Jeremías 39:14 - CHUYA QELLQA La Biblia en Quechua de Ayacucho 2012

¹⁴ kacharqaku carcelpa pationmanta Jeremiasta hurqomuspanku Ahicampa churin Gedaliasman qomunankupaq, chaynapi Jeremiasta wasinmanña pusananpaq. Chaymi Jeremiasqa llaqta runakunawanña yacharqa.

Quechua Ayacucho Bible 1987

¹⁴ Kacharqaku carcelpa pationmanta Jeremiasta pusamunankupaq, Jeremiastaqa wasinmanña pusanankupaqmi qoykurqaku Safanpa willkanman otaq Ahicampa churin Gedaliasman chaynapi runakunawan kuska *f**yachananpaq.

Chuya Qellqa 1992

¹⁴ kacharqaku carcelpa pationmanta Jeremiasta hurqomuspanku Ahicampa churin Gedaliasman qomunankupaq, chaynapi Jeremiasta wasinmanña pusananpaq. Chaymi Jeremiasqa llaqta runakunawanña yacharqa.

Jeremías 39:14 Iomraidhean Croise

2~Reyes 22:12

Chaymantam sacer-dote Hilciasta, Safanpa churin Ahicamta, Micaiaspa churin Acborta, secretario Safanta hinaspa serviqnin Asaiasta kaynata kamachirqa:

2~Reyes 22:14

Hinaptinmi sacerdote Hilciaswan, Ahicam, Acbor, Safán hinaspa Asaías tapumunankupaq Harhaspa willkan hinaspa Ticvapa churin Salumpa warmin profetisa Huldaman rirqaku. Salumqa karqa Diospa templopi pachakunawan cuentallikuqmi. Huldaqa Jerusalén llaqtapa musoq barrionpim yacharqa. Chayaruspankum paywan rimarqaku.

2~Crónicas 34:20

Hinaspam sacerdote Hilciasta, Safanpa churin Ahicamta, Micaiaspa churin Abdonta, secretario Safanta hinaspa serviqnin Asaiasta kaynata kamachirqa:

Jeremías 26:22

Hinaptinmi rey Joacimqa, Acborpa churin Elnatantawan wakin runakunata Egipto nacionman kacharqa.

Jeremías 26:24

Safanpa churin Ahicammi Jeremiaspa allinninpi rimarqa, chaynapim Jeremiasta wañurachinankupaq llapa runakunapa makinmanqa mana qoykurqakuchu.

Jeremías 32:2

Chay tiempopim Babiloniapa reynin Nabucodonosorpa tropankuna Jerusalén llaqtata muyurirurqaku. Profeta Jere-miasñataqmi carcelpa pationpi preso kachkarqa. Chay carcelqa karqa Judá nacionpi reypa wasinpim.

Jeremías 37:21

Chaymi rey Sedequías kamachirqa, Jeremiasta carcelpa patiollanpiña presochaspa, tanta qatumanta tantata rantimuspa sapa punchaw payman qonankupaq. Chaynatam ruwarqaku llaqtapi tanta tukunankama. Chaynapim Jeremiasqa carcelpa pationpi preso karqa.

Jeremías 38:13

Chay-natam Jeremiasta waskakunawan pozo-manta hurqorurqaku, hinaptinmi carcelpa pationpiña qeparqa.

Jeremías 38:28

Chaynapim Jeremiasqa carcelpa patiollanpi qeparqa, Jerusalén llaqta vencesqa kanankama.

Jeremías 39:13

Chaynapim reyta waqaychaq soldadokunapa kamachiqnin Nabuzaradanqa, palaciopi serviqkunapa kamachiqnin Nabusazbanwan, hatun kamachikuq Nergal-sarezerwan hinaspa Babilonia nacionpa reyninta yanapaq wakin kamachikuqkunapiwan,

Jeremías 39:15

Jeremías carcelpa pationpi preso kachkaptinraqmi Tayta Dios nirqa:

Jeremías 40:1

Rey waqaychaq soldadokunapa kamachiqnin Nabuzaradanmi, Jeremiasta preso kasqanmanta Ramá llaqtapi kachaykurqa. Nabuzaradanmi Jeremiasta tarirurqa Jerusalenmanta chaynataq Judamanta Babiloniaman preso apasqakunawan kuska cadenasqa richkaqta. Chaypa qepallantam Jeremiasta Tayta Dios rimapayarqa.

Jeremías 40:5

Kutiyta munaspaqa, Safanpa willkanpa otaq Ahicampa churin Gedaliaspaman kutikuy. Paytam Babilonia nacionpa reynin churarun Judá law llaqtakunapi gobernador kananpaq. Paywanyá hina llaqtaykipi yachamuy. Maypipas yachayta munasqaykimanyá ripukuy, nispa. Chaynata niykuspanmi Jeremiasta regalokunatawan mikuyta qoykuspan aviarurqa.

Jeremías 40:6

Chaymi Jeremiasqa Mizpa llaqtapi yachaq Ahicampa churin Gedaliaspaman ripukurqa, hinaspam chaylawpi puchuq runakunawan kuska yacharqa.

Jeremías 40:7

Judá law campokunapi puchuq soldadokunapa capitanninkunam yacharurqaku, Babiloniaman preso apasqa kanankumanta puchuq qarikunata, warmikunata, warmakunata hinaspa wakcha runakunata nanachikunanpaq chaynataq Judá nacionpi gobernador kananpaq Ahicampa churin Gedaliasta Babilonia nacionpa reynin churarusqanta.

Jeremías 41:1

Qanchis kaq killapim Elisamapa willkan otaq Netaniaspa churin Ismael chunka runakunapiwan rirqa, Mizpa llaqtapi yachaq Ahicampa churin Gedaliasman. Ismaelqa karqa reypa mirayninmanta kaqmi hinaspa reypa tropankunapa capitanninmi. Chaypi kuskanku mikuchkaptinkum,