Jeremías 4:16 - CHUYA QELLQA La Biblia en Quechua de Ayacucho 2012

¹⁶ Nacionkunaman willamuychik, Jerusalén llaqtaman nimuychik: Llaqtakuna atacaqmi karu nacionmantaraq hamuchkanku, Judá nacionpi llaqtakunapa contranpim qaparichkanku.

Quechua Ayacucho Bible 1987

¹⁶ Nacionkunamanyá willamuychik. Jerusalenpi kaqkunamanyá nimuychik: “Llaqtapa muyuriqninmanta atacaqkunam karu nacionmantaraq hamuchkanku. Juda nacion llaqtakunapa contranpi qaparispam hamuchkanku.

Chuya Qellqa 1992

¹⁶ Nacionkunaman willamuychik, Jerusalén llaqtaman nimuychik: Llaqtakuna atacaqmi karu nacionmantaraq hamuchkanku, Judá nacionpi llaqtakunapa contranpim qaparichkanku.

Jeremías 4:16 Iomraidhean Croise

Isaías 34:1

Nacionkuna, asuykamuspa uyariychik, llaqtakuna, qamkunapas uyariychik. Kay pachapas, chaypi kaqkunapas uyariychik, kay allpapi, chaypi ruruqkunapas uyariychik.

Isaías 39:3

Hinaptinmi profeta Isaías rey Eze-quiasman hamuspan tapurqa: ¿Imamantaq chay runakuna hamusqaku? ¿Maylawtaqsi kanku? nispa. Ezequiasñataqmi nirqa: Paykunaqa karu-karu Babilonia nacionmantaraqmi hamusqaku, nispa.

Jeremías 1:15

Ñoqa Tayta Diosmi kaynata nini: Norte lawpi nacionkunatam qayasaq, reyninkunam hamuspa Jerusalenpa punkunpi trononkuta churanqaku; Jerusalenpi, Judá nacionpi yachaqkunatam atacaspanku presota apanqaku.

Jeremías 16:6

Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 31:10

Nacionkuna, Tayta Diospa Chuya siminta uyariychik, lamar qochapa waklawninpi kaqkunaman willamuychik: ¡Israelta cheqechiq Tayta Diosmi paykunata huñumunqa, ovejakunata michiq hinam paykunata waqaychanqa! nispa.

Jeremías 39:1

Judá nacionpi rey Sedequías isqon wata chunka killanña munaychakuchkaptinmi, Babilonia nacionpa reynin Nabucodonosor llapa tropankunawan hamuruspa Jerusalén llaqtata muyurirurqaku.

Jeremías 4:17

Chakra cuidaqkuna hinaraqmi Judá nacionta muyurunqaku, chaynataqa ruwanqaku contraypi hoqarikurusqankuraykum; ñoqa Tayta Diosmi chaynata nini.

Jeremías 5:15

Tayta Diosmi kaynata nin: Israelpa mirayninkuna, contraykichikpim runakunata karumantaraq pusamusaq, paykunaqa allinnin qari-qari runakunam, ñawpaq runakunapa castankunam, rimayninkutapas manam yachankichu, nitaqmi rimasqankutapas entiendenkichu.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Jeremías 6:18

Chayraykum Tayta Dios kaynata nin: Nacionkuna uyariychik llaqtayta iman pasananta yachaychik.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Jeremías 6:22

Tayta Diosmi kaynata nin: Norte lawmantam tropakuna hamuchkan. Karu-karu allpamantam ancha atiyniyuq nación hatarimuchkan.

Jeremías 6:23

Flechakunawan lanzakunawan armasqam hamuchkanku, mana llakipayakuq runakunam hamuchkanku; Lamar qocha hinaraqmi qapariyninkupas, caballokunapi sillakuykuspam Sión llaqtata atacaq-atacaqllaña kallpamuchkanku.

Jeremías 8:19

Llaqtaypa qaparisqanmi uyarikuchkan, tukuy hinastinmanta kaynata nispa waqasqankum uyarikuchkan: Tayta Diosmi Sión llaqtata saqerun, reyninpas manañam chaypiñachu, nispanku. Chaymi Tayta Diosñataq nin: ¿Imanasqataq yanqa mana valeq idolokunata yupaychaspaykichik piñachiwankichik? nispa.

Ezequiel 21:22

Alleq makinpi flecham Jerusalén llaqtaman toqpiykun, chaypa ninanqa kaykunam: Guerrapaq tukuy rikchaq armakunawan atacamuy, llaqtapi runakunata wañuchimuy, guerrapaq qapariy, punkunkunata tuñichiy, rampakunata ruwachiy, atacanaykipaq torrekunata hatarichiy ninanmi.