Jeremías 32:34 - CHUYA QELLQA La Biblia en Quechua de Ayacucho 2012

³⁴ Ñoqapaq sapaqchasqa temploytapas, millakuypaq idolokunata churaruspankum millakuypaqtaña ruwarunku.

Quechua Ayacucho Bible 1987

³⁴ Ñoqapaq sapaqchasqa templomanpas millakuypaq taytacha-mamachakunataraqmi churarunku. Manaña asuykunaypaq hinamá chaynataqa rurarunku.

Chuya Qellqa 1992

³⁴ Ñoqapaq sapaqchasqa temploytapas, millakuypaq idolokunata churaruspankum millakuypaqtaña ruwarunku.

Jeremías 32:34 Iomraidhean Croise

2~Reyes 21:1

Chunka iskayniyuq watanpim Manasés munaychakuyta qallaykurqa, pichqa chunka pichqayuq watam Jerusalén llaqtapi munaychakurqa. Mamanpa sutinmi karqa Hepsiba.

2~Reyes 23:6

Tayta Diospa templonpi kaq Asera idolotapas hurqorachispanmi Jerusalén llaqtamanta hawaman aparuspan Cedrón wayqopi kañarurqa uchpayanankama. Uchpantañataqmi llaqta runakunapa pampakunanman machqeparurqa.

2~Crónicas 33:15

Tayta Diospa templonmantapas huklaw llaqtayuq runakunapa idolonkunatawan kikinpa churasqan idolotam hurqorqa. Hurqorqataqmi Tayta Diospa templonpa kasqan moqopi chaynataq Jerusalenpi ruwachisqan altarkunatapas, hinaspam llaqtapa hawa lawninman wikaparachirqa.

2~Crónicas 36:14

Judapi kamachikuqkunawan llapa sacerdotekunapa kamachiqninkuna hinaspa llapa runakunapas huchamanmi qokururqaku. Wakin llaqtakunata qatipakuspankum Jerusalenpi Tayta Diospa chuyanchasqan templontapas pasaypaqta qachacharurqaku.

Jeremías 19:4

Qamkunaqa ñoqata saqeruwas-paykichikmi kay sitiotapas mana-ña asuykunaypaq hina ruwarunkichik, qamkunapapas, ñawpaq taytaykichik-kunapapas chaynataq Judá nacionpi reykunapapas mana reqsisqaykichik idolokunamanña inciensota kañaspaykichikmi, kay sitiopi inocente runakunata wañuchinkichik.

Jeremías 23:11

Ñoqa Tayta Diosmi kaynata nini: Profetakunawan sacerdotekunapas millay runakunam, wasiypipunim mana allinkuna ruwachkaqta tarini.

Jeremías 30:14

Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Jeremías 34:15

Qamkunam ichaqa ñoqaman kutirikamuspa munasqayman hina allinta ruwarqankichik, castamasikichikmanta kaq esclavoykichikkunata libretaña kachaykuspaykichik. Chaynata ruwanaykichikpaqmi sapaqchasqa temploypi hinaspa ñoqapa qayllaypi contratota ruwarqankichik.

Jeremías 44:4

Serviqniy profetakunata kachamuspaymi ñataq-ñataq willachirqaykichik, ñoqapa cheqnisqay chaynataq millakusqay kaqkunata ama ruwanaykichikpaq.

Jeremías 7:10

¿hamuwaqchikraqchu sapaqchakusqay wasiyman qayllaypi kanaykichikpaq? ¿Niwaqchikraqchu: Libreñam kaniku, nispaykichik? ¿Creenkichikchu chay millakuypaq kaqkuna ruwanaykichikpaq libre kasqaykichikta?

Jeremías 7:30

Tayta Diosmi kaynata nin: Judapa mirayninkunam mana munasqay kaqkunata ruwarunku. Ñoqapa temploypim millakuypaq idolokunata churarunku, chaykunawanmi qachacharunku.

Jeremías 7:31

Ben-hinom qechwapim Tofet sutiyuq altarta hatarichinku wawa-churinkuta kañanankupaq. Chaykuna ruwanankupaqqa manam kamachirqanichu nitaqmi piensarqanipaschu.