Jeremías 4:27 - CHUYA QELLQA La Biblia en Quechua de Ayacucho 2012

²⁷ Tayta Diosmi kaynata nin: Lliw naciontam tuñichisaq, ichaqa manam pasaypaqtachu chinkachisaq.

Quechua Ayacucho Bible 1987

²⁷ Tayta Diosmi nin: Enteron kay naciontam purmachisaq. Ichaqa manam pasaypaqtachu chinkachisaq.

Chuya Qellqa 1992

²⁷ Tayta Diosmi kaynata nin: Lliw naciontam tuñichisaq, ichaqa manam pasaypaqtachu chinkachisaq.

Jeremías 4:27 Iomraidhean Croise

2~Crónicas 36:21

Chay-napim Jeremiasnintakama Tayta Diospa rimarisqan cumplikurqa. Preso apasqa kasqankukamam allpapas samarqa, qanchis chunka wata cumplikunankamam purmarqa.

Nehemías 9:31

Chaywanpas llumpay llakipayakuq kasqaykiraykum mana chinkarachirqankichu nitaq saqerurqankichu. Qamqa llampu sonqo hinaspa kuyapayakuq Diosmi kanki.

Isaías 17:6

Imaynam aceitunata pallaruptinku iskay-kimsa rurullaña qeparun, otaq allin ruruq kallmapi tawa pichqallaña puchurun, chayman rikchakuqmi kanqa. Israelpa yupaychasqan Tayta Diosmi chaynata nin.

Isaías 24:1

Qawariychik, Tayta Diosmi kay pachata purmachispa chunnichinqa, chaypi yachaqkunatam cheqechinqa.

Jeremías 18:16

Chaynapim allpankutapas chunnirachinku, runakunapa asipayanantañam ruwarunku. Chayninta puriqkunapas admirakuspam umankutaraq aywinqaku.

Jeremías 25:11

Kay nacionmi pasaypaq tuñichisqa kaspa chunninqa. Kay nacionkunaqa Babilonia nacionpa reynintañam qanchis chunka wata servinqaku.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Jeremías 4:20

Sasachakuykuna pasakusqanmantam willakuykuna chayamuchkan, lliw nacionmi tuñichisqa kachkan. Qonqaymantam carpaykuna tuñichisqa rikurirun, carpaykunam llikipasqa rikurirun.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 44:6

Chayraykum Judá nacionpi llaqtakunapa contranpi hinaspa Jerusalenpa callenkunapa contranpi ancha piñakuyniy nina hinaraq ruparirqa. Chaykunaqa hinallam tuñisqa kaspa chunnichkan kunankamapas.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Jeremías 5:10

Enemigonkuna yaykuspa uvas chakrakunata purmachichunku, ichaqa amayá pasaypaqtachu; llullu kallmankunata perqankunamanta rachupachunku, paykunaqa manañam uvas chakrayñachu.

Jeremías 5:18

Tayta Diosmi kaynata nin: Chaywanpas chay punchawkunapiqa manaraqmi pasaypaqtachu tukurusqaykichik.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Lamentaciones 2:7

Señorqa altarnintapas qepanchakururqam, santuariontapas wischupakururqam, llaqtapa perqantapas enemigonkunamanmi qoykurqa, enemigonkunam fiesta punchawpi hinaraq Tayta Diospa templonpi chaqwakunku.

Ezequiel 11:13

Profetizachkaptiymi Benaiapa churin Pelatías qonqayta wañururqa; ñoqaña-taqmi pampaman kumuykuspay kaynata qaparirqani: ¡Ay, Dios Taytalláy! ¿Israelpa mirayninkunamanta puchuqkunatapas lliwtachu wañurachinki? nispay.

Ezequiel 20:17

Chaywanpas llakipayaspaymi paykunataqa mana wañurachirqanichu, nitaqmi chunniqpipas puchukarachirqanichu.

Ezequiel 33:28

Chay naciontaqa purmarachispaymi chun-nichkaqta saqerusaq, kallpaykichiktawan hatun tukuynikichiktam chinkarachisaq. Israel nacionpi orqokunapas chunninqam, chaynintaqa manañam pipas pasanqakuñachu.

Ezequiel 6:14

Paykunata ñakarichinaypaqmi contrankupi hatarisaq, nacionninkutapas sur law chunniqmanta qallaykuspam norte lawpi Ribla llaqtakama pasaypaqta purmarachisaq. Chaynapim ñoqa Tayta Dios kasqayta yachanqaku, nispa.

Levítico 26:31

Llaqtaykichikkunatam purmachisaq, altarnikichikkunatam tuñichisaq, ofrendaykichikkunapa miski asnaynintapas manañam chaskisqaykichikñachu.

Levítico 26:44

Chaywanpas enemigonkupa allpanpiña kaptinkupas ñoqaqa manam wischupakusaqchu nitaqmi puchukarachinaypaq hinaqa millakusaqchu. Manam paykunawan pacto ruwasqay-taqa yanqachasaqchu. Ñoqaqa paykunapa yupaychasqan Tayta Diosmi kani.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.