Jeremías 33:8 - CHUYA QELLQA La Biblia en Quechua de Ayacucho 2012

⁸ Ñoqapa contraypi huchallikusqankutam chuyanchasaq, mana kasuwaspanku huchakuna ruwasqankutam pampachasaq.

Quechua Ayacucho Bible 1987

⁸ Ñoqapa contraypi huchallikusqankutam chuyanchasaq. Mana kasuwaspanku tukuy huchallikusqankumantam pampachasaq.

Chuya Qellqa 1992

⁸ Ñoqapa contraypi huchallikusqankutam chuyanchasaq, mana kasuwaspanku huchakuna ruwasqankutam pampachasaq.

Jeremías 33:8 Iomraidhean Croise

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 56:7

paykunatam sapaqchasqay orqoman pusasaq, mañakuwananku wasiypim samachisaq; lliw kañana sacrificiotawan ofrendakuna ofrecewasqankutapas chaskisaqmi. Temployqa “llapallan llaqtakunapa mañakunan wasiwan” sutichasqam kanqa.

Jeremías 31:34

Ñoqa Tayta Diosmi kaynata nini: Ñoqata reqsiwanankupaqqa, ayllupurapas, reqsinakuqpurapas, manañam yachachinakunqakuñachu; aswanqa llapallankuñam warmakunapas chaynataq yuyayniyuqkunapas reqsiwanqaku. Mana allinkuna ruwasqankuta pampachaspaymi huchankutapas manaña mastaqa yuyarisaqñachu, nispa.

Jeremías 50:20

Ñoqa Tayta Diosmi kaynata nini: Chay punchawkunapiqa, Israel nacionpa mana allin ruwasqankuta maskaspankupas manam tarinqakuñachu, Judá nacionpa huchankunata maskaspankupas manam tarinqakuñachu. Puchuchisqay runakunapa huchantam ñoqa pampachasaq, nispa.

Lamentaciones 4:22

Sión llaqta, castigasqa kaynikiqa tukurunñam, Tayta Diosqa manañam presota apachisunkiñachu. Edom nacionpi kaqkuna, Tayta Diosmi huchaykichikmanta castigasunkichik, huchaykichiktam lliwman qawachinqa.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Ezequiel 36:33

Ñoqa Tayta Diosmi kaynata nini: Mana allin ruwasqaykichikkunamanta chuyancharuspaymi yachanaykichik llaqtakunapi huktawan kawsachisqaykichik, purmasqa raqaykunapas huktawan hatarichisqam kanqa.

Joel 3:21

Ñoqa Tayta Diosmi manaraq mayllasqaykunapa yawarninta mayllaykusaq, hinaspaymi Sión moqopi yachakusaq.

Levítico 16:30

Chay punchawpim ñoqa Tayta Dios tukuy huchaykichikta pampachasaq, chaynapim chuyanchasqaña kankichik.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.