Jeremías 32:23 - CHUYA QELLQA La Biblia en Quechua de Ayacucho 2012

²³ Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Quechua Ayacucho Bible 1987

²³ Chaymi kay allpaman yaykumuspanku dueñochakurqaku ichaqa nisqaykitawan yachachikuynikitam mana kasukurqakuchu nitaqmi kawsarqakupas kamachisqaykiman hinachu, chayraykum qampas tukuy kay castigokunata kachaykamunki.

Chuya Qellqa 1992

²³ Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Jeremías 32:23 Iomraidhean Croise

Esdras 9:7

Taytaykupa tiemponmanta kunankamam hatun huchapi kawsachkaniku; chay huchaykuraykum ñoqaykupas, reyniykupas, sacerdoteykutapas huklaw nacionkunapa reyninkunaman qosqa karqaniku, chaynapim wañuchisqa, preso apasqa, suwasqa, hinaspa hatun penqaypi karqaniku, chaynam kunanpas kachkaniku.

Nehemías 9:15

Yarqaymanta kaptinkum cielomanta mikuyta qomurqanki, yakumanta kaptinkum qaqamanta yakuta hurqomurqanki, prometesqayki allpaman yaykunankupaqmi kamachirqanki.

Jeremías 2:7

Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Jeremías 26:4

Ñoqa Tayta Diospa nisqayta paykunaman kaynata nimuy: Mana kasuwaspaykichik kamachikuykuna qosqaytapas mana ruwayman churaptikichikqa,

Jeremías 44:10

Mana allinkuna ruwasqaykichikmantaqa kunankamapas manam wanakunkichikraqchu, nitaqmi manchakunkichikpaschu; kawsankichikpas manam taytaykichikkunaman chaynataq qamkunaman qosqay kamachikuyniykunaman hinaspa yachachikuyniykunaman hinachu.

Jeremías 7:26

Qamkunam ichaqa mana uyariwarqankichikchu, nitaqmi kasuwar-qankichikchu. Aswanqa sonqoykichikta rumiyarachispam taytaykichikkunamantapas astawanraq tukuy mana allinkunata ruwarqankichik.

Lamentaciones 1:18

Chaywanpas Tayta Diosqa allin ruwaqmi, manam kamachikuyninkunata kasukurqanichu. ¡Llapallan runakuna, uyariwaychik! ¡Ñakarisqayta qawariychik! Wawaykunatam joventa sipasta presota aparunku.

Lamentaciones 1:8

Jerusalén llaqtam sinchita huchallikurun, chayraykum penqaypi rikurirun, haykam kuyaqninkunam penqayninta rikuspanku qepancharunku, chayraykum penqakuymanta qepaman muyurispa waqachkan.

Ezequiel 20:18

Chaymi paykunapa mirayninkunataña chunniqpi kaynata nirqani: Qamkunaqa amayá taytaykichikkunapa kamachikuyninkunaman hinaqa kawsaychikchu, yachachikuyninkunatapas ama kasuychikchu, amataq idolonkunawanpas qachachakuychikchu.

Ezequiel 20:21

Ichaqa mirayninkunapas manam kasuwarqakuchu; kawsanankupaq qosqay decretoykunatapas mana kasukuspankum kamachikuyniykunatapas mana ruwayman churarqakuchu; samana punchawniykunatapas sarutyarurqakum. Hinaptinmi piñakuyniyta kachaykuspay chay chunniqpi chinkarachiyta tantearqani.

Ezequiel 20:8

Paykunam ichaqa mana kasuwaspanku contraypi hatarirurqaku; manam millakuypaq diosninkutapas wischurqakuchu, nitaqmi Egipto nacionpa idolonkunatapas saqerqakuchu. Chaymi piensarqani piñakuyniy tukunankama paykunata Egipto nacionpi castigaruyta.

Lucas 17:10

Chaynayá qamkunapas, tukuy kamachisusqaykichikta ruwaruspaqa kaynata niychik: “Mana imapaq valeq sirvientekunam kanchik, kamachiwasqallanchiktam ruwarunchik”, nispaykichik.

Juan 15:14

Sichum kamachisqayta ruwaspaykichikqa amistadniykunam kankichik.

Gálatas 3:10

Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Santiago 2:10

Pipas llapallan leyta kasukuchkaspa huknin kamachikuyllapipas pantaruspaqa, llapallan leymantañam huchayuq rikurirun.

Josué 21:43

Imaynam ñawpaq taytankuman jurasqanman hinam Israelpa mirayninkunaman llapallan allpata Tayta Dios qorqa. Hinaptinmi paykunaña chaypi yacharqaku.

Josué 23:16

Sichum Señornikichik Tayta Diospa kamachisusqaykichik pactonta mana kasukuspa idolokunataña qonqorakuspa yupaychanaykichikpaq pasakuptikichikqa, Tayta Diosmi contraykichikpi piñakuspan kay qosusqaykichik sumaq allpamanta chaylla chinkarachisunkichik, nispa.