Jeremías 39:8 - CHUYA QELLQA La Biblia en Quechua de Ayacucho 2012

⁸ Caldea tropakunaqa reypa palaciontapas hinaspa llapa runakunapa wasinkunatapas kañaykurqakum, Jerusalén llaqtapa muyuriqninpi perqakunatapas taqmarurqakum.

Quechua Ayacucho Bible 1987

⁸ Caldea tropakunaqa kañaykurqakum reypa palaciontapas chaynataq runankunapa wasinkunatapas, taqmarurqakutaqmi Jerusalen llaqtapa muyuriqninpi murallakunatapas.

Chuya Qellqa 1992

⁸ Caldea tropakunaqa reypa palaciontapas hinaspa llapa runakunapa wasinkunatapas kañaykurqakum, Jerusalén llaqtapa muyuriqninpi perqakunatapas taqmarurqakum.

Jeremías 39:8 Iomraidhean Croise

2~Reyes 25:8

Babilonia nacionpa reynin Nabu-codonosor chunka isqonniyuq wataña munaychakuchkaptinmi, pichqa kaq killapa qanchis kaq punchawninpi, Jerusalén llaqtaman reyta waqaychaq soldadokunapa capitannin reypa serviqnin Nabuzaradán chayaramurqa.

2~Crónicas 36:19

Tayta Diospa templontapas kañaykuspankum Jerusalén llaqtapa murallantapas taqmarurqaku. Llaqtapa palacionkunatapas kañaykuspankum llapa valorniyuq kaqkunatapas ñutuparurqaku.

Nehemías 1:3

Chaymi niwarqaku: Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.

Isaías 5:9

Tukuy Atiyniyuq Tayta Diosmi cheqaptapuni niwarqa: “Achkallaña wasikunam tuñichisqa kanqa, hatunnin suma-sumaq wasikunam mana runayuq chunninqa.

Jeremías 17:27

Sichum mana kasuwaspa, kamachisqayman hina samana punchawta ñoqapaq mana sapaqchaspa, Jerusalén llaqtapa punkunta cargakunata apaykuptikichikqa, kay llaqtapa punkunkunatam kañaykusaq, hinaptinmi Jerusalén llaqtapa palacionkunatapas ruparunqa. Chay ninataqa manam pipas amachayta atinqachu, nispa.

Jeremías 21:10

Ñoqa Tayta Diosmi nini: Ñam tantea-runiña, kay llaqtataqa manañam kuya-payasaqñachu aswanqa castigasaqpunim. Babilonia nacionpa reyninmanmi qoykusaq, hinaptinmi kañaykunqa.

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 34:2

Ñoqa Israelpa yupaychasqan Tayta Diospa nisqayta Judá nacionpa reynin Sedequiasman kaynata nimuy: Kay llaqtatam Babilonia nacionpa reyninman qoykusaq, paymi kañaykunqa.

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 37:10

Caldea tropakunataña venceruptikichikpas, paykunamanta herido puchuqkunam carpankumanta sapakama hatarimuspanku kay llaqtata kañaykunqaku, nispa.

Jeremías 38:18

Sichum paykunaman mana entregakuptikim ichaqa, Caldea runakuna kay llaqtata venceruspa kañaykunqaku, qampas manam paykunamantaqa lluptinkichu, nispa.

Jeremías 5:10

Enemigonkuna yaykuspa uvas chakrakunata purmachichunku, ichaqa amayá pasaypaqtachu; llullu kallmankunata perqankunamanta rachupachunku, paykunaqa manañam uvas chakrayñachu.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Lamentaciones 1:10

Jerusalenpa kapuqninkunatam enemigonkuna lliwta apakunku, llaqtapi runakunam huklaw nacionniyuq runakunapa santuarionman yaykusqanta rikurqaku. Dios Taytalláy, qamqa manam munarqankichu chayna runakuna wasikiman yaykunantaqa.

Lamentaciones 2:2

Señorqa mana llakipayarispam Jacobpa wasinkunata tuñirachin, piñakuywanmi Judá nacionpa sumaq perqankunata tuñirachin, kamachikuqkunapa munaychakuynintam penqayman churarun.

Lamentaciones 2:7

Señorqa altarnintapas qepanchakururqam, santuariontapas wischupakururqam, llaqtapa perqantapas enemigonkunamanmi qoykurqa, enemigonkunam fiesta punchawpi hinaraq Tayta Diospa templonpi chaqwakunku.

Ezequiel 16:41

Wasikitapas kañaspankum llapa warmikunapa qayllanpi juzgasunki. Chaynapim hukwan-hukwan qanrakuynikita puchukarachisaq, hinaptinmi waynaykikunamanpas manaña pagankiñachu.

Ezequiel 23:47

Llapallan runakuna rumiwan choqapaspa wañuchichunku, espadanwan kuchupachunku. Wawankutapas wañuchispa wasinkutapas kañachunku.

Ezequiel 33:21

Preso apasqa kasqaykumanta chunka iskayniyuq watapa chunka kaq killanpa pichqa kaq punchawninpim, Jerusalenmanta ayqemuq runa qonqayta chayaramurqa, hinaspam kaynata niwarqa: ¡Jerusalén llaqtam enemigopa makin-man wichiykun! nispa.

Amós 2:5

Chayraykum Judá nacionta kañaykuptiy Jerusalenpa palaciokunatapas rupanqa, nispa.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.