Jeremías 4:14 - CHUYA QELLQA La Biblia en Quechua de Ayacucho 2012

¹⁴ Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Quechua Ayacucho Bible 1987

¹⁴ Jerusalen llaqtapi runakuna, sonqoykichikmanta limpiaychik mana allinkunata. ¿Haykapikamataq yuyaymanankichik chay mana allinkunata?

Chuya Qellqa 1992

¹⁴ Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Jeremías 4:14 Iomraidhean Croise

Proverbios 1:22

Mana yachayniyuq jovenkuna, ¿haykapikamataq mana yachayniyuq kankichik? ¿Haykapikamataq burlakuynikichikpi kusikuspa yachayta cheqninkichik?

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Jeremías 13:27

Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Jeremías 17:1

Judá runakunapa huchankunaqa fierromanta cincelwan qellqasqam kachkan, diamantemanta puntawan qellqasqa kachkan, sonqonkupa tablanpim qellqasqa kachkan, altarninkupa esquinankunapim qellqasqam kachkan.

Jeremías 18:11

Chaynaqa, Judá runakunatawan Jerusalenpi yachaqkunata kaynata nimuy: Ñoqa Tayta Diosmi qamkunata castiganaypaq tanteachkani. Chaynaqa, mana allin kawsasqaykichikmanta wanakuspa vidaykichiktawan ruwaynikichikta allichaychik, nispa.

Jeremías 2:22

Lejiawanña mayllakuptikipas, maynataña jabonakuptikipas, huchaykiqa hinallam qayllaypi kachkan. Ñoqa Tayta Diosmi chaynata nini.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Ezequiel 18:31

Ñoqapa contraypi mana allinkuna ruwasqaykichikkunata qamkunamanta wischuychik; hinaspa musoq sonqoyuq, musoq espirituyuqña kaychik. Israel miraykuna, ¿imanasqataq wañuyta munankichik?

Zacarías 8:17

Ama runamasikichikpa contranpi mana allin ruwayta piensaychikchu, amataq yanqamantapas juraychikchu. Tayta Diosmi nin: Tukuy chaykunatam ñoqaqa cheqnini, nispa.

Mateo 12:33

Allin sachaqa allinkunallatam rurun, mana allin sachañataqmi mana allinkunallata rurun, sachataqa ruruyninpim reqsinchik.

Lucas 11:39

Chaymi Jesusñataq nirqa: Yaw fariseokuna, qamkunaqa vasotawan platotapas hawallantam mayllankichik, ukuykichikmi ichaqa suwakuywan hinaspa mana allin ruwaywan huntasqa kachkan.

Juan 13:9

Chaymi Simón Pedroñataq nirqa: Amayá chakillaytachu mayllawayqa, aswanqa umaytawan makiytawanyá, nispa.

Hechos 8:22

Mana allin ruwaynikikunamantayá wanakuy, hinaspayá Diosta mañakuy, icharaqpas sonqoykipi chay mana allin piensasqaykita pampachasunkiman.

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

1~Corintios 3:20

Huklawpipas nichkanmi: “Señorqa yachaysapakunapa piensasqantaqa yachanmi, chaykunaqa mana valeqlla kasqantapas yachanmi”, nispa.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.