Jeremías 33:12 - CHUYA QELLQA La Biblia en Quechua de Ayacucho 2012

¹² Ñoqa Tukuy Atiyniyuq Tayta Diosmi kaynata nini: Kay manaña runayuq chaynataq manaña animalkunapapas kanan chunniqpim hinaspa llapallan llaqtakunapim kaqllamanta pastokunata wiñachisaq, hinaptinmi michiqkuna animalninkuta chaypi michinqaku.

Quechua Ayacucho Bible 1987

¹² —Llapallan Kamachiq ñoqa Tayta Diosmi nini: Mana runayoq hinaspa mana animalniyoq kay chunniq sitiopim chaynataq llapallan llaqtakunapim kaqllamanta pastokuna kanqa hinaptinmi michiqkunapas animalninkuta chaypi samachinqaku.

Chuya Qellqa 1992

¹² Ñoqa Tukuy Atiyniyuq Tayta Diosmi kaynata nini: Kay manaña runayuq chaynataq manaña animalkunapapas kanan chunniqpim hinaspa llapallan llaqtakunapim kaqllamanta pastokunata wiñachisaq, hinaptinmi michiqkuna animalninkuta chaypi michinqaku.

Jeremías 33:12 Iomraidhean Croise

Cantares 1:7

Ancha kuyakusqalláy, willaykullaway: ¿Maypitaq michinki ovejaykikunata? ¿Maypitaq chawpi punchawta samanki? ¿Imanasqataq michiqmasikikunapa ovejankunapa chawpinpi yanqa purisaq?

Isaías 65:10

Sarón pampapas ovejakunapa huntasqanñam kanqa, Acor qechwapas uywakunapa mikunanñam kanqa, maskaqniy runakunapaqmi chayna kanqa.

Jeremías 17:26

Runakunam Judá nacionpi llaqtakunamanta, Jerusalén llaqtapa muyuriqninmanta, Benjamín lawmanta, qechwa lawkunamanta, orqo lawkunamanta hinaspa Neguev lawmanta hamunqaku; hinaspam animalkunata lliw kañana sacrificiopaqwan wakin sacrificiokunapaq apamunqaku; apamunqakutaqmi kawsaykunamanta ofrendatawan inciensotapas chaynataq Tayta Diosman graciasta qonapaq ofrendakunatapas.

Jeremías 31:12

Sión moqomanmi kusikuymanta qaparistin hamunqaku, Tayta Diosmi bendecinqa trigowan, vinowan, aceitewan, ovejankuwan hinaspa vacakunawan; chaymi llumpayta kusikunqaku. Paykunaqa parqosqa huerta hinañam kanqaku, manañam ima sasachakuytapas reqsinqakuñachu.

Jeremías 31:24

Judá runakunapas, llaqtankunapi yachaqkunapas, chakra llamkaqkunapas hinaspa uywa michiqkunapas chaypim yachanqaku.

Jeremías 32:15

Israelpa yupaychasqan Tukuy Atiyniyuq Tayta Diosmi kaynata nin: Kay nacionpiqa yapatawanmi wasikunata, chakrakunata chaynataq uvas huertakunatapas rantinqaku, nispa.

Jeremías 36:29

Ñoqa Tayta Diospa nisqaytam rey Joacinman kaynata ninki: Qanmi chay rollota kañaspayki, Jeremiasta qaqcharqanki, “cheqaptapunim Babilonia nacionpa reynin hamuspan kay nacionta tukunqa manaña runayuq nitaq animalniyuq kanankama”, nisqanmanta.

Jeremías 50:6

Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Jeremías 51:62

hinaspam ninki: “Dios Taytalláy, kay nacionta manaña runayuq manaña animalniyuq kanankama chinkachinaykipaqmi rimarqanki, chaynapi wiñaypaq chunniptin manaña pipas chayninta pasanankupaq”, nispayki.

Ezequiel 36:35

Hinaptinmi ninqaku: “Kay purmas-qa chakraqa Edén lawpi huerta hina-raqmi rikurirun; tuñichisqa, purmachisqa hinaspa chunnichisqa llaqtakunapas kunanqa murallasqa hinaspa runakunapa yachasqan llaqtakunañam kachkan”, nispanku.

Hageo 1:4

¿Suma-sumaq wasikichikpi yachakunaykichik tiempochum karqa, chaychum temployñataq purmachkan? nispa.