Jeremías 32:24 - CHUYA QELLQA La Biblia en Quechua de Ayacucho 2012

²⁴ Caldea runakunam kay llaqtaman yaykumunankupaq perqapa qepanman allpata montoramunku; chaymi guerrawan, yarqaywan hinaspa peste onqoywan, kay llaqtata enemigonkunapa makinman qosqa kanqa. Dios Taytalláy, qawasqaykipi hinapas, nisqaykiman hinam cumplikuchkan.

Quechua Ayacucho Bible 1987

²⁴ —Caldea law runakunam yaykumunankupaq llaqtapa qepanman allpata huntarachinku. Llaqtataqa chay peleaq runakunawanmi vencerachinki guerrawan, yarqaywan chaynataq peste onqoywan. Qawasqaykipi hinapas qampa nisqaykiman hinam tukuy ima pasakuchkan.

Chuya Qellqa 1992

²⁴ Caldea runakunam kay llaqtaman yaykumunankupaq perqapa qepanman allpata montoramunku; chaymi guerrawan, yarqaywan hinaspa peste onqoywan, kay llaqtata enemigonkunapa makinman hapichinqa. Dios Taytalláy, qawasqaykipi hinapas, nisqaykiman hinam cumplikuchkan.

Jeremías 32:24 Iomraidhean Croise

2~Samuel 20:15

Joabpa tropankunañataqmi Abel-bet-maaca llaqtaman chayaruspanku muyuriqninpi churakururqaku, hinaspam llaqta muyuriq perqapa qepanman allpata montoruspanku llaqta harkaq perqata tuñichiyta qallaykurqaku.

Isaías 37:33

Asiriapa reyninmantam Tayta Dios kaynata nin: “Kay llaqtamanqa manam yaykumunqachu, flechankunapas manam chayamunqachu, escudontapas manam hapinqachu, allpatapas murallapa qepanmanqa manam montochinqachu.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 20:5

Kay llaqtapa qori-qollqentapas, tukuy huñusqankutapas, tukuy kuyayllapaq kapuqninkunatapas, Judá nación reykunapa llapa qori-qollqentapas enemigoykichikmanmi qoykusaq, hinaptinmi Babiloniaman apanqa.

Jeremías 24:10

Paykunamanmi guerrata, yarqayta hinaspa peste onqoyta kacharisaq, taytankuman qosqay allpamanta chinkanankukama.

Jeremías 29:17

Tukuy Atiyniyuq ñoqa Tayta Dios kaynata nini: Paykunapa contranpim guerrata, yarqayta hinaspa peste onqoyta kachamusaq. Mikunapaqpas mana valeq ismusqa higosta hinañam paykunataqa ruwarusaq.

Jeremías 29:18

Guerrawan, yarqaywan hinaspa peste onqoywanmi paykunataqa ñakarichisaq. Kay pachapi llapallan nacionkunapapas manchakuspa katkatatanantam paykunataqa ruwarusaq. Cheqechisqay nacionkunapim paykunaqa ñakasqa, burlakusqa, penqayman churasqa hinaspa asipayasqa kanqaku.

Jeremías 32:25

¡Dios Taytalláy! Kay llaqtata Caldea runakunamanña qoykuchkaspaykipas, kay chakrata testigokunapa qayllanpi rantinaypaqraqmi kamachiwarqanki, nispa.

Jeremías 32:28

Chayraykum niki: Kunanmi kay llaqtata Caldea runakunamanwan Babiloniapa reynin Nabucodonosorman qoykusaq.

Jeremías 32:3

Judá nacionpa reynin Sedequiasmi Jeremiasta presocharachirqa, kaynata nispa profetizasqanmanta: Tayta Diosmi kaynata nin: Kay llaqtatam Babilonia nacionpa reyninman qoykusaq.

Jeremías 32:36

Ñoqa Israelpa yupaychasqan Tayta Diosmi kaynata nini: Kay llaqtamantam nichkanki, guerrawan, yarqaywan hinaspa peste onqoymi Babilonia nacionpa reyninpa makinman wichichinqa, nispa.

Jeremías 32:5

Paymi rey Sedequiasta Babilonia nacionman apanqa, chaypim kamunqa paymanta yuyarinaykama. Caldea runakunawan peleaspapas manapunim vencenkichikchu. Ñoqa Tayta Diosmi chaynata nini.

Jeremías 33:4

Jerusalén llaqtapi wasikunamantawan Judá nacionpi reykunapa palacionmantam, Tukuy Atiyniyuq Tayta Dios kaynata nin: Lliwmi tuñichisqa kanqa.

Jeremías 34:17

Chayraykum ñoqa Tayta Dios kaynata nini: Qamkunaqa aylluykichikkunata libretaña mana kacharispam mana kasuwarqankichikchu, chayraykum ñoqapas qamkunapa contraykichikpi guerrata, peste onqoyta hinaspa yarqayta kacharimusaq, kay pachapi nacionkunapas manchakuymanta katkatatanankama.

Jeremías 52:4

Isqon wataña munaychakuchkaptinmi, chay watapa chunka kaq killapa chunka kaq punchawninpi Babiloniapa reynin Nabucodonosor llapa tropankunawan Jerusalenpa muyuriqninpi churakururqaku, hinaspankum llaqtaman yaykunankupaq rampakunata ruwarqaku.

Jeremías 52:6

Chay watapa tawa kaq killanpa isqon punchawninpim, llaqtapi runakuna llumpay yarqaymanta karqaku mikunankupaq manaña imapas kaptin.

Jeremías 6:6

Tukuy Atiyniyuq Tayta Diosmi kaynata nin: Sachakunata kuchuychik, Jerusalenta atacanaykichikpaq rampata ruwaychik. Ñakarichinakuypa huntasqan kasqanraykum Jerusalén llaqta castigasqa kanqa.

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Ezequiel 21:22

Alleq makinpi flecham Jerusalén llaqtaman toqpiykun, chaypa ninanqa kaykunam: Guerrapaq tukuy rikchaq armakunawan atacamuy, llaqtapi runakunata wañuchimuy, guerrapaq qapariy, punkunkunata tuñichiy, rampakunata ruwachiy, atacanaykipaq torrekunata hatarichiy ninanmi.

Ezequiel 21:27

Ñoqaqa imatañapas pasaypaqtam purmachisaq. Chaykunaqa pasakunqa kamachisqayman hina Babilonia nacionpa reynin chayamuptinmi, nispa.

Ezequiel 26:8

Lamar qocha patanpi yachaq runaykikunatapas espadawanmi wañuchinqa, muyuriqnikipim murallata hatarichinqa, atacasunaykipaqmi rampakunata ruwanqa, escudowan armasqa soldadokunatam contraykipi kacharimunqa.

Ezequiel 4:2

Chay llaqtapa muyuriqnintam ama ayqenankupaq hina perqarunki. Murallankunapa qepanpiñataqmi rampata ruwarunki. Llaqtapa muyuriqninpim tuñichinapaq machu-machu takaq qerukunata churarunki.

Habacuc 1:10

Reykunamantapas paykunaqa burlakunkum, kamachikuqkunamantapas asikunkum. Asikuspam murallasqa llaqtakunamanpas, rampata ruwaykuspa chayninta yaykuruspa munaychakurunku.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Deuteronomio 4:26

Kunanmi cielotawan kay pachata testigopaq churani, sichum chayta ruwaspaykichikqa Jordán mayupa waklaw chimpanpi yachanaykichik allpamantam chinkachisqa kankichik. Manam unaychu chaypiqa kankichikpas, aswanqa chinkachisqapunim kankichik.