Jeremías 32:20 - CHUYA QELLQA La Biblia en Quechua de Ayacucho 2012

²⁰ Egipto nacionpim señalkunatawan milagrokunata ruwarqanki; Israelpiwan wakin runakunapa chawpinpipas kunan punchawkamam hina chaynallata ruwachkanki, chaynapi ancha reqsisqa kanaykipaq.

Quechua Ayacucho Bible 1987

²⁰ Egipto nacionpim señalkunatawan milagrokunata rurarqanki Israel casta runakuna ukupi chaynataq wakin runakuna ukupipas chaynapi kunan punchawpi hina ancha reqsisqa kanaykipaq.

Chuya Qellqa 1992

²⁰ Egipto nacionpim señalkunatawan milagrokunata ruwarqanki; Israelpiwan wakin runakunapa chawpinpipas kunan punchawkamam hina chaynallata ruwachkanki, chaynapi ancha reqsisqa kanaykipaq.

Jeremías 32:20 Iomraidhean Croise

2~Samuel 7:23

Israel llaqtayki hinaqa manam kay pachapi huk nacionqa kanchu. Diosnilláy, paykunataqa qanmi libramurqanki runaykikunaña kanankupaq, admirakuypaq kaqkunata ruwaspaykim paykunataqa ancha reqsisqata ruwarqanki. Egiptomanta hurqomuspaykim qayllankumanta achka nacionkunata chaynataq idolonkunatapas wischururqanki.

1~Crónicas 17:21

Israel llaqtayki hinaqa manam ima nacionpas kay pachapiqa kanchu. Diosnilláy, qanmi llaqtayki kananpaq Egipto nacionmanta libramurqanki, hatun manchakuypaq chaynataq admirakuypaq kaqkunata ruwaspaykim reqsichikurqanki, llaqtaykipa qayllanmantam llapa nacionkunatapas qarqospa idolonkunatapas ñutururqanki.

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Nehemías 9:11

Israelpa qayllanpim lamar qochata iskayman rakinarqanki, chaki allpantam paykunata pasachirqanki; qatimuqninku enemigonkunatam ichaqa, rumita wischuchkaq hinaraq uku-uku yakuman wischuykurqanki.

Éxodo 10:2

Chaynapi Egipto nacionpi tukuy imam ruwasqaymanta churikikunaman hinaspa willkaykikunaman willanaykipaq. Chaynapim ñoqa Tayta Dios kasqayta yachankichik, nispa.

Éxodo 3:20

Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 7:3

Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Éxodo 9:16

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Isaías 63:12

¿Maypitaq kachkan Moisesta yanapananpaq admirakuypaq atiyninta kachamuqqa? ¿Maypitaq kachkan llaqtanpa qayllanpi lamar qochata kichariqqa? ¿Maypitaq kachkan wiñaypaq reqsisqa kananpaq chaykunata ruwaqqa?

Isaías 63:14

Tayta Diospa Espiritunmi paykunata, pampaman uraykuq animalta hina michirqa. Diosnilláy, chaynatam llaqtaykita pusarqanki, chaynatam sutikitapas ancha reqsisqata ruwarqanki.

Jeremías 13:11

Imaynam huk runa chumpita weqawninman watakurun, chaynatam Israel runakunatawan Judá runakunatapas ñoqaman watasqata hatallirqani, chaynapi runaykunaña kaspanku wakin runakunaman sutiyta reqsichinankupaq, yupaychawaspanku hatunchawanankupaq. Ichaqa manam kasuwarqakuchu. Ñoqa Tayta Diosmi chaynata nini.

Daniel 6:28

Danielqa ancha reqsisqam karqa rey Dariopa munaychakuyninpipas chaynataq Persia nacionniyuq rey Ciropa munay-chakuyninpipas.

Daniel 9:15

Señor Diosnillayku, hatun atiynikiwanmi Egipto nacionmanta llaqtaykita hurqomurqanki, chay ruwasqaykikunawanmi qamqa anchallataña reqsichikunki. Chaywanpas ñoqaykuqa huchallikuruspam mana allinta ruwarqaniku.

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Deuteronomio 11:3

yuyariychiktaqyá Egiptopi rey Faraonpa contranpi chaynataq allpanpa contranpi admirakuypaq kaqkuna ruwasqantapas,

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Deuteronomio 6:22

Ñoqaykum Egipto nacionpi Faraonpa chaynataq castankunapa contranpi Tayta Diospa hatun hinaspa mancharikuypaq milagrokuna ruwasqanta rikurqaniku, rikurqanikutaqmi admirakuypaq kaqkuna ruwasqankunatapas.

Deuteronomio 7:19

Kaytam yuyarinkichik: Señornikichik Tayta Diosmi Egipto nacionmanta hatun milagrokunawan chaynataq admirakuypaq señalkunawan hurqomuwarqanchik, chaykunataqa rikurqankichikmi. Chaynatam manchakusqaykichik nacionkunatapas ruwanqa.