Jeremías 34:20 - CHUYA QELLQA La Biblia en Quechua de Ayacucho 2012

²⁰ Chayraykum paykunataqa enemigonkumanña qoykusaq wañuchisqa kanankupaq. Ayankutapas alton pawaq animalkunawan purun animalkunam mikunqa.

Quechua Ayacucho Bible 1987

²⁰ Chayraykum wañurachiy munaq enemigonkuman qoykusaq. Paykunapa ayantaqa alton pawaq animalkunawan purun animalkunañam mikunqa.

Chuya Qellqa 1992

²⁰ Chayraykum paykunataqa enemigonkumanña qoykusaq wañuchisqa kanankupaq. Ayankutapas alton pawaq animalkunawan purun animalkunam mikunqa.

Jeremías 34:20 Iomraidhean Croise

1~Reyes 14:11

Llaqtapi wañuq aylluykikunapa ayantapas allqokunam mikunqa, campopi wañuqkunatañataqmi ullachkukuna mikunqa. Ñoqa Tayta Diosmi chaynata nini”, nispa.

1~Reyes 16:4

Aylluykikunamanta llaqtapi wañuqkunataqa allqokunam mikunqa, purunpi wañuqkunañataqmi ullachkukuna mikunqa.

Jeremías 11:21

Anatot runakunam wañuchiwayta munaspa niwarqaku: Amañam Tayta Diospa sutinpiqa profetizankichu, mana chayqa wañurachisqaykikum, nispanku.

Jeremías 12:9

Llaqtayqa kuyayllapaq purayuq urpi hinaraqmi, paytaqa aycha mikuq alton pawaq animalkunam atacanku. ¡Purun animalkuna, huñunakamuychik, convidota mikunaykichikpaq hamuychik!

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 21:7

Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Jeremías 22:25

wañuchiy munasuqnikiman qoykunaypaq. Manchakusqayki Babiloniapa reynin Nabucodonosorman hinaspa Caldea runakunamanmi qamtaqa qoykusqayki.

Jeremías 38:16

Chaymi rey Sedequiasqa pakasqallapi juraspan Jeremiasta kaynata nirqa: Kawsachiwaqninchik Tayta Diosraykum jurani: Manam wañuchisqaykichu nitaqmi wañuchiy munasuqniki runakunamanpas qosqaykichu, nispa.

Jeremías 39:6

Ribla llaqtapitaqmi rey Sedequiaspa churinkunatawan Judá nacionpi llapa-llan kamachikuqkunatapas, Sedequias-pa qayllanpi wañuchirqaku.

Jeremías 4:30

Yaw, tuñichisqa llaqta: ¿Imapaqñataq guindo pachawanraq pachakunki? ¿Imapaqñataq qorimanta alhajakunawanraq churakunki? ¿Imapaqñataq ñawikikunatapas yanawanraq pintakunki? Yanqapaqñam allichapakunkipas, kuyaqnikikunapas qepanchakurusunkiñam, wañunaykitañam maskachkanku.

Jeremías 44:30

Judá nacionpa reynin Sedequiasta wañuchinanpaq Babilonia nacionpa reynin Nabucodo-nosorman qoykusqayta hinam, Egipto nacionpa reynin Faraón Hofratapas wañuchinanpaq enemigonman qoykusaq. Ñoqa Tayta Diosmi chaynata nini.

Jeremías 49:37

Ñoqa Tayta Diosmi kaynata nini: Wañuchiy munaq enemigonkupa qayllanpim Elam nacionta katkatatachisaq, chay nacionpa contranpim sasachakuytawan ñakariyta kachamusaq, pasaypaqta tukunaykamam guerrata kacharimusaq.

Jeremías 7:33

Kay runakunapa ayantam alton pawaq animalkunawan purun animalkunaña mikunqaku, manam pipas amachaq kanqachu.

Ezequiel 23:28

Ñoqa Tayta Diosmi kaynata nini: Ñoqam cheqnisqayki hinaspa millakusqayki runakunapa makinman kachaykusqayki.

Ezequiel 29:5

Mayuykipi challwakunatawan kuskatam chunniqman wischurusqayki, pampaman wichiykuptikim mana pipas hoqarisunkichu, nitaqmi pipas pampasunkichu, aswanqa purun animalkunañam mikusunki, alton pawaq animalkunam mikusunki.

Ezequiel 32:4

Allpaman qatatyaspaymi pampapi wischurayachkaqta saqerusqayki, hinaptinmi alton pawaq animalkuna qampa hawaykipi tiyanqaku, purun animalkunam aminankukama aychaykita mikunqaku.

Deuteronomio 28:26

Ullachkukunawan purun animalkuna ayaykichikta mikuptinpas manam pipas manchachinqachu.

1~Samuel 17:44

nirqa: ¡Asuykamuway! Aychaykita alton pawaq animalkunaman chaynataq purun animalkunaman qonaypaq, nispa.

1~Samuel 17:46

Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.