Jeremías 36:4 - CHUYA QELLQA La Biblia en Quechua de Ayacucho 2012

⁴ Chaymi Jeremiasqa Neriaspa churin Baructa qayarachimuspan Tayta Diospa tukuy rimapayasqanta willarqa, hinaptinmi Barucñataq rollopi qellqarqa.

Quechua Ayacucho Bible 1987

⁴ Neriaspa churin Baructa Jeremias qayarachimuspanmi Tayta Diospa tukuy rimapayasqanta willarqa chaymi Barucñataq qellqarqa wankusqa libropi.

Chuya Qellqa 1992

⁴ Chaymi Jeremiasqa Neriaspa churin Baructa qayarachimuspan Tayta Diospa tukuy rimapayasqanta willarqa, hinaptinmi Barucñataq rollopi qellqarqa.

Jeremías 36:4 Iomraidhean Croise

Isaías 30:8

Kunanyá paykunapa qayllanpi kay rikusqaykita tablapi qellqay. Libropi qellqaruptiki hamuq punchawkunapi yuyarinankupaq kachun, wiña-wiñaypaq chayna qepachun.

Isaías 8:1

Tayta Diosmi niwarqa: Runakuna leenanpaq hina hatun letrakunawan tablapi qellqay “Maher-salal-hasbaz” niqta.

Jeremías 25:13

Caldea nacionpa contranpi llapallan nisqaykunatam ruwasaq, imaynam kay libropi qellqasqaman hina. Chaykunatam llapa nacionkunapa contranpi profeta Jeremías ñoqapa sutiypi willakurqa.

Jeremías 30:2

Ñoqa Israelpa yupaychasqan Tayta Diosmi kaynata nini: Kay rima-payasqay palabrakunata libropi qellqay.

Jeremías 32:12

hinaspaymi primoy Hanameelpa qayllanpi, firmaq testigokunapa qayllanpi chaynataq carcelpa pationpi tiyaq Judá runakunapa qayllanpi, chay firmasqa papelta Neriaspa churin Barucman qoykurqani. Neriasqa karqa Maasiaspa churinmi.

Jeremías 36:14

Hinaptinmi llapa kamachikuqkuna Netaniaspa churin Jehudita kacharqaku Baructa kaynata nimunankupaq: Runakuna uyarinanpaq leesqayki rollota aparikuspa hamuy, nispa. Netaniasqa karqa Selemiaspa churinmi, Selemiasñataqmi Cusipa churin. Hinaptinmi Neriaspa churin Barucqa rollota aparikuspan kamachikuqkunapa qayllanman rirqa.

Jeremías 36:21

Chaymi reyñataq Jehudita kacharqa Elisamapa cuartonmanta chay rollota apamunanpaq. Chayarachimuspanmi Jehudiqa leerqa reypas hinaspa chaypi kaq kamachikuqkunapas uyarinankupaq.

Jeremías 36:23

Rollopi qellqasqa palabrakunata iskay-kimsa rayata Jehudí leeruptinmi reyqa cuchillowan kuchuparurqa, hinaspanmi qonikusqan sansaman wischuykurqa. Chaynata ruwaspanmi tukunankama chay rollota kañarurqa.

Jeremías 36:26

Aswanmi reyqa kamachirqa Hamelecpa churin Jerameeltawan, Azrielpa churin Seraiasta hinaspa Abdeelpa churin Selemiasta, chaynapi secretario Baructawan profeta Jeremiasta presochamunankupaq, ichaqa Tayta Diosmi paykunata pakarurqa.

Jeremías 36:27

Jeremiaspa Barucwan qellqachisqan rollota rey kañaruptinmi, Jeremiasta Tayta Dios kaynata nirqa:

Jeremías 36:28

Judá nacionpa reynin Joacimpa kañarusqan rollopi qellqachisqay palabrakunatayá huk rollopiña musoqmanta qellqay.

Jeremías 36:32

Neriaspa churin secretario Barucman musoq rollota Jeremías qoykuptinmi, Joacimpa kañasqan rollopi kaq palabrakunata Baruc qellqarqa, chay qellqamanmi Jeremiasqa chayman rikchakuq palabrakunata yapachirqa.

Jeremías 36:6

Chaynaqa, ayuno punchawpim temploman yaykuspayki qellqachisqay rollota leemunki, chaynapi llapa runakunawan Judá nacionpi llaqtakunamanta hamuqkunapas Tayta Diospa nisqanta uyarinankupaq.

Jeremías 43:3

Qamtaqa Neriaspa churin Barucmi contraykupi umacharusunki Caldea runakunaman entregasqa kanaykupaq, chaynapi wañurachiwanankupaq otaq Babilonia lawman presota apawanankupaqpas, nispanku.

Jeremías 51:59

Judá nacionpi rey Sedequías tawa wataña munaychakuchkaspanmi Babi-lonia nacionman rirqa, paywanmi rirqa Maasiaspa willkan otaq Neriaspa churin Seraiaspas paymi riqkunata pusarqa; hinaptinmi Babiloniapi Israelpa mirayninkunaman huk kunakuyta profeta Jeremías apachirqa.

Jeremías 51:60

Babiloniapa contranpi castigokuna hamunanmantam Jeremías huk libropi qellqarqa,

Ezequiel 2:9

Chaymi qawarispay rikurqani huk makita, qellqasqa rollota haywarimuwachkaqta.

Daniel 7:1

Babilonia nacionpi rey Belsasar munaychakuyta qallarisqan watapim, Danielqa mosqorurqa hinaspam visionkunata rikurqa. Chaymi hatarispan imam mosqorusqanta

Zacarías 5:1

Huktawan qawarispaymi visionpi rikurqani pawachkaq wankusqa qellqata.

Romanos 16:22

Pablopa secretarion ñoqa Tercio-pas Señorninchikpa sutinpim rimay-kamuykichik.