Jeremías 38:13 - CHUYA QELLQA La Biblia en Quechua de Ayacucho 2012

¹³ Chay-natam Jeremiasta waskakunawan pozo-manta hurqorurqaku, hinaptinmi carcelpa pationpiña qeparqa.

Quechua Ayacucho Bible 1987

¹³ Jeremiasta waskakunawan pozomanta horqoruptinkum carcelpa pationpiña *f**yacharqa.

Chuya Qellqa 1992

¹³ Chaynatam Jeremiasta waskakunawan pozomanta hurqorurqaku, hinaptinmi carcelpa pationpiña qeparqa.

Jeremías 38:13 Iomraidhean Croise

Génesis 37:28

Madián law negociante runakuna pasachkaptinkum, wawqenkuna Joseyta pozomanta hurqoruspanku Ismael casta runakunaman iskay chunka qollqepaq rantikururqaku. Chaymi Joseyta Egipto nacionman aparqaku.

1~Reyes 22:27

Ñoqa reypa kayna nisqaytam nimunkichik: Kay runata carcelpi wichqamuychik hinaspa mikunanpaqpas tantatawan yakullata qoychik, chaynam kanqa guerrapi vencespay kutimunaykama, nispa.

Nehemías 3:25

Qatiqnintam allicharqa Uzaipa churin Palal. Paymi allicharqa esquinapa chimpan perqata hinaspa reypa wasinmanta lloqsiq hatun torretapas, chayqa kachkan carcelpa pationpim. Qatiqnintañataqmi allicharqa Farospa churin Pedaías.

Proverbios 29:10

Runamasin wañuchiq runakunaqa allin ruwaq runakunatam wañuchiypi rinku.

Jeremías 26:16

Hinaptinmi sacerdotekunatawan profetakunata, llapa kamachikuqkunawan runakuna nirqaku: Yupaychasqanchik Tayta Diospa sutinpim payqa rimapayawarqanchik, manam wañunanpaqqa sentenciachwanchu, nispanku.

Jeremías 32:2

Chay tiempopim Babiloniapa reynin Nabucodonosorpa tropankuna Jerusalén llaqtata muyurirurqaku. Profeta Jere-miasñataqmi carcelpa pationpi preso kachkarqa. Chay carcelqa karqa Judá nacionpi reypa wasinpim.

Jeremías 37:21

Chaymi rey Sedequías kamachirqa, Jeremiasta carcelpa patiollanpiña presochaspa, tanta qatumanta tantata rantimuspa sapa punchaw payman qonankupaq. Chaynatam ruwarqaku llaqtapi tanta tukunankama. Chaynapim Jeremiasqa carcelpa pationpi preso karqa.

Jeremías 38:12

Hinaspanmi nirqa: Chay latapakunata wallwaykiman waskakunawan hapichiy, nispa. Chaynatam Jeremías ruwarqa.

Jeremías 38:28

Chaynapim Jeremiasqa carcelpa patiollanpi qeparqa, Jerusalén llaqta vencesqa kanankama.

Jeremías 38:6

Hinaptinmi Jeremiasta hapiruspanku reypa churin Malquiaspa pozonman waskakunawan uraykachirqaku. Chay pozoqa tarikurqa carcelpa pationpim. Ichaqa chay pozom mana yakuyuqña karqa, chayraykum Jeremiasta kachaykuptinku mituman chinkakuykurqa.

Lamentaciones 3:58

Señorlláy, qanmi nanaykachikuwarqanki, vidallaytam libraykuwarqanki.

Hechos 23:35

nirqa: Acusaqnikikuna hamuptinñam quejaykitaqa uyarisqayki, nispa. Hinaspam soldadokunata kamachirqa Pablota Herodespa palacionpi cuidanankupaq.

Hechos 24:27

Iskay wata pasaruptinmi, gobernador kayninmanta Félix lloqsikurqa, hinaptinmi paypa rantinpi Porcio Festoña yaykurqa. Felixmi judiokunawan kuyachikuyta munaspan Pablota hina presollata saqerurqa.

Hechos 28:16

Roma llaqtaman chayaruptiykum Pablota saqeykurqaku huk soldadopa cuidasqan sapaq wasipi yachananpaq.

Hechos 28:30

Pablom chay arriendasqan wasipi iskay wata yacharqa, hinaspam lliw watukuq-ninkunata chaskirqa.