Jeremías 4:19 - CHUYA QELLQA La Biblia en Quechua de Ayacucho 2012

¹⁹ ¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Quechua Ayacucho Bible 1987

¹⁹ ¡Ay, sonqollaymi tukukuruchkanña! ¡Ay, sonqollaymi tukukuruchkanña! Puramintita pampanyaspanmi tukukuruchkanña. Cornetapa waqasqanta uyarispaymi manaña upallalla kayta atinichu. Peleaqkunapa qaparisqanta uyarispaymi manaña upallalla kayta atinichu.

Chuya Qellqa 1992

¹⁹ ¡Ay, sonqollaymi nanawachkan! ¡sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Jeremías 4:19 Iomraidhean Croise

Génesis 49:6

Huñunakuyninkumanpas manam yaykuymanchu, paykunawanqa espirituypas manam hukllawakunmanchu. Piñakuyninkupim runata wañuchirqaku, caprichakuspankum toropa ankunta kuchurqaku.

2~Reyes 4:19

Hinaspanmi taytanta nirqa: ¡Ay, umallaymi nanawachkan! nispa. Taytanñataqmi criadonta kamachirqa: Mamanman aparuy, nispan.

2~Reyes 8:11

Chaymantam Hazaelta penqarikunankama profeta Eliseo qawarayaykuspan waqayta qallaykurqa.

Isaías 15:5

Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Isaías 16:11

Chayraykum Moab nacionmanta arpa hina sonqoy waqan, Kir-haresetmantam arpa hina sonqoy waqan.

Isaías 21:3

Chaymi cuerpoyta nanay huntaykun, wachakuywan ñakarispa qewipakuq warmita hinam nanawachkan, mancharisqallaña chaynataq llakisqa kaspaymi, mana imatapas rikunichu nitaq uyarinichu.

Isaías 21:4

Muspaypi hinam rikuriruni, mancharikuymantam katkatatachkani, kusikuyllawanña tutaykunanta suyasqay tiempom manchakuypaqña rikurirun.

Isaías 22:4

Chaymi nirqani: Ñoqamanta anchuychik, llaqtayraykum sinchita waqachkani, ama consuelawaychikchu.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Jeremías 23:9

Llapa profetakunatam ñoqa Jeremías kaynata nini: Sonqoymi pasaypaq hukmanyasqa kachkan, tulluykunam katkatatachkan, sinka runamanraqmi rikchakuchkani, vinowan macharuqmanmi rikchakuchkani. Tayta Diosraykum chayna kachkani, chuya palabrankunaraykum chayna kachkani.

Jeremías 4:21

¿Haykapikamataq banderata qawasaq? ¿Haykapikamataq trompeta waqaqta uyarisaq?

Jeremías 4:5

Judá nacionpiwan Jerusalén llaqtapi kaqkunaman willamuychik, trompetata tocaspa lliw nacionpi kallpawan kaynata qaparimuychik: ¡Hamuychik, murallasqa llaqtakunaman huñunakusunchik! nispaykichik.

Jeremías 42:14

“Manam kay allpapiqa yachaymankuchu, aswanqa Egiptomanmi risaqku. Chaypiqa manañam guerrata rikusaqkuchu, guerrapaq trompetapa waqasqantapas manañam uyarisaqkuchu, nitaqmi yarqaymantapas ñakarisaqkuñachu” nispaykichik,

Jeremías 49:2

Ñoqa Tayta Diosmi kaynata nini: Hamuchkanmi punchawkuna Amón nacionpi kaq Rabá llaqtapi guerrapaq qapariykunata uyarichinaypaq; pasaypaq tuñichisqam kanqa, llaqtankunapas kañasqam kanqa, Israelmi llaqtankunata kaqllamanta kutichikunqa. Ñoqa Tayta Diosmi chaynata nini.

Jeremías 50:22

Peleaqkunapa qapariyninmi chay allpapi uyarikuchkan, hatun ñakariymi uyarikuchkan.

Jeremías 6:24

Jerusalén llaqtapi runakunam kaynata ninku: Willakuytam uyariniku, manchakuymantam manaña kallpayuq kachkaniku, wachakuq warmi hinañam, nanaypa ñakariypa huntasqan kachkaniku.

Jeremías 8:18

Nanaypa intusqan kaptiymi, sonqoypas wañunayachkanña.

Jeremías 8:21

Llaqtaypa ñakarisqanwanmi ñoqapas ñakarini, llakikuywan manchakuymi ñoqamanta munaychakurun.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Lamentaciones 1:16

Chayraykum waqachkani, paray mayum weqellaypas suturichkan, manam piniypas consuelawaqniy kanchu, manam kallpanchaqniypas kanchu. Enemigoykunam venceruwaspa wawaykunata lliw wañurachin.

Lamentaciones 1:20

Dios Taytalláy, llakikuyniyta qawariway, ukullaypa timpusqanta qawariway, mana kasukuq kasqaymantam sonqollaypas tukukuchkan. Hawapim espadawan wawaykunata wañuchinku, wasi ukupipas wañuymi munaychakuchkan.

Lamentaciones 2:11

Ñawillaypi weqellaykunapas tukurunñam, llaqtaypa tuñisqanta qawaspaymi ancha hukmayasqa kachkani, ñuñuq wawakuna yarqaymanta plazakunapi wañuqta qawaspaymi hukmanyasqallaña kachkani.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 7:15

Chaykunawanmi ñoqa Daniel hukmanyaruspay pensamientopa intusqan mancharisqallaña karqani.

Daniel 7:28

Kaypim chay willawasqan tukun. Ñoqa Danielñataqmi chaykunapi yuyaymanarispay anchata mancharikurqani, uyaypas hukmanyarurqam; ichaqa chaykunata sonqollaypi waqaychaspam mana pimanpas willarqanichu.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Habacuc 3:16

Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Números 10:9

Nacionnikichikpi kachkaptikichik ñakarichisuqnikichik enemigo contraykichikpi hamuptinqa guerraman lloqsinaykichikpaqmi trompetakunata tocankichik, chaynapim ñoqa Tayta Diosqa mana qonqarusqaykichikchu, hinaspam enemigoykichikmanta librasqaykichik.

Romanos 10:1

Wawqe-panillaykuna, tukuy son-qoywanmi judiokuna salvakunankupaq Diosninchikta mañakuchkani.

1~Corintios 14:8

Guerrapaq hina trompetata mana tocamuptinqa manam pipas alistakunmanchu guerraman rinanpaq.

Gálatas 4:19

Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama.

Jueces 5:21

Cisón wayqopi lloqllam llapa enemigonchikta aparurqa, Cisón wayqopi ñawpaq lloqllam paykunata aparurqa. Ñoqallayqa mana manchakuspam ñawpaqman risaq.