Jeremías 4:10 - CHUYA QELLQA La Biblia en Quechua de Ayacucho 2012

¹⁰ Chaymi nirqani: ¡Ay, Dios Taytalláy! ¡Imaynamá kay naciontawan Jerusalén llaqtataqa engañarunki! Hawkayaytam prometerqanki, ichaqa cuchillom kunkankupiña kachkan, nispay.

Quechua Ayacucho Bible 1987

¹⁰ Chaymi ñoqa nirqani: ¡Ay, Señor Dioslláy! Anchallatañam engañarunki kay runakunata. Anchallatañam engañarunki Jerusalenpi runakunata. “Hawkallam kankichik” nirqankim paykunata aswanqa kunkankupi cuchillo hinaraqmi guerra hayparun paykunata.

Chuya Qellqa 1992

¹⁰ Chaymi nirqani: ¡Ay, Dios Taytalláy! ¡Imaynamá kay naciontawan Jerusalén llaqtataqa engañarunki! Hawkayaytam prometerqanki, ichaqa cuchillom kunkankupiña kachkan, nispay.

Jeremías 4:10 Iomraidhean Croise

Éxodo 5:22

Tayta Diosta huktawan mañakuspanmi Moisés nirqa: Señorlláy ¿imanasqataq kay runakunata mana allinta ruwanki? ¿Imapaqtaq kachamuwarqanki?

Éxodo 9:14

kunanmi llapallan castigoyta kacharimusaq qanman, serviqnikikunaman hinaspa runaykikunaman, chaynapim yachanki tukuy kay pachapi ñoqa hina huk Diosqa mana kasqanta.

Isaías 30:10

Visionta rikuq runakunatam ninku: Amaña chaypi ocupakuychikchu, nispanku. Profetakunatañataqmi ninku: Cheqap kaqkunataqa amaña willawaykuchu, willawaykuqa munasqallaykutaña, willawaykuqa aychayku kusichiqllataña, nispanku.

Isaías 37:35

Ñoqam kay llaqtata waqaychasaq kikiyraykum chaynata ruwasaq. Serviqniy Davidta kuyasqayraykum chaynata ruwasaq”, nispa.

Isaías 63:17

Dios Taytalláy, ¿imanasqataq ñannikimanta kachaykuwaspaykiku sonqoykuta rumiyarachinki manaña qamta manchakunaykupaq? Serviqniki Israelpa mirayninkunaraykuyá kutimuwayku.

Jeremías 1:6

Ñoqañataqmi kaynata nirqani: ¡Ay, Señor, Dios Taytalláy, ancha warmaraqmi kani, manaraq rimay yachaqmi kani! nispay.

Jeremías 23:17

Qepanchakuwaqniy runakunatam paykunaqa nichkanku: Tayta Diosmi nisunki: “Hawkallam kankichik”, nispanku. Mana kasukuq sonqoyuq runakunatañataqmi nichkanku: “Sasachakuyqa manam chayamusunkichikchu”, nispanku.

Jeremías 32:17

¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Jeremías 4:18

Mana allin kawsaynikiraykum, mana allin ruwaynikikunaraykum, kaykuna pasasunki; mana allinkuna ruwasqaykipa pagonmi kayqa, chayraykum sonqoykita pasaypaqta nanachisunki.

Jeremías 5:12

Paykunaqa Tayta Diosta qepanchaspankum kaynata nirqaku: Diosqa manam kanchu, ima mana allinpas manam chayamuwasunchu, guerrapas yarqaypas manam hamuwasunchu.

Jeremías 6:14

Llaqtaypa heridantapas hawallantam hampiykunku, hinaspankum sasachakuy kachkaptinpas hawkayaymi kachkan ninkuraq.

Jeremías 8:11

Runaykunapa heridantapas hawanpi ukunpim hampiykunku, manaña hawkayay kachkaptinpas: “Hawkallam kakusunchik”, nispam ninku.

Lamentaciones 2:21

Warmakunawan yuyaqkunam callekunapi wischurayachkanku, jovenkunawan sipaskunam espadapi wañurunku, piñakusqayki punchawpim wañurachinki, mana llakipayarispam wañurachinki.

Ezequiel 11:13

Profetizachkaptiymi Benaiapa churin Pelatías qonqayta wañururqa; ñoqaña-taqmi pampaman kumuykuspay kaynata qaparirqani: ¡Ay, Dios Taytalláy! ¿Israelpa mirayninkunamanta puchuqkunatapas lliwtachu wañurachinki? nispay.

Romanos 1:24

Chayraykum Diospas millakuypaq kawsakuymanña kachaykun, mana allin sonqonkupa munasqanpi purinankupaq, chaynapim kikinkupura qanrakuspanku hatun millakuypaq kaqkunata ruwanakunku.

Romanos 1:26

Chayraykum Diospas millakuypaq ruwaykunamanña saqeykun. Chaynapim warmikunapas manaña qariwan kaspa mana ruwanakunataña ruwanku.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.