Jeremías 35:4 - CHUYA QELLQA La Biblia en Quechua de Ayacucho 2012

⁴ Paykunatam temploman pusaruspay, Hananpa churin Igdaliaspa cuartonman pusaykurqani. Igdaliasqa karqa Tayta Diospa runanmi. Chay cuartom tarikurqa templopi kamachikuqkunapa cuartonpa waqtanpi hinaspa Salumpa churin Maasiaspa cuartonpa altonpi. Maasiasqa karqa templopa punkunwan cuentallikuqmi.

Quechua Ayacucho Bible 1987

⁴ Paykunata temploman pusaykuspaymi yaykuchirqani Hananpa churinkunapa cuartonman, chay Hanan sutiyoq runaqa karqa Igdaliaspa churinmi. Igdaliasñataqmi karqa Tayta Diospa runan. Chay cuartoqa karqa templopi kamachikuqkunapa cuartonpa waqtanpim chaynataq Salumpa churin Maasiaspa cuartonpa altonpim, chay Maasiasqa karqa templopa punkunwan cuentallikuqmi.

Chuya Qellqa 1992

⁴ Paykunatam temploman pusaruspay, Hananpa churin Igdaliaspa cuartonman pusaykurqani. Igdaliasqa karqa Tayta Diospa runanmi. Chay cuartom tarikurqa templopi kamachikuqkunapa cuartonpa waqtanpi hinaspa Salumpa churin Maasiaspa cuartonpa altonpi. Maasiasqa karqa templopa punkunwan cuentallikuqmi.

Jeremías 35:4 Iomraidhean Croise

1~Reyes 12:22

Semaiasmi karqa Tayta Diosta kasukuq runa. Paytam Tayta Dios nirqa:

1~Reyes 13:1

Tayta Dios kamachiptinmi Judá nacionmanta huk profeta Bet-el llaqtaman chayarurqa. Payqa chayaramurqa altarpi inciensota Jeroboam kañachkaptinmi.

1~Reyes 13:26

Ñanmanta kutichiqnin yuyaqña profetañataqmi chayta uyariruspan nirqa: Chay wañuruq runaqa Tayta Diospa kamachisqanta mana kasukuq profetam, Tayta Diosmi paytaqa mana kasukusqanrayku leonwan wañurachirqa, Tayta Diospa nisqanman hina, nispa.

1~Reyes 17:18

Chaymi Eliasta viuda nirqa: Diospa runan ¿imatataq contraykipi ruwaruni? ¿Huchaykunata yuyarichiwaspa wawayta wañuchinaykipaqchu hamurqanki? nispa.

1~Reyes 17:24

Viudañataqmi nirqa: Kunanmi yachaykuni qamqa Diospa runan kasqaykita chaynataq Tayta Diospa palabran rimasqaykipas cheqap kasqanta, nispa.

1~Reyes 20:28

Tayta Diospa profetan hamuspanmi Israel nacionpa reyninta nirqa: Siria runakunam nichkanku: “Tayta Diosqa orqokunapi diosmi, manam qechwapi dioschu” nispanku, aswanqa ñoqam wak nana-nanaq runakunata makikiman churasaq chaynapim yachankichik Tayta Dios kasqayta, nispa.

2~Reyes 1:9

Hinaspam huk capitanta pichqa chunka soldadontinta kacharqa. Chayaruptinkum Eliasqa orqopa puntanpi tiyachkasqa, chaymi capitán nirqa: Diospa profetan, qamtam rey nimusunki uraykamunaykipaq, nispa.

2~Reyes 12:9

Sumo sacerdote Joiadañataqmi qollqe huñuna cajata tapanpi uchkuyuqta ru-warachirqa, hinaspam altarpa alleq lawninpi churarurqa, punku waqaychaq sacerdotekunañataqmi Tayta Diospa templonman apamusqanku llapa qollqeta chay cajaman churarqaku;

2~Reyes 25:18

Rey waqaychaq soldadokunapa capitanninqa aparqataqmi sumo sacerdote Seraiastawan sacerdote Sofoniasta hinaspa punkukunawan cuentallikuq kimsa runakunatapas.

2~Reyes 5:14

Chaymi Naamanqa pasaspan profetapa kamachisqanman hina Jordán mayupi qanchis kutikama zambullikaramurqa, hinaptinmi aychan wawapa hina rikurirurqa, chaynapim sanoyarurqa.

