Jeremías 32:41 - CHUYA QELLQA La Biblia en Quechua de Ayacucho 2012

⁴¹ Paykunata bendecispaymi paykunawan kusikusaq. Cheqaptapunipas tukuy sonqoywan hinaspa kuyakuyniywanmi kay allpapi kawsachisaq.

Quechua Ayacucho Bible 1987

⁴¹ Paykunata favorecespaymi paykunamanta kusikusaq. Cheqaptapunipas tukuy sonqoywan munaspaymi plantachkaq hina kay allpapi kawsachisaq.

Chuya Qellqa 1992

⁴¹ Paykunata bendecispaymi paykunawan kusikusaq. Cheqaptapunipas tukuy sonqoywan hinaspa kuyakuyniywanmi kay allpapi kawsachisaq.

Jeremías 32:41 Iomraidhean Croise

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 62:4

Manañam pipas “Saqerusqa llaqta” nispa sutichasunkiñachu, allpaykitapas manam “Purmachisqa allpa” ninqakuñachu. Aswanqa “Diospa kuyasqan” nispam sutichasunki, “Diospa esposan” nispam sutichasunki. Chaynataqa sutichasunki Tayta Diospa kuyakuynin qanwan kasqanraykum, allpaykipaqpas paymi qosan hina kanqa.

Isaías 62:5

Imaynam huk joven huk sipasta casaran chaynam qamtapas Dios casarasunki; imaynam huk esposo esposanwan kusikun chaynam Diosnikipas qanwan kusikunqa.

Isaías 65:19

Ñoqapas Jerusalenraykum anchata kusikusaq, chaypiqa waqaypas manañam uyarikunqañachu, llakimantapas manañam qaparinqakuñachu.

Jeremías 18:9

Munasqay horapitaqmi rimarisaq mayqan naciontapas, mayqan munaychakuytapas hatarichinaypaq chaynataq takyachinaypaqpas.

Jeremías 24:6

Paykunataqa waqaychaspaymi kay allpaman kutichimusaq. Kaypi hatarichispaymi manaña tuñichisaqñachu. Plantaruspaymi manaña sapinmantaqa chutasaqñachu.

Jeremías 31:28

Imaynam paykunata tuñichirqani, plantata hina chutarqani, chinkachirqani, taqmarqani hinaspa ñakarichirqani; chaynam kunanpas paykunata hatarichispay plantata hina takyachisaq. Ñoqa Tayta Diosmi chaynata nini.

Ezequiel 36:36

Chaynapim muyuriqnikichikpi qepaq nacionkuna yachanqaku tuñichisqa kaqkunata ñoqa Tayta Dios musoqmanta hatarichisqayta, purmachisqa chakrakunatapas kaqllamanta tarpusqayta. Ñoqa Tayta Diosmi chaynata nini, nisqayqa ruwasqam kanqa.

Oseas 14:5

Israelpa mirayninkunapaq sulla hinaraq kaptiymi paykunañataq amanqay hinaraq waytarinqaku, Líbano montepi sachakuna hinaraqmi sapinchakunqaku.

Amós 9:15

Paykunatam allpankupi sapinchasaq, chaynapi paykunaman qosqay allpamanta manaña haykapipas hurqosqa kanankupaq. Tayta Diosmi chaynata nin.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.

Deuteronomio 30:9

Hinaptinqa Señornikichik Tayta Diosmi tukuy ruwasqaykichikpi allinta kawsachisunkichik, chaynapim achka churiyuq, achka animalniyuq kankichik; tarpuspapas achkallatañam cosechankichik. Tayta Diosmi ñawpaq taytaykichikkunawan kusikusqanta hina qamkunawanpas kusikunqa.