Jeremías 39:1 - CHUYA QELLQA La Biblia en Quechua de Ayacucho 2012

¹ Judá nacionpi rey Sedequías isqon wata chunka killanña munaychakuchkaptinmi, Babilonia nacionpa reynin Nabucodonosor llapa tropankunawan hamuruspa Jerusalén llaqtata muyurirurqaku.

Quechua Ayacucho Bible 1987

¹ Jerusalen llaqtatam kayna formapi vencerurqaku: Juda nacionpi Rey Sedequias isqon watamanña gobiernachkaptinmi chay watapa chunka kaq killanpi Babilonia nacionpa reynin Nabucodonosor llapa tropankunawan hamururqa Jerusalen llaqtapa contranpi hinaspam muyururqaku atacanankupaq.

Chuya Qellqa 1992

¹ Judá nacionpi rey Sedequías isqon wata chunka killanña munaychakuchkaptinmi, Babilonia nacionpa reynin Nabucodonosor llapa tropankunawan hamuruspa Jerusalén llaqtata muyurirurqaku.

Jeremías 39:1 Iomraidhean Croise

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

Jeremías 32:1

Judá nacionpi rey Sedequías chunka wataña munaychakuchkaptinmi chaynataq rey Nabucodonosorpas chunka soqtayuq wataña munaychakuchkaptinmi, Jeremiasta Tayta Dios rimapayarqa.

Jeremías 34:1

Babilonia nacionpa reynin Nabu-codonosor llapa tropankunawan chaynataq munaychakusqan nacionkunamanta kaq llapallan runakunawan, Jerusalén llaqtapa contranpi chaynataq muyuriqninpi kaq llaqtakunapa contranpi peleachkaptinmi, Jeremiasta Tayta Dios nirqa:

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 52:1

Rey Sedequiasmi iskay chunka hukniyuq watanpi kachkaspan munaychakuyta qallaykurqa. Chunka hukniyuq watam Jerusalén llaqtapi munaychakurqa. Mamanmi karqa Libna llaqtayuq Jeremiaspa churin Hamutal.

Jeremías 6:6

Tukuy Atiyniyuq Tayta Diosmi kaynata nin: Sachakunata kuchuychik, Jerusalenta atacanaykichikpaq rampata ruwaychik. Ñakarichinakuypa huntasqan kasqanraykum Jerusalén llaqta castigasqa kanqa.

Ezequiel 33:21

Preso apasqa kasqaykumanta chunka iskayniyuq watapa chunka kaq killanpa pichqa kaq punchawninpim, Jerusalenmanta ayqemuq runa qonqayta chayaramurqa, hinaspam kaynata niwarqa: ¡Jerusalén llaqtam enemigopa makin-man wichiykun! nispa.

Ezequiel 4:3

Chaymantam qamtawan llaqtata rakinananpaq fierromanta planchata hapispa murallata hina sayachinki, hinaspam llaqtapa ñawpaqninpi atacanaykipaq hina churakunki. Chaymi Israelpa mirayninkunapaq huk señal kanqa.

Ezequiel 40:1

Chunka tawayuq watañam Jeru-salén llaqta tuñichisqa kasqanmanta pasarurqa, ñoqaykuñataqmi iskay chunka pichqayuq wataña Babiloniapi preso kachkarqaniku. Chay watapa punta kaq killanpa chunka kaq punchawninpim Tayta Dios hapiykuwaspa chay llaqtaman aparuwarqa.

Ezequiel 5:2

Llaqta atacayta tukuruspaykim huknin rakisqayki chukchaykita llaqta chawpinpi kañanki. Chaymantam huknin rakisqayki chukchaykita llaqtapa muyuriqninpi kuchupanki. Huknin rakisqayki chukchaykitañataqmi wayrawan apachinki. Ñoqam espada makintin paykunata qatikachasaq.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Deuteronomio 28:36

Qampapas chaynataq ñawpaq taytaykikunapapas mana reqsisqan nacionmanmi, qamta chaynataq reynikitapas Tayta Dios pusachisunki. Chaypim kullumanta chaynataq rumimanta ruwasqa sapaq dioskunataña yupaychanki.