Jeremías 38:17 - CHUYA QELLQA La Biblia en Quechua de Ayacucho 2012

¹⁷ Hinaptinmi Jeremías nirqa: Israelpa yupaychasqan Tukuy Atiyniyuq Tayta Diosmi kaynata nin: Sichum Babilonia nacionpi reypa capitanninkunaman entregakuspaykiqa kawsankim, kawsanqataqmi miraynikikunapas. Kay llaqtatapas manam kañanqakuchu.

Quechua Ayacucho Bible 1987

¹⁷ Hinaptinmi Jeremiasñataq nirqa: —Israelpa yupaychasqan Llapallan Kamachiq Tayta Diosmi nin: “Babilonia nacion reyta yanapaq kamachikuqkunaman cheqaptapunipas entregakuspaykiqa kawsankim, kawsanqataqmi aylluykikunapas. Kay llaqtatapas manataqmi kañanqakuchu.

Chuya Qellqa 1992

¹⁷ Hinaptinmi Jeremías nirqa: Israelpa yupaychasqan Tukuy Atiyniyuq Tayta Diosmi kaynata nin: Sichum Babilonia nacionpi reypa capitanninkunaman entregakuspaykiqa kawsankim, kawsanqataqmi miraynikikunapas. Kay llaqtatapas manam kañanqakuchu.

Jeremías 38:17 Iomraidhean Croise

Génesis 12:13

Mana wañuchiwanankupaqyá paniy kasqaykita ninki, chaynapi qamrayku allin kanaypaq hinaspa kawsanaypaq, nispa.

2~Reyes 24:12

Hinaptinmi Judá nacionpa reynin Joaquinqa, mamanpiwan, serviqninkunapiwan, kamachikuqkunapiwan hinaspa palacionpi serviqkunapiwan Babilonia reypa makinman churakuykurqaku. Nabucodonosorqa presocharurqa Babilonia nacionpi pusaq wataña munaychakuchkaspanmi.

2~Reyes 25:27

Judá nacionpa reynin Joaquín, Babilonia nacionpi kimsa chunka qanchisniyuq wataña preso kachkaptinmi, chay watapa chunka iskayniyuq killanpa iskay chunka qanchisniyuq punchawninpi, Babiloniapa reynin Evil-merodac, punta kaq wata munaychakuyninpi, rey Joaquinta carcelmanta hurqorurqa.

1~Crónicas 17:24

Prometesqaykiyá ruwasqa kachun, chaynapi sutiki wiñaypaq hatunchasqa kaptin runakunapas “Tukuy Atiyniyuq Tayta Diosmi Israelpa Diosninqa” ninankupaq. Kay serviqniki Davidpa mirayninyá qampa yanapakuynikiwan takyachun.

Esdras 9:4

Preso kasqankumanta kutimuqkunapa huchanrayku Israelpa yupaychasqan Tayta Diospa Chuya siminta manchakuqkunam ñoqaman huñunakamurqaku. Ñoqañataqmi tardeykuyta sacrificio ruwana horakama hina llakisqalla karqani

Jobwan Sutichasqa Libro 23:13

Sichum ima ruwaytapas Dios tantearuptin ¿pitaq yanqacharunman? Payqa ima munasqantam ruwan.

Jeremías 27:12

Ñoqa Jeremiasmi Judá nacionpa reynin Sedequiasman tukuy chaykunata kaynata willarqani: Babilonia nacionpi reypa yugoman kunkaykichikta sujetaychik hinaspa paytawan llaqtanta serviychik. Chay-nata ruwaspaqa kawsankichikmi.

Jeremías 27:17

Paykunata ama kasuspa Babilonia nacionpa reyninta serviychik, chaynata ruwaspaqa kawsankichikmi. ¿Imanasqataq kay llaqta purmachisqa kanantaraq munankichik?

Jeremías 27:8

Sichum mayqan nacionpas otaq kamachikuqpas Babilonia nacionpa reynin Nabucodonosorta mana serviyta munaptinqa, chaynataq payman mana sujetakuyta munaptinqa, chay naciontam guerrawan, yarqaywan hinaspa peste onqoywan puchukachisaq. Chay naciontaqa puchukachinaykamam rey Nabucodonosorwan castigasaq. Ñoqa Tayta Diosmi chaynata nini.

Jeremías 38:2

Tayta Diosmi kaynata nin: Kay llaqtapi qepaqkunam guerrawan, yarqaywan hinaspa peste onqoywan wañunqaku. Caldea runakunaman hukllawakuqmi ichaqa wañuymanta librakuspan vidanta salvanqa.

Jeremías 39:3

Babilonia nacionpi reypa capitanninkuna yaykururqaku, hinaspam chawpi kaq punkupi churakururqaku, paykunam karqa: Nergal-sarezer, Samgar-nebo, eunucokunapa kamachiqnin Sarsequim, reypa palacionpi kamachikuq Nergal-sarezer hinaspa wakin kamachikuqkunapas.

Jeremías 40:9

Chaymi Gedalías juraspan kaynata nirqa: Caldea runakuna serviytaqa ama manchakuychikchu. Kay allpapi yachaspa Babilonia nacionpa reyninta servispaqa allinmi kankichik.

Jeremías 44:7

Chaynaqa, ñoqa Tukuy Atiyniyuq Tayta Diosmi nini: ¿Imanasqataq kay hatun mana allinkunata contraykichikpi ruwarunkichik? ¿Judá nacionniyuq qarikunapas, warmikunapas, warmakunapas hinaspa ñuñuq wawachakunapas pasaypaq tukurunantachu munachkankichik?

Ezequiel 8:4

Chaypitaqmi Israelpa yupaychasqan Tayta Diospa kanchariyninpas kachkasqa, Quebar mayu patan pampapi rikusqay hinaraq.

Amós 5:27

Chayraykum Tukuy Atiyniyuq Tayta Dios kaynata nin: Damascopa waklawninkunamanraqmi presota apachisqaykichik, nispa.