Jeremías 34:9 - CHUYA QELLQA La Biblia en Quechua de Ayacucho 2012

⁹ Chay contratopim sapakama prometekurqaku, hina judiomasinkumanta kaq esclavonkuta qaritapas warmitapas libretaña kacharinankupaq, chaynapi judiomasinwanqa manaña pipas servichikunanpaq.

Quechua Ayacucho Bible 1987

⁹ Chay contratoman hinam judiomasin sirvienteyoq otaq sirvientayoq runakunaqa paykunata kacharinanku karqa chaynapi judiomasinkuwanqa amaña pipas servichikunanpaq.

Chuya Qellqa 1992

⁹ Chay contratopim sapakama prometekurqaku, hina judiomasinkumanta kaq esclavonkuta qaritapas warmitapas libretaña kacharinankupaq, chaynapi judiomasinwanqa manaña pipas servichikunanpaq.

Jeremías 34:9 Iomraidhean Croise

Génesis 14:13

Hinaptinmi huk lluptiruq runañataq hebreo casta Abramman willaykamurqa, Amor casta Mamrepa encina sachankunapa kasqanpi yachachkaptin. Mamreqa karqa Escolpa chaynataq Anerpa wawqenmi. Paykunam Abramwan huklla karqaku.

Génesis 40:15

Hebreo casta runakunapa kasqan lawmantam ñoqataqa suwaramuwarqaku. Mana imamantataqmi kay carcelmanpas aparamuwanku, nispa.

Éxodo 2:6

Kichaykuspa qawaykuptinmi huk wawa waqachkasqa, chaymi Faraonpa churin llakirikuspan nirqa: Hebreo casta wawacham kayqa, nispa.

Éxodo 3:18

Israelpa ancianonkunam kasusunki, hinaptinmi paykunawan rispa Egipto nacionpi reyta ninkichik: Hebreo runakunapa Tayta Diosninmi tariramuwanku, chayraykum kunan kimsa punchaw puriyta chunniqman risaqku, chaynapi Tayta Diosman sacrificiokunata ofrecespa hatunchamunaykupaq, nispaykichik.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 30:8

Ñoqa Tukuy Atiyniyuq Tayta Diosmi nini: Chay punchawpim matankankupi yugota pakirusaq, coyundatapas tipirusaqmi, chaynapim huklaw nacionniyuq runakunaqa manaña servichikunqakuñachu.

Jeremías 34:10

Chay contratoman hinam llapa kamachikuqkunawan llapallan runakunapas, sapakama esclavonkuta qaritapas warmitapas libretaña kachaykurqaku, hinaspam manaña servichikurqakuchu.

1~Corintios 6:8

Qamkunaraqmi iñiqmasikichiktaqa mana allinkunata ruwaspa engañankichik.

2~Corintios 11:22

¿Hebreo castachu kanku? Ñoqapas chay castam kani. ¿Israelpa mirayninchu kanku? Ñoqapas chay miraymi kani. ¿Abrahampa mirayninkunachu kanku? Ñoqapas paypa mirayninmi kani.

Deuteronomio 15:12

Hebreomanta kaq llaqtamasikichik qaripas otaq warmipas criadoykichik kananpaq kikinta rantikurususpay-kichikqa, soqta watallam servisunki-chik. Qanchis kaq watamanmi ichaqa libre lloqsikunqa.

Filipenses 3:5

Nacesqaymanta pusaq punchawninmanmi qari kayniypi señalawarqaku, Benjamín ayllumanta kaq Israelpa castanmi kani, tayta-mamaymantapunim hebreo rimaq kani. Leyman hinañataqmi fariseo karqani.

1~Samuel 14:11

Chaymi paykuna Filistea tropakunawan rikurachikurqaku, hinaptinmi chay tropakuna nirqaku: Waqaya hebreo runakunaqa pakakusqanku uchkukunamanta lloqsimuchkanku nispanku.

1~Samuel 4:6

Filisteokunañataqmi qaparisqankuta uyariruspanku tapunakurqaku: ¿Imanasqataq hebreo castakunapa campamentonpi chaynataña qaparichkanku? nispanku. Chaymantañam yacharurqaku Diospa contrato ruwasqan Arcata campamentoman aparamusqankuta.

1~Samuel 4:9

¡Filisteokuna ama hukmanyaychikchu! ¡Kallpanchakuychik peleanaykichikpaq! ¡Chaynapi paykunawan servichikusqaykichikta hina ama hebreo runakunapa munaychakusqan kanaykichikpaq! ¡Chaynaqa, allin qarikuna hina peleaychik! nispa.