Jeremías 32:5 - CHUYA QELLQA La Biblia en Quechua de Ayacucho 2012

⁵ Paymi rey Sedequiasta Babilonia nacionman apanqa, chaypim kamunqa paymanta yuyarinaykama. Caldea runakunawan peleaspapas manapunim vencenkichikchu. Ñoqa Tayta Diosmi chaynata nini.

Quechua Ayacucho Bible 1987

⁵ Paymi Rey Sedequiasta Babilonia llaqtaman pusachinqa paymanta yuyarispay favorecenaykama. Ñoqa Tayta Diosmi nini: Caldea runakunawan peleaspapas manapunim vencenkichikchu” nispa.

Chuya Qellqa 1992

⁵ Paymi rey Sedequiasta Babilonia nacionman apanqa, chaypim kamunqa paymanta yuyarinaykama. Caldea runakunawan peleaspapas manapunim vencenkichikchu. Ñoqa Tayta Diosmi chaynata nini.

Jeremías 32:5 Iomraidhean Croise

2~Crónicas 13:12

Chaynaqa, yachaychikyá, Diosniykuqa kamachiqniyku hinam ñoqaykuwan kachkan, trompeta tocaq sacerdotekunapas ñoqaykuwantaqmi kachkan qamkunapa contraykichikpi tocanankupaq. Chaynaqa, Israelpa mirayninkuna, ñawpaq taytaykichikpa Diosninpa contranpiqa amayá peleaychikchu, manam imaynata ruwaspapas venceyta atiwaqchikchu, nispa.

2~Crónicas 24:20

Hinaptinmi sacerdote Joiadapa churin Zacariasman Tayta Diospa Espiritun huntaykurqa, chaymi altoniqman qespiruspan llapa runakunata nirqa: Tayta Diosmi kaynata nin: ¿Imanasqataq ñoqa Tayta Diospa kamachisqaykunata mana kasukunkichikchu? ¿Imanasqataq sasachakuynikichikta maskankichik? Chayraykum mana allinkuna hamusunkichik. Saqewasqaykichikraykum ñoqapas qamkunata saqerusqaykichik, nispa.

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Jeremías 2:37

Egiptomantaqa penqakuymantam umaykita hapikuykuspa lloqsimunki, hapipakusqayki runakunataqa ñoqa Tayta Diosmi qepanchakuruni, paykunaqa manam yanapasunkimanchu.

Jeremías 27:22

Chaykunataqa Babilonia nacionmanmi apanqaku, chaypim kamunqa ñoqa munaptiy kay sitioman kutichimunankukama, nispa.

Jeremías 32:24

Caldea runakunam kay llaqtaman yaykumunankupaq perqapa qepanman allpata montoramunku; chaymi guerrawan, yarqaywan hinaspa peste onqoywan, kay llaqtata enemigonkunapa makinman qosqa kanqa. Dios Taytalláy, qawasqaykipi hinapas, nisqaykiman hinam cumplikuchkan.

Jeremías 32:6

Jeremiasmi nirqa: Tayta Diosmi kaynata niwarqa:

Jeremías 33:5

Caldea runakunam kay llaqtata atacamunankupaq murallapa qepanpi allpata montonqaku, chaymi paykunawan peleanankupaq lloqsispanku lliw wañuchisqa kanqaku. Ñoqam hatun piñakuyniypi paykunata wañuchisaq, mana allinkuna ruwasqankumantam kay llaqtata manaña yanapasaqchu.

Jeremías 37:10

Caldea tropakunataña venceruptikichikpas, paykunamanta herido puchuqkunam carpankumanta sapakama hatarimuspanku kay llaqtata kañaykunqaku, nispa.

Jeremías 39:4

Judá nacionpa reynin Sedequiaswan soldadonkunañataqmi enemigonkuta rikuykuspanku llaqtamanta lluptikur-qaku. Tutallanmi reypa huertankuna-man riq ñannintakama iskay murallakunapa chawpinpi kaq punkunta lloqsiruspanku, Jordán qechwaman riq ñanninta ayqekurqaku.

Jeremías 39:5

Ichaqa Caldea tropakunam qatispanku Jericó llaqtapa hichpan pampapi hayparurqaku, hinaspam presocharuspanku Hamat lawpi Ribla llaqtaman, rey Nabucodonosorpa kasqanman pusarqaku. Hinaptinmi Sedequiasta juzgaspan sentenciarqa.

Jeremías 39:7

Sede-quiastañataqmi ñawinkunata hurqorachispan bronce cadenakunawan watasqata Babilonia nacionman aparqa.

Lamentaciones 1:14

Diosmi huchaykunata yugota hina wataruwarqa, matankayman yugota wataruwaptinmi kallpay tukurun; enemigoykunaman Tayta Dios qoykuwaptinmi manaña hatariytapas atiniñachu.

Ezequiel 12:12

Paykunapa kamachiqninkupas tukuy imankunata sawakuykuspanmi perqapi ruwasqanku uchkunta tutaykuqta lloqsinqa. Payqa muyuriqninpi kaqkuna mana qawananpaqmi chaynataq llaqtatapas mana qawananpaqmi uyan tapasqa lloqsinqa.

Ezequiel 12:13

Ñoqañataqmi hawanman mallayta wischuykuspay payta hapirusaq, hinaspaymi Caldea runakunapa yachanan Babilonia nacionman apachisaq, ichaqa manam chay nacionta rikunqachu, hinaspam chaypi wañumunqa.

Ezequiel 17:15

Ichaqa chay contrato ruwasqankuta mana kasukuspanmi, Egipto nacionman runankunata kamachirqa, chaynapi caballokunata, achkallaña tropakunata mañamunankupaq. ¿Yaqachum qamkuna creenkichik chayna ruwaq allin lloqsiruspa kawsachkaqraq ayqerunanta? ¿Creenkichikchu contrato ruwasqanta mana kasukuchkaspa kawsarunanta?

Números 14:41

Hinaptinmi Moisés nirqa: ¿Imanasqataq Tayta Diospa nisqanta mana kasukurqankichikchu? Chaynaqa, kay ruwasqaykichikpas manam allinchu kanqa.