Jeremías 37:17 - CHUYA QELLQA La Biblia en Quechua de Ayacucho 2012

¹⁷ Hinachkaptinmi rey Sedequías palacionman pusarichimuspa pakasqallapi tapuspan nirqa: ¿Yaqachu Tayta Diosqa imallatapas ñoqapaq nisurqanki? nispa. Chaymi Jeremías nirqa: Arí, kachkanmi, Babilonia nacionpa reyninmanmi entregasqa kanki, nispa.

Quechua Ayacucho Bible 1987

¹⁷ Rey Sedequiasmi Jeremiasta palacionman pusarachimuspan pakasqallapi tapuspan nirqa: —Ichapas Tayta Diosqa imallatapas ñoqapaq nisurqanki —nispa. Chaymi Jeremiasñataq nirqa: —Arí, kachkanmi. Babilonia nacionpi reymanmi entregasqa kanki —nispa.

Chuya Qellqa 1992

¹⁷ Rey Sedequiasmi Jeremiasta palacionman pusarachimuspan pakasqallapi tapuspan nirqa: ¿Yaqachu Tayta Diosqa imallatapas ñoqapaq nisurqanki? nispa. Chaymi Jeremías nirqa: Arí, kachkanmi, Babilonia nacionpa reyninmanmi entregasqa kanki, nispa.

Jeremías 37:17 Iomraidhean Croise

1~Reyes 22:15

Reypa kasqanman chayaruptinmi rey nirqa: Micaías, ¿risaqkuchu Galaad lawpi Ramot llaqtata atacamunaykupaq icha manachu? nispa. Hinaptinmi Micaías nirqa: Riypuni, Tayta Diosmi makikiman churamunqa, nispa.

1~Reyes 22:16

Chaymi reyñataq nirqa: ¿Hayka kutitakamataq nisqayki Tayta Diospa sutinpi cheqapllata niwanaykipaq? nispa.

2~Reyes 25:7

Sedequías qawachkaptin churinkunata wañurachirqaku, kikintañataqmi ñawinkunata hurqoruspanku cadenawan watasqata Babilonia llaqtaman pusarqaku.

Jeremías 15:11

¡Dios Taytalláy, chaynayá kachun! Sichum paykunarayku mana mañakurqaykichu, hinaptinqa enemigoykuna sasachakuypi llakikuypi kachkaptinku mana qayakurqaykichu, hinaptinqa ñakawasqankuyá chayawachun.

Jeremías 21:7

Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Jeremías 24:8

Judá nacionpa reynin Sedequiastawan yanapaqnin kamachikuqkunata, Jerusalén llaqtapi yachaqkunata, kay nacionpi puchuqkunata, Egipto nacionman rispa chaypi yachaqkunatam ichaqa, mikunapaqpas manaña valeq higosta hina ruwasaq.

Jeremías 25:35

Michiqkunaqa manam mayqanpas ayqeyta atinqachu, llaqtayta michiqkunaqa manam mayqanpas lluptiyta atinqachu.

Jeremías 37:3

Rey Sedequiasmi kacharqa Selemiaspa churin Jucaltawan Maasiaspa churin sacerdote Sofoniasta, chaynapi profeta Jeremiasta kaynata nimunankupaq: Yupaychasqanchik Tayta Diostayá mañapuwayku, nispa.

Jeremías 38:5

Chaymi rey Sedequías nirqa: Chay runaqa makikichikpim kachkan, munasqaykichikta ruwaychik, manam ñoqaqa contraykichikpiqa ima ruwaytapas atiymanchu, nispa.

Jeremías 52:8

Babilonia tropakunam ichaqa rey Sedequiasta qatispanku Jericó llaqtaman riq pampapi hapiramurqaku, tropankunañataqmi sapallanta saqeruspanku cheqerurqaku.

Ezequiel 7:26

Paykunamanqa sasachakuymi manaña tukuyta chayamunqa, mana allin willakuykunam ñataq-ñataq chayamunqa. Yanqapaqmi profetatapas maskanqaku Diospa kaqta imallatapas willananpaq, yachachikuq sacerdotekunapas manañam kanqachu, allin consejakuq ancianokunapas manañam kanqachu.

Números 23:17

Balaam kutiruptinmi rey Balacqa lliw kañana sacrificiopa waqtanpi sayachkasqaku, Moab nacionpi kamachikuqkunapiwan kuska. Hinaptinmi rey Balac tapurqa: ¿Imanintaq Tayta Dios? nispan.

Marcos 6:20

Rey Herodesmi Juanta chuya runa kasqanta yachaspan manchakurqa, chayraykum payta waqaycharqa. Juanpa rimasqankunata uyarispanmi mana ima ruwakuytapas atirqachu, ichaqa ganasllawanñam uyarirqa.