Jeremías 33:11 - CHUYA QELLQA La Biblia en Quechua de Ayacucho 2012

¹¹ Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Chuya Qellqa 1992

¹¹ Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa, kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Jeremías 33:11 Iomraidhean Croise

1~Crónicas 16:34

Allin kasqanraykuyá Tayta Diosman graciasta qoychik, kuyapayakuyninqa wiña-wiñaypaqmi.

1~Crónicas 16:8

Tayta Diosta yupaychaychik, sutinta hatunchaychik, ruwasqankunata llaqtakunaman reqsichiychik.

2~Crónicas 20:21

Runakunawan tanteanakuyta tukuruspanmi, takiqkunata churarqa chuya pachawan pachasqatakama, paykunam tropakunapa ñawpaqninta rispa Tayta Diosta yupaychaspanku kaynata nirqaku: “Tayta Diostayá hatunchaychik, kuyapayakuyninqa wiña-wiñaypaqmi”, nispanku.

2~Crónicas 29:31

Chaymantam llapa runakunata rey Ezequías nirqa: Kunanqa Diospaq sapaqchasqañam kachkankichik, chaynaqa Tayta Diosman asuykuspaykichik templonpi ofreceychik sacrificiokunatawan graciasta qonaykichik ofrendakunata, nispa. Hinaptinmi apamuspanku ofrecerqaku sacrificiokunata, graciasta qonanku ofrendakunata, tukuy sonqonkuwantaqmi lliw kañana sacrificiotapas apamurqaku.

2~Crónicas 5:13

Trompetakunata tocaspankum llapallanku huklla takispanku Tayta Diosta hatunchaspa graciasta qorqaku. Trompetakunata, platillokunata hinaspa huk rikchaq tocanakunata tocaspankum kaynata takirqaku: “Kuyakuq kasqanraykuyá Tayta Diosta yupaychaychik, kuyakuyninqa wiña-wiñaypaqmi”, nispanku. Hinaptinmi Tayta Diospa templonman puyu huntaykurqa.

2~Crónicas 7:3

Israelpa mirayninkunañataqmi nina wichiykamusqanta hinaspa Tayta Diospa kanchariynin temploman huntaykusqanta qawaykuspanku, uyankuta pampakama kumuykachispa Tayta Diosta kaynata yupaycharqaku: “Tayta Diosqa ancha kuyakuqmi, kuyakuyninpas wiña-wiñaypaqmi”, nispanku.

Esdras 6:22

Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Nehemías 12:43

Chay punchawpim achkallaña ofrendakunata ofrecespanku kusikurqaku, Tayta Dios kusichisqanrayku sinchillataña kusikurqaku. Warmikunawan wawakunapas ancha kusisqam karqaku, chaymi Jerusalenpi kusikuyqa karukamaraq uyarikurqa.

Nehemías 8:12

Chaynapim llapa runakunaqa Tayta Diospa kamachikuyninkunata sumaqta yachaykuspanku, kusisqa ripukurqaku mikuspa tomaspa mana mikunayuqkunamanpas mikuyta haywanankupaq.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 51:11

Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 52:8

Uyariychik, llaqta waqaychaqkunam qaparichkanku, kusikuymantam chulla runa hinalla qaparichkanku, Sión llaqtaman Tayta Diospa kutimusqanta kikinkupuni qawaspankum qaparichkanku.

Isaías 52:9

Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Jeremías 16:9

Ñoqa Israelpa yupaychasqan Tukuy Atiyniyuq Tayta Diosmi kaynata nini: Kay llaqtapim takiyninkuta, kusikuyninkuta, casarakuy fiestapi takinkuta qayllankumanta qollurachisaq. Chaykuna ruwasqaytaqa ñawikichikwanmi rikunkichik.

Jeremías 17:26

Runakunam Judá nacionpi llaqtakunamanta, Jerusalén llaqtapa muyuriqninmanta, Benjamín lawmanta, qechwa lawkunamanta, orqo lawkunamanta hinaspa Neguev lawmanta hamunqaku; hinaspam animalkunata lliw kañana sacrificiopaqwan wakin sacrificiokunapaq apamunqaku; apamunqakutaqmi kawsaykunamanta ofrendatawan inciensotapas chaynataq Tayta Diosman graciasta qonapaq ofrendakunatapas.

Jeremías 25:10

Kusikuspanku fiestakunapi chaynataq casarakuykunapi takiyninkutapas qollurachisaqmi. Maraypa kunrunyayninpas, mecheropa achkiyninpas manañam kanqañachu.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 30:19

Chaypi yachaqkunam graciasta qowanqaku, takispankum kusikuymanta qaparinqaku. Mirachiptiymi paykunaqa achkallaña kanqaku, ancha reqsisqata ruwaptiymi manaña pipas uchuychasunkichikñachu.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 32:44

Chakrakunata qollqewan rantispaykichikmi escrituratapas sellachispa testigokunawan firmachinkichik. Chay-natam ruwankichik Benjamín allpapi, Jerusalén llaqtapa muyuriqninkunapi, Judá nacionpi kaq llaqtakunapi, orqokunapi kaq llaqtakunapi, pampakunapi kaq llaqtakunapi chaynataq Neguev law llaqtakunapipas. Chaynaqa, kanqa Babiloniaman preso apasqakunata kutichimuptiymi. Ñoqa tayta Diosmi chaynata nini.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Jeremías 33:7

Judá runakunatawan Israel runakunata preso risqankumanta kutichimuptiymi, ñawpaq tiempokunapi hinaraq kaqllamanta hatarichisqa kanqaku,

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Amós 9:14

Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku.

Jonás 2:9

Ñoqam ichaqa qanman graciasta qospay sacrificiokunata qosqayki, prometekusqaytaqa ruwasaqpunim. Dios Taytalláy, qamllam salvakuqqa kanki, nispa.

Nahúm 1:7

Tayta Diosqa kuyapayakuqmi, sasachakuy punchawpipas waqaychakuqmi, payman hapipakuqtaqa pakaykunmi.

Sofonías 3:14

Sión llaqtapi yachaqkuna, kusikuymanta takiychik, Israel nacionniyuq runakuna, kusikuymanta qapariychik, Jerusalén llaqtapi yachaqkuna, tukuy sonqomanta kusikuychik.

Zacarías 10:7

Efrainpas allinnin qari-qari soldado hinam kanqa, vino upyaqpa hinam sonqonpas kusikunqa, wawa-churinkupas rikuspam kusikunqaku, sonqonpas Tayta Diospim kusikunqa.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Zacarías 9:17

¡Mayna allinraq kanqa! ¡Mayna sumaqraq kanqa! Trigopas jovenkunatam kusichinqa, vinoñataqmi sipaskunata kusichinqa.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Hebreos 13:15

Chaynaqa, kañasqa ofrendata hinayá takikunata Jesucristontakama Diosman tukuy tiempo ofrecesunchik, chayku-naqa kanan sutinmanta siminchik-pa yupaychayninkunam.

Apocalipsis 18:23

Mecheropas manañam achkinqañachu, casarakuykunapi kusikuypas manañam kanqañachu, chaypi negociantekunam kay pachapi munayniyuq karqaku, layqaspam llapallan nacionkunata engañarqaku.