Jeremías 36:7 - CHUYA QELLQA La Biblia en Quechua de Ayacucho 2012

⁷ Icharaqpas Tayta Diosta mañakuspanku mana allin kawsayninkumanta wanakunmanku. Tayta Diosqa llumpayta piñakuspanmi kay runakunata amenazachkan, nispa.

Quechua Ayacucho Bible 1987

⁷ Icharaqpas Tayta Diosta ruegakuspanku mana allin kawsasqankumanta wanakunmanku. Tayta Diosqa ancha-anchata piñakuspanmi kay runakunata amenazachkan —nispa.

Chuya Qellqa 1992

⁷ Icharaqpas Tayta Diosta mañakuspanku mana allin kawsayninkumanta wanakunmanku. Tayta Diosqa llumpayta piñakuspanmi kay runakunata amenazachkan, nispa.

Jeremías 36:7 Iomraidhean Croise

2~Reyes 22:13

Rispaykichik Tayta Diosta tapumuychik kay tarisqaykichik libropi imam willakusqanmanta. Tapumuychiktaqyá ñoqapaqpas chaynataq Judá nacionpi yachaq runakunapaqpas Tayta Diospa imam nisqanta. Ñawpaq taytanchikkuna kay libropa nisqanta mana kasukusqankuraykum chaynataq mana ruwayman churasqankuraykum Tayta Diospa piñakuynin contranchikpi kachkan, nispa.

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

2~Crónicas 34:21

Rispaykichikyá Tayta Diosta tapumuychik ñoqamanta, Israel nacionpi chaynataq Judá nacionpi puchuq runakunapaqpas, kay tarisqanku libropa imam nisqanmanta; kay libroman hinaqa ñawpaq taytaykichikkuna mana kasukusqankuraykum Tayta Diospa piñakuynin contranchikpi mancharikuyllapaqña kachkan, nispa.

Jeremías 1:3

Rimapayarqataqmi Judá nacionpa reynin Joacimpa chaynataq Sedequiaspa tiemponpipas. Paykunaqa karqaku rey Josiaspa churinkunam. Rey Sedequiaspa chunka hukniyuq wata munaychakusqankamam rimapayarqa. Chay watapa pichqa kaq killanpim Jerusalén llaqtapi yachaqkuna Babilonia nacionman preso apasqa karqaku.

Jeremías 16:10

Llapa runakunaman kayta willaptikim paykuna kaynata tapusunki: ¿Imanasqataq Tayta Diosqa kay hatun castigokunata rimachisuchkanki? ¿Ima mana allintataq ruwaruniku? ¿Imapitaq Tayta Diospa contranpi huchallikuruniku? nispanku.

Jeremías 19:15

Israelpa yupaychasqan Tukuy Atiyniyuq Tayta Diosmi kaynata nin: Sonqoykichikta rumiyarachispa nisqaykunata mana kasukusqaykichikraykum, kay llaqtapa chaynataq muyuriqninpi llaqtakunapa contranpi rimasqay sasachakuykunata kachamusaq, nispa.

Jeremías 21:5

Kikiypunim qamkunapa contraykichikpi, hatun atiyniywan hinaspa nina hina manchakuypaq piñakuyniywan peleasaq.

Jeremías 25:5

Paykunam kaynata nisurqankichik: “Mana allin kawsaymantawan mana allin ruwaymanta wanakuspaykichikqa, taytaykichikmanpas chaynataq qamkunamanpas wiñaypaq qosqay allpapim yachankichik.

Jeremías 26:3

Icharaqpas uyarikuspanku mana allin kawsayninkumanta sapakama wanakunmanku, chayna kaptinqa mana allin ruwasqankumantam ñoqapas manaña castigasaqchu.

Jeremías 36:3

Icharaqpas Judapa mirayninkunaqa tukuy ima castigokuna kachariy munasqayta uyarispanku mana allin kawsayninkumanta wanakunmanku, hinaptinqa mana allinkuna ruwasqankutawan huchankutam pampachaykusaq, nispa.

Jeremías 37:20

Reynilláy, kunanmi ruegakuyki kay mañakusqayta chaskiykuwanaykipaq. Secretario Jonatanpa wasinmanqa amañayá kutichiwaychu chaypi mana wañurunaypaq, nispa.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 42:2

profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Lamentaciones 4:11

Tayta Diosmi piñakuyninta kachaykamurqa, sinchi piñakuynintam chaqchurimurqa, Sión llaqtatam ninawan kañaykurqa, cimientonkamaraqmi llaqtata chinkarachirqa.

Ezequiel 12:3

Chaynaqa, runapa churin, preso apasqa hina lloqsinaykipaq apanayki kaqkunata allichakuy hinaspa paykuna qawasuchkaptiki punchaw pacha lloqsiy. Wasikimanta lloqsispa huklawman riy, icharaqpas mana kasukuq runakuna kasqankuta reqsikunmanku.

Ezequiel 13:13

Chayraykum ñoqa Tayta Dios kaynata nini: Piñakuspaymi sinchi wayrata pukuchimusaq, sinchi paratawan runtu-paratam rumita hinaña chayachimusaq, chaynapi tukuy imatapas tuñichinaypaq.

Ezequiel 20:33

Ñoqa Tayta Diosmi kaynata nini: Ñoqaqa piñakuyniywan hinaspa hatun atiyniywanmi qamkunapi munaychakusaq.

Ezequiel 22:20

Imaynam qollqeta, cobreta, fierrota, titita hinaspa estañota hornopi ninawan chulluchinku, chaynatam ñoqapas qamkunata huñuruspay piñakuyniywan chulluchisqaykichik.

Ezequiel 5:13

Chaynapim ñoqapa piñakuyniy cum-plikunqa, contraykichikpi piñakuyniy taniruptinmi sonqoypas tiyarunqa. Paykunapa contranpi piñakuyniyta kachariptiymi yachankichik, piñakuyniypi ñoqa Tayta Dios rimasqayta.

Ezequiel 8:18

Chayraykum ñoqapas paykunaman piñakuyniyta kachaykamusaq, manam paykunataqa llakipayasaqchu; qaparkachaspa qayakamuwaptinkupas manam uyarisaqchu, nispa.

Daniel 9:13

Moisespa qellqasqan yachachi-kuykunaman hinam kay tukuy ñakariy-kunaqa chayaruwanku. Dios Taytallayku, chaywanpas ñoqaykuqa manam qampa yanapakuynikitaqa maskarqanikuchu, mana allin ruwasqaykumantapas manataqmi wanakurqanikuchu, cheqap kaqnikikunataqa manam uyariqpas tukurqanikuchu.

Daniel 9:18

Diosnilláy, kumuykamuspayá uyariykullaway, ñawillaykitapas kichariykuspayá ñakariyniykutawan sutiki hatunchanayku llaqtapa purmasqa kasqanta qawariykuy. Ñoqaykuqa manam mañakuchkaykiku allin ruwasqaykupi hapipakuspachu, aswanqa ancha llakipayakuq kasqaykipi hapipakuspam.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Jonás 3:8

Aswanqa lutokuspa animalkunawan kuska tukuy sonqoykichikmanta Tayta Diosta mañakuychik hinaspa mana allin kawsaynikichikmanta sapakama wanakuychik, wanakuychiktaq mana allinkuna ruwaynikichikmantapas.

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.