Jeremías 34:16 - CHUYA QELLQA La Biblia en Quechua de Ayacucho 2012

¹⁶ Ichaqa qepaman kutirispam sutiyta yanqacharunkichik, hinaspam libretaña kacharisqaykichik esclavokunata kaqmanta hapimuspa, qariwanpas warmiwanpas kaqmanta servichikuchkankichik.

Quechua Ayacucho Bible 1987

¹⁶ Ichaqa prometewasqaykichikmanta pesakuruspaykichikñataqmi sirvientekichikkunata libretaña kachaykuchkaspapas kaqllamanta kutirachimunkichik servisunaykichikpaq.

Chuya Qellqa 1992

¹⁶ Ichaqa qepaman kutirispam sutiyta yanqacharunkichik, hinaspam libretaña kacharisqaykichik esclavokunata kaqmanta hapimuspa, qariwanpas warmiwanpas kaqmanta servichikuchkankichik.

Jeremías 34:16 Iomraidhean Croise

Éxodo 20:7

Ñoqa Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.

Jeremías 34:11

Ichaqa kachaykusqankupa qepallantam pesakurqaku, hinaspankum kaqllamanta esclavonkupaq hapispanku servichikurqaku.

Ezequiel 13:22

Mana llakichichkaptiypas qamkunam ichaqa llullakuynikichikwan allin ruwaq runakunata llakichirqanchik, mana allin ruwaqkunatañataqmi aswanraq mana allinkunata ruwanankupaq kallpancharqankichik, chaynapi castigoymanta mana salvakunankupaq.

Ezequiel 18:24

Sichum allin ruwaq runa chayna allinkuna ruwasqanmanta karunchakuruspan mana allinkunataña ruwanman otaq chay mana allin ruwaq runapa millakuypaq kaqkuna ruwasqantaña ruwanman hinaspa ¿yaqachu chay runa kawsanqa? Ñoqaqa tukuy ima allinkuna ruwasqantapas manam yuyarisaqchu, qepanchawaspan huchallikusqanraykum wañunqa.

Ezequiel 20:39

Chaynaqa, Israelpa mirayninkuna, ñoqa Tayta Diosmi kaynata nikichik: Mana kasuwayta munaspaykichikqa idoloykichikkunata sapakama yupaychamuychik. Amaña chuya sutiyta sarutyaychikchu ofrendaykichikkunawan hinaspa millakuypaq idoloykichikkunawan.

Ezequiel 3:20

Sichum pipas allinkunata ruwachkaspan qepancharuwanqa hinaspam mana allintaña ruwaptinqa, ñoqam mitkananpaq trampata churarusaq, hinaptinmi wañurunqa. Ichaqa mana rimapayasqaykiraykum huchanpi wañurunqa. Hinaptinqa tukuy allinkuna ruwasqankunatapas manam qawarisaqchu, ichaqa paypa wañusqanmantam qanmanta cuentata mañasqayki.

Ezequiel 39:7

Israel llaqtaypim chuya sutiyta reqsichisaq, manañam saqesaqchu chuya sutiy penqayman churasqa kanantaqa. Chaynapim llapa nacionkunapas Israelpa chuya Diosnin kasqayta yachanqaku.

Levítico 19:12

Sutiypiqa amam yanqaqa jurankichu, chayta ruwaspaqa ñoqa Diosnikipa sutiytam yanqachawaq. Ñoqaqa Tayta Diosmi kani.

Malaquías 1:12

Qamkunam ichaqa piñachiwachkankichik, Tayta Diospa mesanqa millakuypaqmi, millakuypaqtaqmi mikuyninpas, nispaykichik.

Malaquías 1:7

Qamkunaqa altarniypipas millakuypaq mikuykunatam ofrecewankichik, hinas-pam ninkichikraq: “¿Imapitaq piñara-chikiku?” nisparaq. Qamkunaqa piña-chiwankichik altarniyta wischupakus-paykichikmi,

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.