurunku. Qaqakunamanñam seqarunku. Llapallan llaqtakunatam saqerunku. Manaña runayoqtam saqerunku.

Chuya Qellqa 1992

²⁹ Silladakunapa qapariyninwanmi, flechaqkunapa qapariyninwanmi, llaqta runakuna lluptikunku; Montekunamanmi yaykunku, qaqakunamanmi qespinku. Llaqtakunam manaña runayuq qeparun, chaypiqa manañam pipas yachanñachu.

Jeremías 4:29 Iomraidhean Croise

2~Crónicas 33:11

Chayraykum paykunapa contranpi, Asiria reypa tropankunapa kamachiqninkunata Tayta Dios pusaramurqa. Paykunam rey Manasesta hapiruspanku cadenawan wataruspa Babilonia llaqtaman pusarqaku.

Isaías 30:17

Chullalla runapa manchachisqanmi waranqa runakuna lluptinqaku; pichqa runakunapa manchachisqanñataqmi llapallaykichik ayqenkichik, orqopa puntanpi chullalla kaspi hina kanaykichikkama, moqopi sayarachisqa bandera hina kanaykichikkama.

Isaías 6:12

runakunata karuman qarqonaykamam, kay nacionpas pasaypaq chunninankamam.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 52:7

Chaymi llaqtapa perqanta toqoruspanku, Jerusalenpa lliw soldadonkuna tutallan lluptirurqaku. Iskay murallakunapa chawpinpi punkunta lloqsispankum reypa huertankunaman riq ñanninta Arabá qechwaman ayqerqaku.

Jeremías 6:23

Flechakunawan lanzakunawan armasqam hamuchkanku, mana llakipayakuq runakunam hamuchkanku; Lamar qocha hinaraqmi qapariyninkupas, caballokunapi sillakuykuspam Sión llaqtata atacaq-atacaqllaña kallpamuchkanku.

Amós 9:1

Señortam altarpa waqtanpi sayachkaqta rikurqani, paymi niwarqa: Pilarkunata waqtay cimientonkuna kuyurinankama, ñutukuspa runakunapa hawanman wichimuchun. Chaymanta puchuqtam espadawan wañuchisaq; paykunamantaqa manam hukllapas lluptinqachu, nitaqmi pipas vidanta salvanqachu.

Lucas 23:30

Hinaptinmi llapa runakuna orqokunata ninqaku: “Hawaykuman tuñiykamuy” nispanku; moqokunatañataqmi ninqaku: “Pakaykuwayku” nispanku.

1~Samuel 13:6

Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.