Jeremías 34:22 - CHUYA QELLQA La Biblia en Quechua de Ayacucho 2012

²² Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Quechua Ayacucho Bible 1987

²² Ñoqa Tayta Diosmi nini: Ichaqa paykunata kamachiptiymi kutirimuspanku kay llaqtata atacanqaku. Dueñochakuruspankum kañaykunqaku. Juda nacionpi llaqtakunatapas purmarachisaqmi manaña runayoq kanankama.”

Chuya Qellqa 1992

²² Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 34:22 Iomraidhean Croise

2~Samuel 16:11

Chaymantam Abisaitawan llapallan serviqninkunata David nirqa: Churiypuni wañuchiwananpaq maska-waptinqa razonchiki Benjamín casta runaqa. Tayta Dios chaynata kamachip-tinqa hinayá ñakawachun.

2~Reyes 25:6

Presocharuspankum rey Sedequiasta Ribla llaqtaman Babilonia nacionpa reyninman pusarqaku. Chaypim Sedequiasta sentenciaspanku

2~Reyes 25:9

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa wasinkunatapas.

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

Isaías 13:3

Sapaqchasqaykunatam kamarachini, piñakuyniyta ruwayman churaq allinnin qari-qari soldadoykunatam qayaramuni, vencesqaywan kusikuqkunatam qayaramuni.

Isaías 24:12

Llaqtam tuñisqa qeparun, punkunkunam pakipakurun.

Isaías 37:26

¿Manachu yacharqanki ñawpaqmantaraq ñoqa Dios chaykuna ruwasqayta? ¿Ñawpaq punchawkunapiraq ñoqa tanteasqayta? chaykunatam kunan ruwani qanwan, hinaptinmi murallasqa llaqtakunata tuñichispa purmachimurqanki.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 64:10

Akllakusqayki llaqtaykikunam chunnichkan, Sión llaqtapas chunnirunñam, Jerusalén llaqtapas purmarunñam.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 33:10

Tayta Diosmi kaynata nin: Qamkunam ninkichik, “kay llaqtaqa manaña runayuq manaña animalniyuqmi chunnichkan. Judá nacionpi llaqtakunawan Jerusalén llaqtapa callenkunam mana runayuq, manaña animalniyuq purmachkan, manañam pipas chaypiqa yachanñachu”, nispa.

Jeremías 34:2

Ñoqa Israelpa yupaychasqan Tayta Diospa nisqayta Judá nacionpa reynin Sedequiasman kaynata nimuy: Kay llaqtatam Babilonia nacionpa reyninman qoykusaq, paymi kañaykunqa.

Jeremías 38:23

Llapallan warmikikunatawan churi-kikunatam Caldea runakunaman qoykunqaku. Qampas manam lluptinkichu paykunamantaqa. Babilonia nacionpa reyninmi presocharususpayki kay llaqtatapas kañaykunqa, nispa.

Jeremías 39:8

Caldea tropakunaqa reypa palaciontapas hinaspa llapa runakunapa wasinkunatapas kañaykurqakum, Jerusalén llaqtapa muyuriqninpi perqakunatapas taqmarurqakum.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 44:22

Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Jeremías 50:13

Ñoqa Tayta Dios piñakurusqayraykum manaña runayuq chunninqa, pasaypaq purmachisqam kanqa. Babilonia lawninta pasaqkunam admirakunqaku, purmachisqa kasqanmantam burlakunqaku.

Jeremías 52:13

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa llapallan wasinkunatapas.

Jeremías 52:7

Chaymi llaqtapa perqanta toqoruspanku, Jerusalenpa lliw soldadonkuna tutallan lluptirurqaku. Iskay murallakunapa chawpinpi punkunta lloqsispankum reypa huertankunaman riq ñanninta Arabá qechwaman ayqerqaku.

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Ezequiel 13:22

Mana llakichichkaptiypas qamkunam ichaqa llullakuynikichikwan allin ruwaq runakunata llakichirqanchik, mana allin ruwaqkunatañataqmi aswanraq mana allinkunata ruwanankupaq kallpancharqankichik, chaynapi castigoymanta mana salvakunankupaq.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Miqueas 7:13

Runakunapa huchanmantam kay pachaqa pasaypaqta chunninqa, runakunapa mana allin ruwasqanmantam kay pachaqa pasaypaqta purmanqa.

Zacarías 1:12

Chaymi Tayta Diospa angelnin qaparirqa kaynata: ¡Tukuy Atiyniyuq Tayta Dios, qanchis chunka watañam Jerusalenpaqwan Judá nacionpaq piñakurunki! ¿Hayka unayraqtaq pasanqa paykunata llakipayarinaykipaq? nispa.

Zacarías 7:14

Aswanraqmi sinchi wayra hina mana reqsisqanku nacionkunaman cheqerachirqani, chaynapim nacionninkupas mana pipapas purinan chunniqmanña tikrakururqa. Sumaqllaña naciontam paykuna llakikuypaq chunniqman tikrarurqaku, nispa.

Mateo 22:7

Chayta uyariruspanmi reyqa llum-payta piñakururqa, hinaspam solda-donkunata kamachirqa chay wañu-chiqkunata wañuchimunankupaq chay-nataq llaqtankutapas kañamunanku-paq.