Jeremías 33:17 - CHUYA QELLQA La Biblia en Quechua de Ayacucho 2012

¹⁷ Ñoqa Tayta Diosmi kaynata nini: Davidpa mirayninmanta Israelpi munaychakuqqa manam tukunqachu.

Quechua Ayacucho Bible 1987

¹⁷ —Ñoqa Tayta Diosmi nini: Davidpa mirayninmanta Israel casta runakunapi gobiernaqqa manam faltanqachu.

Chuya Qellqa 1992

¹⁷ Ñoqa Tayta Diosmi kaynata nini: Davidpa mirayninmanta Israelpi munaychakuqqa manam tukunqachu.

Jeremías 33:17 Iomraidhean Croise

2~Samuel 3:29

Joabqa lliw mirayninkunapiwanyá kay huchamanta castigasqa kachunku, ayllunpi ama faltachunchu yawarpakuywan ñakariq, lepra onqoywan ñakariq, wistukunapas, guerrapi wañuqkunapas, mikuymanta muchuqkunapas, nispa.

2~Samuel 7:12

Machuyaruspa ñawpaq taytaykikuna hina wañukuptikim, qanmanta miramuqta kamachikunanpaq churasaq, hinaspam munaychakuyninta takyachisaq.

2~Samuel 7:13

Paymi wasiytaqa ruwapuwanqa, ñoqañataqmi munaychakuyninta wiñaypaq takyachisaq.

1~Reyes 2:4

Tayta Diosmi prometewasqanta cumplinqa, paymi kaynata niwarqa: “Sichum miraynikikuna ñoqamanta mana rakikuspa nisqaykunata tukuy sonqonwan hinaspa tukuy almanwan kasukuspa kawsaptinkuqa, manam faltanqachu qampa miraynikikunamanta Israel nacionpi munaychakuq”, nispa.

1~Reyes 8:25

Chaynaqa, Israelpa yupaychasqan Dios Taytalláy, kunanyá cumpliy serviqniki taytay Davidman prometesqaykita, qanmi payta nirqanki: “Ñoqapa ñawpaqniypiqa mana tukuytam qampa miraynikimanta Israel nacionpi munaychakuq kanqa, ichaqa churikikunayá munasqayman hina kawsachun, qampa kawsasqaykiman hinayá paykunapas kawsachunku”, nispa.

2~Reyes 11:2

Rey Jorampa warmi churin Josabam ichaqa rey Ocoziaspa panin kasqanrayku, Ocoziaspa churinkunata wañuchichkaptinku sobrinon Joasta ayqerachispan uywaqnin warmitawan kuskata puñunan cuartopi pakarurqa Atalía mana tarinanpaq. Chaynapim mana wañuchirqachu.

1~Crónicas 17:27

Kunanmi kay serviqnikipa mirayninta munasqaykiman hina bendeciykunki, chaynapi wiñaypaqña takyananpaq. Diosnilláy, qanmi paykunata bendeciykunki, chaynaqa wiñaypaq bendecisqam kanqaku, nispa.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 17:25

Chaynata ruwaptikichikqa, rey Davidpa mirayninmanta kamachikuqkunam carretakunapi chaynataq caballokunapi sillada kay llaqtapa punkunta yaykunqaku. Paykunaqa yaykunqa Judá nacionpa kamachiqninkunawan, Judá nacionpi yachaqkunawan hinaspa Jerusalenpi yachaqkunawan kuskam. Kay llaqtapiqa runakunam wiñaypaq yachanqaku.

Jeremías 35:19

Recabpa churin Jonadabpa mirayninmantaqa kanqapuni ñoqata serviwaqniykunaqa. Ñoqa Tukuy Atiyniyuq Tayta Diosmi chaynata nini.