Jeremías 36:14 - CHUYA QELLQA La Biblia en Quechua de Ayacucho 2012

¹⁴ Hinaptinmi llapa kamachikuqkuna Netaniaspa churin Jehudita kacharqaku Baructa kaynata nimunankupaq: Runakuna uyarinanpaq leesqayki rollota aparikuspa hamuy, nispa. Netaniasqa karqa Selemiaspa churinmi, Selemiasñataqmi Cusipa churin. Hinaptinmi Neriaspa churin Barucqa rollota aparikuspan kamachikuqkunapa qayllanman rirqa.

Quechua Ayacucho Bible 1987

¹⁴ Hinaptinmi llapallan kamachikuqkuna Barucman kacharqaku Netaniaspa churin Jehudita. Netaniasqa karqa Selemiaspa churinmi, Selemiasñataqmi karqa Cusipa churin. Chay Jehudi sutiyoq runawanmá kaynata nichimurqaku: —Runakuna uyarinanpaq leesqayki librota apaspas rinki —nispa. Hinaptinmi wankusqa librota Neriaspa churin aparikuspan chay kamachikuqkunapa kasqanman rirqa.

Chuya Qellqa 1992

¹⁴ Hinaptinmi llapa kamachikuqkuna Netaniaspa churin Jehudita kacharqaku Baructa kaynata nimunankupaq: Runakuna uyarinanpaq leesqayki rollota aparikuspa hamuy, nispa. Netaniasqa karqa Selemiaspa churinmi, Selemiasñataqmi Cusipa churin. Hinaptinmi Neriaspa churin Barucqa rollota aparikuspan kamachikuqkunapa qayllanman rirqa.

Jeremías 36:14 Iomraidhean Croise

2~Reyes 25:23

Judá nacionpa tropankunata kama-chiqkunawan tropakunañataqmi, Geda-liasta llaqtapa gobernadornin kananpaq rey Nabucodonosorpa churasqanta yacharuspanku, Gedaliaswan tupamunankupaq Mizpa llaqtaman rirqaku. Paykunam karqaku Netaniaspa churin Ismael, Careapa churin Johanán, Netofa llaqtayuq Tanhumetpa churin Seraías hinaspa Maacat llaqtayuq runapa churin Jaazanías. Paykunaqa runankunapiwanmi hamurqaku.

Jeremías 36:2

Josías rey kasqanmanta kunan punchawkama Israelpa, Judapa chaynataq lliw nacionkunapa contranpi nisqayta rollopi qellqay.

Jeremías 36:21

Chaymi reyñataq Jehudita kacharqa Elisamapa cuartonmanta chay rollota apamunanpaq. Chayarachimuspanmi Jehudiqa leerqa reypas hinaspa chaypi kaq kamachikuqkunapas uyarinankupaq.

Jeremías 36:4

Chaymi Jeremiasqa Neriaspa churin Baructa qayarachimuspan Tayta Diospa tukuy rimapayasqanta willarqa, hinaptinmi Barucñataq rollopi qellqarqa.

Jeremías 40:8

Chay runakunam karqa: Netaniaspa churin Ismael, Careapa churin Johananwan Jonatán, Tanhumetpa churin Seraías, Netofa llaqtayuq Efaipa churinkuna hinaspa Maacat llaqtayuq runapa churin Jezanías. Paykunam runankunawan kuska rirqaku Mizpa llaqtapi yachaq Gedaliaspata.

Jeremías 41:16

Ahicampa churin Gedaliasta wañurachispan Mizpa llaqtamanta Ismaelpa preso apasqan runakunatawan, puchuq soldadokunata, warmikunata, warmakunata hinaspa reypa palacionpi servikuqkunatam, Careapa churin Johanán tropakunapa capitanninkunapiwan Gabaón llaqtaman kutichirqaku.

Jeremías 41:18

Chaynataqa tantearqaku Ahicampa churin Gedaliasta Netaniaspa churin Ismael wañurachisqanmanta Caldea runakunata manchakusqankuraykum. Gedaliastaqa Babilonia nacionpa reyninmi gobernador kananpaq churarqa.

Sofonías 1:1

Judá nacionpi Amonpa churin Josías munaychakuchkaptinmi, Tayta Dios rimapayarqa Cusipa churin Sofoniasta. Cusiqa karqa Gedaliaspa churinmi, Gedaliasñataqmi karqa Amariaspa, Amariasñataqmi Ezequiaspa.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.