Jeremías 4:15 - CHUYA QELLQA La Biblia en Quechua de Ayacucho 2012

¹⁵ Dan lawmantam, Efraín orqokunamantam, manchakuypaq willakuykuna uyarikamuchkan.

Quechua Ayacucho Bible 1987

¹⁵ Dan llaqtamantam noticiata willakamuchkan. Efrain orqokunamantam desgracia uyarikamuchkan:

Chuya Qellqa 1992

¹⁵ Dan lawmantam, Efraín orqokunamantam, manchakuypaq willakuykuna uyarikamuchkan.

Jeremías 4:15 Iomraidhean Croise

Isaías 52:7

Mayna kuyayllapaqmi orqonkunata hamuptin allin musoq noticia willakuqpa chakinkunaqa, payqa hawkayaymantam willakun, payqa allin noticiatam willakun, payqa salvacionmantam willakun. Payqa Sión llaqtatam nin: ¡Diosnikiqa munaychakuq Reymi! nispa.

Jeremías 10:22

¡Uyariychik willakuymi hamuchkan! Norte lawmantam hatun qapariy hamuchkan, Judá nacionpi llaqtakunatam purmachinqa, atoqkunapa yachananmanñam tikrarunqa, nispa.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Jeremías 8:16

Caballonkunapa samatyasqanpas Danpa allpanmantaraqmi uyarikuchkan, caballokunapa weqeqeqeyninwanmi allpapas katkatatachkan, llaqtatawan tukuy imankunata tuñichiqmi hamuchkan, chaypi yachaqkunata wañuchiqmi hamuchkan, nispanku.

Josué 17:15

Chaymi paykunata Josué nirqa: Achkallaña kasqaykichikrayku Efraín ayllupa montenkuna mana haypasuptikichikqa, ferezeokunapa refaitakunapa allpanpi montekunatayá kichamuychik, nispa.

Josué 20:7

Chaynapim Israelpa mirayninkunaqa akllarqaku, Neftalí ayllupa orqonkunapi kaq Galilea lawpi Cedes llaqtata, Efraín ayllupa orqonkunapi kaq Siquem llaqtata hinaspa Judá ayllupa orqonkunapi kaq Quiriat-arba otaq Hebrón llaqtata,

Jueces 18:29

Chay llaqtatam ñawpaq taytanku Danpa sutinwan suticharurqaku, Israelpa churin Danpa sutinman hina. Chay llaqtapa ñawpaq sutinqa Laismi karqa.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.