Jeremías 4:22 - CHUYA QELLQA La Biblia en Quechua de Ayacucho 2012

²² Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Quechua Ayacucho Bible 1987

²² Tayta Diosmi nin: Mana yachayniyoq runakunam runaykunaqa. Mana reqsiway munaq runakunam paykunaqa. Sonso churikunam paykunaqa. Mana ancha entiendeq runakunam paykunaqa. Paykunaqa mana allinkuna ruranankupaqmi yachaysapallaña kachkanku. Allinkuna ruranankupaqmi ichaqa mana imapas yachaq kachkanku.

Chuya Qellqa 1992

²² Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 4:22 Iomraidhean Croise

Génesis 39:16

Chaymi Joseypa pachanta chay warmi hatallirqa wasiman qosan kutimunankama.

2~Samuel 13:3

Amnonpam karqa huk amigon ancha sakri runa Jonadab sutiyuq. Payqa Davidpa wawqen Simeapa churinmi karqa.

Proverbios 28:5

Mana allin runakunaqa allin ruwaytapas manam yachankuchu, Diosman hapipakuqkunam ichaqa tukuy imatapas yachanku.

Isaías 1:3

Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Jeremías 10:8

Paykunaqa mana yachayniyuq hinaspa mana yuyayniyuqkunam. Kullumanta idolokunaqa manam imatapas yachachinmanchu.

Jeremías 13:23

¿Yaqachu yana runa yana kayninmanta tikrakurunman? ¿Yaqachu leopardo atinman muru pelon cambiaruyta? Chaynam huchaman qokuruq runapas, allinkuna ruwaytaqa mana atinmanchu.

Jeremías 2:8

Sacerdotekunapas manam tapukurqakuchu: ¿Maytaq Tayta Diosqa? nispallapas. Kamachikuyniykunata yachachiqkunapas, manam reqsiwarqakuchu; kamachiqninkunapas contraypim hatarirqaku, profetakunapas Baal idolopa sutinpim profetizarqaku, hinaspam millakuypaq idolokunaman qokururqaku.

Jeremías 4:21

¿Haykapikamataq banderata qawasaq? ¿Haykapikamataq trompeta waqaqta uyarisaq?

Jeremías 5:21

Yaw, mana yachayniyuq runakuna, yaw, mana yuyaymanayniyuq runakuna, kayta uyariychik: Qawakuchkaspapas manam rikukunkichikchu, uyarichkaspapas manam kasukunkichikchu.

Jeremías 5:4

Chaymi nirqani: Kaykunaqa mana yachayniyuq runakunam, locoyaruspankum Tayta Diospa munasqanman hina kawsaytaqa mana yachankuchu, Diospa kamachikuynintapas manam yachankuchu.

Jeremías 9:2

Imaynaraq chunniqpi samakuna wasi kanman, kay llaqtamanta chayman ayqekunaypaq. Llapallankum iskay uyaña rikurirunku, llapallankum qepanchakuqllaña rikurirunku.

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Jeremías 9:5

Sapakamam runamasinta engañan, manam pipas cheqap kaqtaqa rimanchu, llullakuymanmi amañakurunku, mana allin ruwayllamanñam qokurunku, nispa.

Ezequiel 16:30

Ñoqa Tayta Diosmi kaynata nini: Sonqoykiqa pimanpas chaylla wayllukuykuqmi karqa; millakuypaq kaqkunata ruwachkaspapas chuchumika warmimantapas aswan mana penqakuqraqmi rikurirurqanki.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Miqueas 2:1

¡Ay, imallapiraq rikukunqaku! Puñusqankupi mana allinta tantearuspa achikyaramuptinñataq kamachikuq kasqankurayku chay mana allin tanteasqankuta ruwayman churaqkuna.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Lucas 16:8

Hinaptinmi patronnin chay mana allin ruwaq mayordomopa sakri kaywan ruwasqanta allinpaq hapirqa. Arí, runamasinwan imatapas ruwanankupaqqa kay pachapi runakunam aswan sakri kanku Diospa churinkunamantaqa.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Romanos 1:22

Yachaysapapaq hapikuchkaspankupas mana yachayniyuqmi rikurirunku.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

Romanos 16:19

Dios kasukuq kasqaykichiktaqa lliwmi yachanku, chay ruwasqaykichikwanmi anchata kusikuni. Ichaqa munani allin kaqkunapi ancha yachayniyuq kanaykichiktam, mana allin kaqkunapaqñataq mana yachayniyuq kanaykichikta.

Romanos 3:11

manam pipas yachayniyuqqa kanchu, manataqmi pipas Diostaqa maskanchu.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

Deuteronomio 32:28

Israel llaqtaqa mana yachayniyuqmi kachkan, yuyaymanayninmi chinkarun.

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.