2~Reyes 5:20

profeta Eliseopa serviqnin Giezi kaynata tantearurqa: Patronniyqa yanqam wischupakurun Siria nacionniyuq Naamanpa apamusqankunataqa, Tayta Diosraykum jurani: Kallpaylla hayparuspay imallantapas mañakaramusaq, nispan.

2~Reyes 6:10

Chaynapim Israel nacionpa reyninqa tropankunata profeta Eliseopa nisqanman kacharqa, chaynata ruwaspam achka kutipi librakurqa.

2~Reyes 7:17

Reymi yanapaqninta kamachirqa llaqtapa punkunta cuidananpaq, ichaqa runakunam tanqanakuspanku payta wañunankama saruparurqaku, chaynaqa pasakurqa reywan tupasqan punchawpi profeta Eliseopa nisqanpi hinam.

2~Reyes 7:2

Chaymi profeta Eliseota reypa yana-paqnin nirqa: Hanaq pachapa ventanankunataña Tay-ta Dios kichaykuptinpas manam chay nisqaykiqa cumplikunmanchu, nispa. Hinaptinmi Eliseo nirqa: Qamqa rikunkim ichaqa manam mikun-kichu, nispa.

1~Crónicas 9:27

Paykunam Tayta Diospa templonta tukuy tuta muyuqku waqaychanankupaq chaynataq sapa tutapayta punku kichanankupaq kamachisqa kasqankurayku.

2~Crónicas 8:14

Sacerdotekunatapas kamachirqataqmi taytan Davidpa kamachisqanman hina muyuyninpi imam ruwanankuta ruwanankupaq, levitakunatapas kamachirqataqmi Tayta Diosta alabaspa sacerdotekunata tukuy ima ruwaypi sapa punchaw yanapanankupaq, punku waqaychaqkunatapas punkukunata muyuyninpi sapakama nanachikunankupaqmi kamachirqa. Chaynatam Diospa serviqnin David kamachikurqa.

Jeremías 21:1

Rey Sedequiasmi Malquiaspa churin Pasurtawan Maasiaspa churin sacerdote Sofoniasta kacharqa, Jeremiasta kaynata nimunankupaq:

Jeremías 26:10

Judá nacionpi kamachikuqkunañataqmi, chaykunata yacharuspanku, reypa palacionmanta temploman rirqaku, hinaspam “Musoq Punku” nispa sutichasqanku punkupi juzgawanankupaq tiyaykurqaku.

Jeremías 35:3

Chaymi Jeremiaspa churin Jaaza-niastawan wawqenkunata chaynataq Recabpa llapallan mirayninkunata pusamuq rirqani. Jeremiasqa karqa Habasiniaspa churinmi.

Jeremías 52:24

Reyta waqaychaq soldadokunapa capitanninqa aparqataqmi sumo sacerdote Seraiastawan sacerdote Sofoniastapas chaynataq punkukunawan cuentallikuq kimsa runakunatapas.

Ezequiel 40:38

Kasqataqmi huk cuartopas corredor lawman punkuyuq, chay cuartopim lliw kañana ofrecenanku animalkunata mayllasqaku.

Ezequiel 43:8

Manañataqmi palacionkupa punkuntapas temploypa punkunmanta huk perqallapa rakiykusqantaqa hatarichinqakuñachu. Paykunam millakusqay kaqkunata ruwaspanku chuya sutiyta penqayman churarqaku; chayraykum ñoqapas paykunapa contranpi piñakuspay wañurachirqani.

Deuteronomio 33:1

Diospa serviqnin Moisesmi wañukunallanpaqña Israelpa mirayninkunata kaynata bendeciykurqa:

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

2~Timoteo 3:17

Chaynapi Diospa runankunaqa yachayniyuq kaspa tukuy allinkunata ruwanankupaq.

Josué 14:6

Judapa mirayninkunam rirqaku Josueywan rimanankupaq Gilgal lawpi kachkaptin, chaymi Josueyta Cenez casta Jefonepa churin Caleb nirqa: Qamqa yachankim ñoqamantawan qanmanta Cades-barnea lawpi kachkaptinchik serviqnin Moisesman Tayta Diospa imam nisqantaqa.

1~Samuel 2:27

Huk punchawmi Diospa profetan, sacerdote Eliyman hamuspan nirqa: Tayta Diosmi nin: “Egipto nacionpi ñawpaq taytaykikuna rey Faraonta servichkaptinkum, paykunaman rikurir-qani.