Jeremías 33:9 - CHUYA QELLQA La Biblia en Quechua de Ayacucho 2012

⁹ Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Quechua Ayacucho Bible 1987

⁹ Tukuy allinkuna rurasqaymanta uyariq kay pachapi llapa nacionkunapaqmi kay Jerusalen llaqta kanqa kusichiqniy, alabaqniy hinaspa yupaychaqniy. Kay llaqtapaq tukuy allinkuna rurasqaymantam chay nacionkuna mancharikuspa katkatatanqa.

Chuya Qellqa 1992

⁹ Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Jeremías 33:9 Iomraidhean Croise

2~Crónicas 20:29

Israel nacionpa enemigonkunapa contranpi Tayta Dios peleasqanta uyariruspankum, llapa nacionpi reykunapas Tayta Diosta manchakururqaku.

Nehemías 6:16

Llapa enemigoykuwan muyuriqniykupi kaq nacionkunapas, chay ruwasqaykuta yacharuspankum llumpayta mancharikurqaku, penqakuymantam uchuychakuspanku Diosniykupa yanapakuyninwan qespichisqa kasqanta chayraq yuyayta hapirqaku.

Ester 8:17

Reypa kamachikusqan decreto chayasqan provinciakunapiwan llaqtakunapim, llapa judiokuna anchallataña kusikuspanku convidokunata hinaspa fiestakunata ruwarqaku. Huklaw llaqtayuq runakunapas judiokunata manchakusqankuraykum judío kaymanña tikrakurqaku.

Isaías 43:21

Kay llaqtataqa kikiypaqmi unancharqani, chaynapi hatunchasqa kasqayta willakunankupaq.

Isaías 55:13

Kichkakunapa rantinpim ciprés sachakunaña wiñanqa, itanakunapa rantinpim arrayankunaña wiñanqa, chaykunawanmi Tayta Diosqa ancha reqsisqa kanqa, wiñaypaq mana tukuq señal hinam chaykunaqa kanqa.

Isaías 60:5

Paykunata qawaykuspam uyaykipas kancharinqa, sonqoykimanpas kusikuymi huntaykunqa; llapa nacionkunapa kapuqninkunatam qanman apamunqaku, lamar qochapa patanpi llaqtakunapa qori-qollqentam qosunki.

Isaías 62:1

Sión llaqtata kuyasqayraykum mana upallasaqchu, Jerusalenta kuyasqayraykum mana samaykusaqchu, tutapay inti hina allin ruwaykuna kancharinankama, ratachkaq mechero hina salvasqa kayniki achkrinankama.

Isaías 62:12

Israeltam sutichanqaku: “Tayta Diospa librasqan chuya llaqta” nispanku. Jerusalentañataqmi sutichanqaku: “Sumaq waqaychasqa munayllapaqña llaqta”, nispanku.

Isaías 62:4

Manañam pipas “Saqerusqa llaqta” nispa sutichasunkiñachu, allpaykitapas manam “Purmachisqa allpa” ninqakuñachu. Aswanqa “Diospa kuyasqan” nispam sutichasunki, “Diospa esposan” nispam sutichasunki. Chaynataqa sutichasunki Tayta Diospa kuyakuynin qanwan kasqanraykum, allpaykipaqpas paymi qosan hina kanqa.

Isaías 62:7

Jerusalén llaqtata hatarichinankamayá Tayta Diostaqa ama samaykachiychikchu; Jerusalén llaqta tukuy kay pachapi alabasqa kanankamayá ama saqeychikchu”, nispa.

Isaías 64:2

amalaya kichkakunata ruparuq nina hinaraq, yakuta timpuchiq nina hinaraq, hinaptinqa enemigoykikunachá sutikita reqsinmanku, nacionkunapas qayllaykipichá katkatatanmanku.

Jeremías 13:11

Imaynam huk runa chumpita weqawninman watakurun, chaynatam Israel runakunatawan Judá runakunatapas ñoqaman watasqata hatallirqani, chaynapi runaykunaña kaspanku wakin runakunaman sutiyta reqsichinankupaq, yupaychawaspanku hatunchawanankupaq. Ichaqa manam kasuwarqakuchu. Ñoqa Tayta Diosmi chaynata nini.

