Jeremías 4:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Sichum qayllaymanta millakuypaq idolokunata wischuspa ñoqamanta mana sapaqchakuspaqa,

Quechua Ayacucho Bible 1987

¹ Tayta Diosmi nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Ñoqamanta ama rakikuspayá millakuypaq taytacha-mamachaykichikta wischuychik.

Chuya Qellqa 1992

¹ Tayta Diosmi kaynata nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Sichum qayllaymanta millakuypaq idolokunata wischuspa ñoqamanta mana sapaqchakuspaqa,

Jeremías 4:1 Iomraidhean Croise

Génesis 35:2

Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

2~Reyes 23:13

Tuñichirqataqmi Jerusalenmanta intipa qespimunan lawninpi, Olivos moqopa sur lawninpi tarikuq capillakunatapas. Chaykunatam Israelpa reynin Salomón hatarichirqa Sidón llaqtapa millakuypaq Astoret idolonkupaq, moabitakunapa cheqnipay Quemos idolonkupaq chaynataq amonitakunapa millakuypaq Milcom idolonkupaqpas.

2~Reyes 23:24

Rey Josiasqa qatipaqkunatapas, layqakunatapas, qayaqkunatapas, rik-chaqmana idolokunatapas chaynataq wasikunapi idolokunatapas, idolo-kuna yupaychanankupaq ruwasqanku millakuypaq kaqkunatapas Judá nacionmantawan Jerusalenmantam chinkarachirqa. Chaytaqa ruwarqa templopi sacerdote Hilciaspa tarisqan libropi Tayta Diospa yachachikuyninta cumplinanpaqmi.

2~Crónicas 15:8

Profeta Azariaspa nisqanta Asa uyariykuspanmi kallpanchakururqa, hinaspam Judá lawpipas chaynataq Benjamín lawpipas millakuypaq idolokunata ñuturachirqa. Ñuturachirqataqmi Efraín law orqokunapi idolokunatawan hapikuykusqan llaqtakunapi idolokunatapas. Allichachirqataqmi Tayta Diospa templonpa ñawpaqninpi kaq altartapas.

2~Crónicas 33:8

ñawpaq taytankuman qosqay allpamantaqa manam qarqosaqchu, ichaqa paykunam kawsananku serviqniy Moiseswan willachisqay kamachikuykunaman chaynataq yachachikuykunaman hina, nispa.

2~Crónicas 34:33

Rey Josiasmi Israelpa mirayninkunapa yachasqan allpapi kaq millakuypaq kaqkuna ruwasqankuta chinkarachirqa, hinaspam Israel nacionpi llapallan runakunata kamachirqa Tayta Diosta yupaychanankupaq. Rey Josías kawsa-nankamaqa manam Diosmanta rakikurqakuchu, aswanqa ñawpaq taytankupa yupaychasqan Tayta Diostam kasukurqaku.

Isaías 31:6

Israelpa mirayninkuna, paqwaypaq qepanchakusqaykichik Diosman kutirikuychik.

Jeremías 15:19

Chayraykum Tayta Dios niwarqa: Kutirikamuwaptikiqa huktawanmi chaskisqayki, hinaptinmi kaqllamanta serviwanki. Yanqakuna rimaymanta wanakuspa imam kaqllata rimaspaykiqa ñoqapa rantiypim rimanki. Paykunam qanmanqa kutirikamunanku, manam qamchu paykunamanqa kutirikunayki.

Jeremías 15:4

Ezequiaspa churin rey Manasespa Jerusalén llaqtapi mana allinkunata ruwasqanrayku paykunata castigaptiymi, kay pachapi llapallan nacionkunapas manchakuymanta katkatatanqaku.

Jeremías 18:11

Chaynaqa, Judá runakunatawan Jerusalenpi yachaqkunata kaynata nimuy: Ñoqa Tayta Diosmi qamkunata castiganaypaq tanteachkani. Chaynaqa, mana allin kawsasqaykichikmanta wanakuspa vidaykichiktawan ruwaynikichikta allichaychik, nispa.

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Jeremías 25:5

Paykunam kaynata nisurqankichik: “Mana allin kawsaymantawan mana allin ruwaymanta wanakuspaykichikqa, taytaykichikmanpas chaynataq qamkunamanpas wiñaypaq qosqay allpapim yachankichik.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:12

Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 36:3

Icharaqpas Judapa mirayninkunaqa tukuy ima castigokuna kachariy munasqayta uyarispanku mana allin kawsayninkumanta wanakunmanku, hinaptinqa mana allinkuna ruwasqankutawan huchankutam pampachaykusaq, nispa.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 7:3

Israelpa yupaychasqan Tukuy Atiyniyuq Tayta Diosmi kaynata nin: Kawsaynikichikta allichaspa allinta ruwaptikichikqa kay allpapim kawsachisqaykichik.

Jeremías 7:5

Sichum kawsaynikichiktawan ruwaynikichikta allichaspa runakunapa quejanakuyninta allinta arreglaptikichikqa,

Jeremías 7:7

ñawpaq taytaykichikkunaman qosqay allpapim wiñaypaq kawsachisqaykichik.

Ezequiel 11:18

Paykunam llaqtankuman kutispanku llapallan cheqnisqay kaqkunata hinaspa llapallan millakuypaq kaqkunata chinkachinqaku.

Ezequiel 18:13

qollqetapas mirayniyuqllapaq prestaq, qollqe prestasqanpa mirayninta mañaq, chayna runaqa manam kawsanqachu. Tukuy chay millakusqay kaqkuna ruwasqanmantaqa wañunqapunim, wañusqanmantaqa kikinmi huchayuq kanqa.

Ezequiel 43:9

Kunanyá qepanchawayninkuta saqespa wañusqa reyninku yupaychayta saqechunku, hinaptinmi paykunapa chawpinpi wiñaypaq kawsasaq.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 2:2

Tayta Diosmi nin: Mamaykichikta uyanpi niychik, payqa manam warmiyñachu, nitaqmi ñoqapas qosanñachu kani; chuchumika kayninta saqechun, qarikunawan qanrakuyninta qonqachun.

Oseas 7:16

Paykunaqa manam Tayta Diosmanchu kutirikurqaku, aswanqa idolonkumanmi; paykunaqa mana imapaq serviq flecha hinam kachkanku, kamachiqninkunapas hatun tukuspa rimasqankuraykum guerrapi wañunqaku, Egipto nacionpim paykunamantaqa asikunqaku.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Deuteronomio 27:15

¡Llaqllaspan otaq metalta chulluchispan idolota ruwaruspan pakasqapi hatalliq runaqa ñakasqayá kachun, chaytaqa Tayta Diosqa millakunmi! nispanku. Hinaptinmi llapa runakunañataq ninqaku: ¡Amén! nispanku.

Deuteronomio 4:30

Tukuy ñakariykunapi kaspaykichik Señornikichik Tayta Diosman kutirikuspa payta kasukuptikichikqa,

Josué 24:14

Chaynaqa, Tayta Diosta kasukus-payá cheqap sonqowan payta serviy-chik. Eufrates mayupa waklaw chim-panpi chaynataq Egipto nacionpi kachkaspanku ñawpaq taytaykichikkunapa yupaychasqanku idolokunatayá qamkunamanta wischuychik, hinaspayá Tayta Diosllata serviychik.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.