Jeremías 34:18 - CHUYA QELLQA La Biblia en Quechua de Ayacucho 2012

¹⁸ Judá nacionpi chaynataq Jerusalén llaqtapi kamachikuqkunam, palaciopi serviqninkunawan, llapa sacerdotekunawan hinaspa llapallan runakunawan kuska huk contratota qayllaypi ruwarqaku.

Quechua Ayacucho Bible 1987

^18-19 —Juda nacionpi chaynataq Jerusalen llaqtapi kamachikuqkunam palaciopi serviqkunapiwan chaynataq llaqtapi llapallan runakunapiwan ñoqapa qayllaypi contratota rurarqaku. Malta torotapas nakaruspankum iskayman partirurqaku hinaspam chawpinta pasarurqaku ichaqa chay contrato rurasqankutaqa manam cumplirqakuchu.

Chuya Qellqa 1992

¹⁸ Judá nacionpi chaynataq Jerusalén llaqtapi kamachikuqkunam, palaciopi serviqninkunawan, llapa sacerdotekunawan hinaspa llapallan runakunawan kuska huk contratota qayllaypi ruwarqaku.

Jeremías 34:18 Iomraidhean Croise

Génesis 15:10

Chaymi Abramqa chay animalkunata apamuspan chawpimanta iskayman chitqarurqa, hinaspam sapakamata chimpapurata churarqa, palomatawan kullkutam ichaqa mana chitqarqachu.

Génesis 15:8

Abramñataqmi nirqa: Dios Taytalláy, ¿imaynatataq yachasaq kay allpa herenciay kasqanta? nispa.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Oseas 8:1

Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Romanos 2:8

Kikillanpaq munaqkunatawan cheqap kaqkunata mana kasukuspa mana allinllapi puriqkunatam ichaqa piñakuywan castiganqa.

Deuteronomio 17:2

Sichum Señornikichik Tayta Diospa qosusqaykichik hukkaqnin llaqtapi tariruwaqchik qaritapas otaq warmitapas Señornikichik Tayta Diospa mana munasqanta ruwachkaqta, pactontapas qepanchachkaqta,

Josué 23:16

Sichum Señornikichik Tayta Diospa kamachisusqaykichik pactonta mana kasukuspa idolokunataña qonqorakuspa yupaychanaykichikpaq pasakuptikichikqa, Tayta Diosmi contraykichikpi piñakuspan kay qosusqaykichik sumaq allpamanta chaylla chinkarachisunkichik, nispa.

Josué 7:11

Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.