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 24:6

Paykunataqa waqaychaspaymi kay allpaman kutichimusaq. Kaypi hatarichispaymi manaña tuñichisaqñachu. Plantaruspaymi manaña sapinmantaqa chutasaqñachu.

Jeremías 26:6

Silo llaqtapi ruwasqayta hinam kay templotapas purmarachisaq. Kay Jerusalén llaqtatapas llapallan nacionkuna qawananpaqmi ñakasaq, nispa.

Jeremías 29:1

Jerusalén llaqtamantam profeta Jeremías cartarqa preso apasqa ancianokunaman, sacerdotekunaman, profetakunaman hinaspa wakin runakunamanpas.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 3:19

Ñoqam tapukurqani: ¿Imaynataq churiypaq hapikichikman hinaspa kay pachapi aswan allinnin allpataraq qoykichikman? nispay. Ñoqam piensarqani, Taytalláy niwaspaykichik mana haykapipas ñoqamanta rakikunaykichikta.

Jeremías 31:14

Sacerdotekunamanmi allinnin mikuykunata qosaq, llaqtaymi allinkuna qosqaywan saksasqa kanqa. Ñoqa Tayta Diosmi chaynata nini.

Jeremías 31:4

Israelpa mirayninkuna, kaqmantam hatarichisqaykichik; sipasta hina pacharachiptiymi panderetaykichikta hapispa kusikuymanta tusuq lloqsinkichik.

Jeremías 32:42

Ñoqa Tayta Diosmi kaynata nini: Imaynam kay runakunaman hatun sasachakuykunata kachamurqani, chaynam rimarisqayman hina paykunapaq tukuy allin kaqkunata ruwasaq.

Jeremías 33:14

Ñoqa Tayta Diosmi kaynata nini: Hamuchkanmi punchaw, Israel naciontawan Judá nacionta bendecinaypaq prometesqaykunata cumplinaypaq.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Jeremías 49:25

Ancha reqsisqa llaqtam, kusikuypa kanan llaqtam, manaña runayuq qeparun.

Ezequiel 26:20

Chaynapim wañusqakunapa kananman wischuykusqayki, ñawpaq tiempopi runakunapa yachananmanmi wischuykusqayki. Allpapa sonqonmanraqmi qamtaqa wischuykusqayki, mana imapa kananman wischuykuptiymi wañusqakunawan kuska yachanki. Runaykikunapas manañam kanqachu, kay pachapiqa manañam pipas musoqmantaqa hatarichisunkiñachu.

Ezequiel 36:35

Hinaptinmi ninqaku: “Kay purmas-qa chakraqa Edén lawpi huerta hina-raqmi rikurirun; tuñichisqa, purmachisqa hinaspa chunnichisqa llaqtakunapas kunanqa murallasqa hinaspa runakunapa yachasqan llaqtakunañam kachkan”, nispanku.

Ezequiel 39:13

Llapallan runakunam pampanqaku, chay punchawqa yuyarinanku punchawmi kanqa; chay punchawmi atiyniyuq kasqayta qawachikusaq. Ñoqa Tayta Diosmi chaynata nini.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Zacarías 1:17

Chay angelqa kamachiwarqataqmi kaytapas: Tukuy Atiyniyuq Tayta Diosmi kaynata nin: “Llaqtaykunatam huktawan allin kaqkunawan llimparichisaq. Kikiypunim Sión llaqtata consuelaykusaq, hinaspaymi Jerusalentapas kaqllamanta llaqtaypaqña akllakuykusaq”, nispa.

Zacarías 12:2

Ñoqam Jerusalenta muyuriqninpi nacionkunapaq sinkachikuq vasota hina churani. Chay llaqtakunam Jerusalenta muyuriruspanku, Judapa wakin llaq-tankunatapas atacanqaku.

Deuteronomio 30:5

Ñawpaq taytaykichikpa allpanmanmi Señornikichik Tayta Dios kutichimusunkichik, hinaptinmi huktawan qamkunapaq kanqa. Bendecisuspaykichikmi ñawpaq taytaykichikkunamantapas aswantaraq mirachisunkichik.