Jeremías 32:39 - CHUYA QELLQA La Biblia en Quechua de Ayacucho 2012

³⁹ Paykunatam tukuy tiempo kasuwaspa munasqayman hina kawsaqtaña ruwasaq, chaynataqa ruwasaq paykunapa chaynataq mirayninkunapa allinninkupaqmi.

Quechua Ayacucho Bible 1987

³⁹ Paykunataqa tukuy tiempopi respetawaspa kawsaqtañam rurasaq, chaynataqa rurasaq allinninkupaqmi chaynataq qepa wiñay churi-wawankupa allinninkupaqmi.

Chuya Qellqa 1992

³⁹ Paykunatam tukuy tiempo kasuwaspa munasqayman hina kawsaqtaña ruwasaq, chaynataqa ruwasaq paykunapa chaynataq mirayninkunapa allinninkupaqmi.

Jeremías 32:39 Iomraidhean Croise

Génesis 17:7

Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq.

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

Proverbios 23:17

Huchallikuq runataqa amayá envidiakuychu, aswanyá Tayta Diosta tukuy tiempo kasukuy;

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 52:8

Uyariychik, llaqta waqaychaqkunam qaparichkanku, kusikuymantam chulla runa hinalla qaparichkanku, Sión llaqtaman Tayta Diospa kutimusqanta kikinkupuni qawaspankum qaparichkanku.

Isaías 65:23

Llamkasqankupas manam yanqapaqchu kanqa, churinkupas manam chayllaqa wañunqakuchu, paykunapas chaynataq mirayninkupas, Tayta Diospa bendecisqan miraykunam kanqaku.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Ezequiel 36:26

Musoq sonqotañachuraykuspaymi musoq espiritu-taña qosqaykichik. Rumi sonqoykichikta hurqoruspaymi aycha sonqotaña churasqaykichik.

Ezequiel 37:22

Kay allpapim, Israel law orqokunapim, paykunataqa huk nacionllataña ruwasaq, huk reyniyuqllañam kanqaku, manañam haykapipas iskayman rakinasqaqa kanqakuñachu.

Ezequiel 37:24

Serviqniy Davidmi paykunapa reynin kanqa, payllaña llapankupa michiqnin kaptinmi decretoykunaman hina kawsaspa kamachikuyniykunata kasukunqaku.

Ezequiel 37:25

Paykunaqa serviqniy Jacobman qosqay allpapiñam yachanqaku. Chaypim ñawpaq taytankupas yacharqaku, chaypitaqmi paykunapas, churinkunapas hinaspa mirayninkunapas wiñaypaq yachanqaku. Serviqniy Davidñataqmi wiñaypaq kamachiqninku kanqa.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Hechos 13:33

Ñoqanchik paykunapa miraynin kaptinchikmi prometewasqanchikman hina Jesusta Dios kawsarirachimurqa, iskay kaq Salmopipas kaynam qellqasqa kachkan: “Qamqa Churiymi kanki, ñoqam churyaqniki kani” niq.

Hechos 2:39

Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayas-qakunapaqwanmi.

Hechos 3:26

Churinta Dios kawsarichimuspanmi puntataqa qamkunaman kachamurqa bendecisunaykichikpaq, chaynapi sapakama huchaykichikmanta wanakunaykichikpaq, nispa.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.

Romanos 11:16

Pipas tantata ruwakuspan puntata Diospaq rakipuptinqa, llapallan tantam Diospaña sapaqchasqa rikurirun. Chaynataqmi sachapa sapinpas Diospaq sapaqchasqa kaptinqa kallmankunapas paypaña rikurirun.

1~Corintios 7:14

Diospi mana iñiq qosaqa, Diospi iñiq warminraykum Diospaq sapaqchasqa, chaynataqmi Diospi mana iñiq warmipas Diospi iñiq qosanrayku Diospaq sapaqchasqa. Mana chayna kaptinqa wawa-churinkunachá Diospi mana iñiqkunapa churinkuna hina kanman, chaynapim Diospaq sapaqchasqaña kachkanku.

2~Corintios 13:11

Wawqe-panillaykuna, kusisqa kawsanaykichiktam munani, chuya kawsaytayá maskaychik. Kallpanchanakuspaykichikyá huk sonqolla hinaspa hawkalla kawsakuychik, chayna kaptinqa kuyakuq hinaspa hawkayay qokuq Diosmi qamkunawan kanqa.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Deuteronomio 6:2

Chaynata ruwaspam Señornikichik Tayta Diosta respetankichik, hinaspam kawsanaykichik punchawkama kasukunkichik. Qamkunapas, churikichikkunapas chaynataq willkaykichikkunapas kasukuspa unay watakuna kawsakunaykichikpaq.

Deuteronomio 6:24

Señorninchik Tayta Diosmi llapallan kay yachachikuykunata cumplinanchikpaq kamachiwarqanchik hinaspa payta kasukunanchikpaq, chaynapi tukuy ima ruwasqanchikpas allinlla kaptin, imaynam kunan punchawkama kawsachiwasqanchikta hina kawsachiwananchikpaq.

Hebreos 10:20

Payqa velota llikichkaq hinam kikinpa cuerponwan, kawsachkaq musoq ñanta kichaykapuwarqanchik.