Jeremías 38:2 - CHUYA QELLQA La Biblia en Quechua de Ayacucho 2012

² Tayta Diosmi kaynata nin: Kay llaqtapi qepaqkunam guerrawan, yarqaywan hinaspa peste onqoywan wañunqaku. Caldea runakunaman hukllawakuqmi ichaqa wañuymanta librakuspan vidanta salvanqa.

Quechua Ayacucho Bible 1987

² —Tayta Diosmi kaynata nin: “Kay llaqtapi *f**yachaqkunam guerrawan, yarqaywan hinaspa peste onqoywan wañunqaku. Caldea runakunaman hukllawakuqmi ichaqa wañuymanta librakuspan kawsayllapas-kawsanqaraq.

Chuya Qellqa 1992

² Tayta Diosmi kaynata nin: Kay llaqtapi qepaqkunam guerrawan, yarqaywan hinaspa peste onqoywan wañunqaku. Caldea runakunaman hukllawakuqmi ichaqa wañuymanta librakuspan vidanta salvanqa.

Jeremías 38:2 Iomraidhean Croise

Jeremías 21:4

Israelpa yupaychasqan Tayta Diosmi kaynata nin: Ñoqam Babilonia reypa contranpi peleasqaykichik armakunata kikikichikpa contraykichikpi kutiriykachisaq. Murallaykichikpa hawa lawninmanta atacamuq Caldea runakunatañataqmi kay llaqtapa chawpinman huñurusaq.

Jeremías 24:8

Judá nacionpa reynin Sedequiastawan yanapaqnin kamachikuqkunata, Jerusalén llaqtapi yachaqkunata, kay nacionpi puchuqkunata, Egipto nacionman rispa chaypi yachaqkunatam ichaqa, mikunapaqpas manaña valeq higosta hina ruwasaq.

Jeremías 27:11

Babilonia nacionpi reypa llasaq yugonman kunkanta sujetaqkunatam ichaqa hina allpanpi saqeykusaq, hinaptinmi chakrankuta llamkaspa hinapi yachanqaku. Ñoqa Tayta Diosmi chaynata nini.

Jeremías 27:13

¿Imanasqataq qampas chaynataq runaykikunapas guerrawan, yarqaywan chaynataq peste onqoywan wañuyta munankichik? Tayta Diospa nisqanpi hinapas, tukuy kaykunaqa Babilonia nacionpa reyninta mana serviy munaq nacionkunatam pasanqa.

Jeremías 29:16

Ichaqa rey Davidpa trononmanta munaychakuq reymantawan kay Jerusalén llaqtapi mana preso apasqa kaspanku puchuq aylluykichikkunamantam,

Jeremías 29:18

Guerrawan, yarqaywan hinaspa peste onqoywanmi paykunataqa ñakarichisaq. Kay pachapi llapallan nacionkunapapas manchakuspa katkatatanantam paykunataqa ruwarusaq. Cheqechisqay nacionkunapim paykunaqa ñakasqa, burlakusqa, penqayman churasqa hinaspa asipayasqa kanqaku.

Jeremías 34:17

Chayraykum ñoqa Tayta Dios kaynata nini: Qamkunaqa aylluykichikkunata libretaña mana kacharispam mana kasuwarqankichikchu, chayraykum ñoqapas qamkunapa contraykichikpi guerrata, peste onqoyta hinaspa yarqayta kacharimusaq, kay pachapi nacionkunapas manchakuymanta katkatatanankama.

Jeremías 39:18

Paykuna wañuchisunaykimantam librasqayki. Ñoqapi hapipakusqaykiraykum vidaykita salvasaq. Ñoqa Tayta Diosmi chaynata nini.

Jeremías 42:17

Egiptoman rinankupaq atipakuqkunaqa, chaypim guerrawan, yarqaywan hinaspa peste onqoywan wañumunkichik. Manam hukllapas puchunkichikchu, nitaqmi castigo kachamusqaymantaqa mayqannikichikpas lluptinkichikchu.

Jeremías 42:22

Chaynaqa, cheqaptapunim kunan nikichik: Yachanaykichikpaq risqaykichik nacionpim, guerrawan, yarqaywan hinaspa peste onqoywan wañumunkichik, nispa.

Jeremías 44:13

Jerusalenpi yachaqkunata guerrawan, yarqaywan hinaspa peste onqoywan castigasqayta hinam, kay Egipto nacionpi yachaqkunatapas castigasaq.

Jeremías 45:5

¿Chaychu qamñataq admirakuypaq kaqkunataraq maskachkanki? Ama maskayñachu. Llapallan runakunamanmi sasachakuykunata kacharimusaq. Qanmi ichaqa maymanña rispaykipas kawsankiraq. Ñoqa tayta Diosmi chaynata nini.

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Ezequiel 6:11

Chaymantam Tayta Diosqa kaynata niwarqa: Makikikunata pitukuspa taqllakuy hinaspa chakikiwan haytakachaspa kaynata qapariy: ¡Ay, Israel nación imallapiraq rikukunqa millakuypaq kaqkuna ruwasqanmanta! Paykunaqa guerrawan, yarqaywan hinaspa peste onqoykunawanmi wañunqaku.

Ezequiel 7:15

Hawapiqa wañuchinakuyllam kachkan, ukupiñataqmi peste onqoywan yarqay kakuchkan. Campopi kaqkunam espadapi wañunqaku, llaqta ukupi kaqkunañataqmi yarqaywan hinaspa peste onqoywan wañunqaku.