Jeremías 38:5 - CHUYA QELLQA La Biblia en Quechua de Ayacucho 2012

⁵ Chaymi rey Sedequías nirqa: Chay runaqa makikichikpim kachkan, munasqaykichikta ruwaychik, manam ñoqaqa contraykichikpiqa ima ruwaytapas atiymanchu, nispa.

Quechua Ayacucho Bible 1987

⁵ Chaymi Rey Sedequiasñataq nirqa: —Chay runaqa makikichikpim kachkan. Ñoqaqa manam ima ruraytapas atiymanchu contraykichikpiqa —nispa.

Chuya Qellqa 1992

⁵ Chaymi rey Sedequías nirqa: Chay runaqa makikichikpim kachkan, munasqaykichikta ruwaychik, manam ñoqaqa contraykichikpiqa ima ruwaytapas atiymanchu, nispa.

Jeremías 38:5 Iomraidhean Croise

2~Samuel 19:22

Chaymi David nirqa: Sarviapa wawankuna, manam kayqa qamkunapa sasachakuynikichikchu, ¿imanasqataq qamkunaqa contraypi rikurirunkichik? Kunanqa yachakunim Israel nacionpi rey kasqayta, chaynaqa, ¿yaqachum kunan punchaw Israel nacionpi pipas wañunman? nispa.

2~Samuel 3:39

Chaymi Diospa sapaqchasqan rey kachkaspaypas mana ima ruwayta atinichu Sarviapa wawankuna rumi sonqo munaysapa kasqankurayku. Tayta Diosyá mana allin ruwaqmanqa imam ruwasqanman hina pagapuchun, nispa.

Proverbios 29:25

Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Jeremías 26:14

Kunanqa makikichikpim kani, tanteasqaykichikman hinayá ñoqawan ruwaychik.

Jeremías 37:17

Hinachkaptinmi rey Sedequías palacionman pusarichimuspa pakasqallapi tapuspan nirqa: ¿Yaqachu Tayta Diosqa imallatapas ñoqapaq nisurqanki? nispa. Chaymi Jeremías nirqa: Arí, kachkanmi, Babilonia nacionpa reyninmanmi entregasqa kanki, nispa.

Daniel 6:16

Chaymi reyqa pusachimurqa Danielta, leonkunapa kasqan uchkuman wischuykunankupaq. Manaraq wischuy-kuchkaptinkum Danielta rey nirqa: Mana samaykuspa servisqayki Dios-nikiyá qamta librasunki, nispa.

Daniel 6:17

Danielta wischuykuspam hatun rumiwan leonkunapa uchkunta wichqarurqaku, reypas anillonwanmi chay rumita sellaykurqa, sellaykurqakutaqmi ancha reqsisqa kamachikuqkunapas, chaynapi Danielpa contranpi tanteasqanku mana yanqachasqa kananpaq.

1~Samuel 15:24

Chaymi Saúl nirqa: Arí, huchallikurunim, Diospa kama-chiwasqantapas nitaq qampa niwasqaykikunatapas manam kasukurqanichu, runakunata manchakuspaymi paykunapa mañakusqanta kasurqani.

1~Samuel 29:9

Chaymi rey Aquisñataq nirqa: Ñoqaqa yachanim qamqa Diospa angelnin hina allin runa kasqaykita; ichaqa filisteokunapa kamachiqninkunam mana munankuchu ñoqaykuwan guerraman rinaykita.