Jeremías 4:20 - CHUYA QELLQA La Biblia en Quechua de Ayacucho 2012

²⁰ Sasachakuykuna pasakusqanmantam willakuykuna chayamuchkan, lliw nacionmi tuñichisqa kachkan. Qonqaymantam carpaykuna tuñichisqa rikurirun, carpaykunam llikipasqa rikurirun.

Quechua Ayacucho Bible 1987

²⁰ Chaylla-chaylla desgracia pasakusqanmantam noticiakuna chayamuchkan. Enteron nacion purmachisqa kasqanmantam noticiakuna chayamuchkan. Qonqaymantam karpaykunapas purmachisqaña. Huk ratollapim toldoykunapas purmachisqaña.

Chuya Qellqa 1992

²⁰ Sasachakuykuna pasakusqanmantam willakuykuna chayamuchkan, lliw nacionmi tuñichisqa kachkan. Qonqaymantam carpaykuna tuñichisqa rikurirun, carpaykunam llikipasqa rikurirun.

Jeremías 4:20 Iomraidhean Croise

Éxodo 33:5

Tayta Diosmi Moisesta nirqa, Israelpa mirayninkunata kaynata ninanpaq: Qamkunaqa rumi sonqo runakunam kankichik, chawpikichikman qonqayta chayaramuspayqa wañurachikichik-manmi. Kunanyá alhajaykichikkunata hurqokuychik, chayñam yachasaq qamkunawan imam ruwanaytapas, nispa.

Isaías 13:6

Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Isaías 15:5

Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Isaías 33:20

Sión llaqtata qawariy, hatun fiestakuna ruwananchik llaqtata qawariy, Jerusalén llaqtata qawariy, hawka samarina llaqtata qawariy. Mana suchuchiy atina carpam kanqa, estacankunapas mana chutay atinam kanqa, waskankunapas mana tipiy atinam kanqa.

Isaías 47:9

Layqaña kaptikipas, qatipaqña kaptikipas, qonqaytam huk punchawllapi kay iskay llaki chayamusunki: Viudayaspam mana wawayuqña rikurirunki.

Isaías 54:2

Ama iskayrayaspa yachanayki carpata hatunyachiy, yachasqayki carpapa toldonta mastariy; waskankunatapas masyachiy, estacankunatapas allinniqta takay.

Jeremías 12:11

Purmarachispam chunnichkaqta saqerunku, ñoqam waqachkaqta qawarqani. Lliw nacionmi purmasqa kachkan, ichaqa manam pitapas imapas qokunchu.

Jeremías 17:18

Qatikachawaqniykuna penqaypi tarikuchunku, amayá ñoqachu; paykunayá manchakuypiqa kachunku, amayá ñoqachu; sasachakuy punchaw paykunaman chayachun paykunatayá pasaypaqta chinkarachiy.

Jeremías 4:21

¿Haykapikamataq banderata qawasaq? ¿Haykapikamataq trompeta waqaqta uyarisaq?

Jeremías 4:27

Tayta Diosmi kaynata nin: Lliw naciontam tuñichisaq, ichaqa manam pasaypaqtachu chinkachisaq.

Jeremías 4:6

¡Sión llaqtapi banderata hoqariychik, maypim pakakunaykichikta utqayman maskaychik! Norte lawmantam hatun sasachakuytawan ñakariyta apamusaq.

Jeremías 9:18

Chaylla hamuspa ñoqanchikmanta waqachunku, ñawinchikyá weqewan huntarichun, qechipranchikmantapas weqenchikyá suturichun.

Lamentaciones 3:47

Mancharikuypaq trampakunam, ñakariywan llakikuymi, hawaykuman chayaramurqa.

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Levítico 26:18

Chaykunawanpas mana kasuwaptikichikqa ñoqam qanchis kutikama huchaykichikkunamanta castigasqaykichik.

Levítico 26:21

Chaywanpas contraypi hatarispa mana kasuwaptikichikqa, huchallikusqaykichikman hinam huk qanchis kutitawanraq castigasqaykichik.

Levítico 26:24

ñoqapas qepanchakusqay-kichikmi, hinaspam huchaykichikmanta aswan qanchis kutikamaraq ñakarichisqaykichik.

Levítico 26:28

ñoqapas contraykichikpi piñakuspaymi aswan qanchis kutikamaraq huchaykichik-manta ñakarichisqaykichik.

Habacuc 3:7

Cusán lawpi yachaqkunatapas hatun ñakariypi kachkaqtam rikurqani, Madián lawpi yachaqkunatapas manchakuywan katkatatachkaqtam rikurqani.

Números 16:21

¡Kay runakunamanta asurikuychik, kunallanmi wañurachisaq! nispa.

Números 16:45

Kay runakunapa chawpinmanta asuriychik, kunallanmi paykunata wañuchisaq, nispa. Hinaptinmi paykuna qonqoranpa pampaman kumuykurqaku.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

2~Tesalonicenses 1:9

Paykunaqa wiñaypaq castigasqa kaspankum Señorpa qayllanmanta hinaspa suma-sumaq atiyninmanta qarqosqa kanqaku.