Jeremías 33:24 - CHUYA QELLQA La Biblia en Quechua de Ayacucho 2012

²⁴ ¿Manachu uyarirqanki huklaw nacionpi kaqkunapa rimasqanta? Paykunam nichkanku: “Tayta Diosmi akllasqan iskaynin ayllukunata cheqnipakurun”, nispanku. Chayraykum llaqtayta mana kaqpaq hina hapispanku manaña nacionta hinañachu qawanku.

Quechua Ayacucho Bible 1987

²⁴ —¿Manachum uyarirqanki huklaw nacionpi kaqkunapa rimasqanta? Paykunam nichkanku: “Tayta Diosqa akllasqan iskaynin castakunatam cheqnipakurun” nispa. Chayraykumá runaykunataqa despreciaspanku nacion kasqanpaqpas manaña qawarinkuchu.

Chuya Qellqa 1992

²⁴ ¿Manachu uyarirqanki huklaw nacionpi kaqkunapa rimasqanta? Paykunam nichkanku: “Tayta Diosmi akllasqan iskaynin ayllukunata cheqnipakurun”, nispanku. Chayraykum llaqtayta mana kaqpaq hina hapispanku manaña nacionta hinañachu qawanku.

Jeremías 33:24 Iomraidhean Croise

Isaías 11:13

Efraín castapa envidiakuq kayninpas chinkarunqañam, Judá nacionta cheqniqkunapas tukurunqañam. Efraín castapas manañam Judá castata envidiakunqañachu. Judá castapas manañam Efraín castata ñakarichinqañachu.

Isaías 7:17

Tayta Diosmi hatun sasachakuyta kachamunqa, qampaq, llaqtaykipaq chaynataq aylluykikunapaqpas. Judá nacionmanta Israel nacionpa rakikusqan punchawmantapas manam kayna sasachakuyqa karqachu. (Asiria nacionpa reyninmantam kaypiqa rimachkan)

Jeremías 3:7

Ñoqam piensarqani: “Tukuy chaykunata ruwachkaspanpas kutirikamuwanqachiki”, nispay. Ichaqa manam kutirikamuwarqachu. Chay ruwasqankunatam mana kasukuq ñañan Judapas rikurqa.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Jeremías 30:17

Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Jeremías 31:36

Sichum hukkaqnin punchaw kay kamachikuyniykuna chinkarunqa, hinaptinqa Israelpa mirayninkunapas manañam llaqtayñachu kanqa.

Jeremías 31:37

Sichum cielokunata tupuruptinkuqa, kay pachatapas cimientonkama hayparuptinkuqa, chay punchawmi Israelpa mirayninkunatapas tukuy ima ruwasqankumanta qepanchakurusaq. Ñoqa Tayta Diosmi chaynata nini.

Jeremías 33:23

Jeremiastam Tayta Dios kaynata nirqa:

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Lamentaciones 4:15

Paykunatam runakuna nirqaku: “¡Kaymanta anchuychik, qamkunaqa millay runakunam kankichik, ama llapchawaykuchu! ¡Manam ñoqaykuwanqa yachawaqchikchu!” nispanku.

Ezequiel 25:3

Ñoqa Tayta Diospa nisqayta kaynata niy: Qamkunam temployta millakuypaqta ruwaptinku, Israel nacionta tuñichiptinku, Judá nacionpi kaqkuna preso apasqa kaptinku, kusikuymanta qaparispa: “Allinta ruwachun” nirqankichik.

Ezequiel 26:2

Runapa churin, Tiro llaqtapi yachaq-kunam Jerusalén llaqtapa contranpi kaynata nirqaku: “Allinta ruwachun, nacionkunapa negocio ruwananku punkum ñutupasqaña kachkan, kunanqa ñoqanchikmanñam tuparuwanchik, pay tuñichisqa kanankamam ñoqanchikñataq qori-qollqeta huñukuspa kapuqniyuq kasunchik”, nispanku.

Ezequiel 36:2

Israel nacionpa enemigonkunam kaynata ninku: “Wiñaypaq kaq orqokunaqa ñoqanchikpañam”, nispanku.

Ezequiel 36:20

Maylaw nacionmanña rispapas ñoqapa chuya sutiytam penqayman churarqaku. Runakunam kaynata niqku: “Kay runakunaqa Tayta Diospa runankuna kachkaspapas nacionninkumantam lloqsiramunku”, nispanku.

Ezequiel 37:11

Chaymantam Tayta Dios niwarqa: Runapa churin, kay tullukunaqa Israelpa llapallan mirayninkunam. Paykunam nichkanku: “Tullunchikkunaqa chakisqam kachkan, manañam ima ruwaytapas atichwanñachu, pasaypaq chinkasqam kachkanchik”, nispanku.

Ezequiel 37:22

Kay allpapim, Israel law orqokunapim, paykunataqa huk nacionllataña ruwasaq, huk reyniyuqllañam kanqaku, manañam haykapipas iskayman rakinasqaqa kanqakuñachu.