Jeremías 32:17 - CHUYA QELLQA La Biblia en Quechua de Ayacucho 2012

¹⁷ ¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Quechua Ayacucho Bible 1987

¹⁷ —Señor Diosnilláy, qamqa hatu-hatun atiynikiwanmi cielokunatawan kay pachata unancharqanki. Qampaqqa manam kanchu imapas mana ruray atinaykipaq hinaqa.

Chuya Qellqa 1992

¹⁷ ¡Dios Taytalláy!, qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Jeremías 32:17 Iomraidhean Croise

Génesis 18:14

¿Kanmanchu Diospaq imapas mana ruway atinan? Wataman kunan hinatam huktawan watukamusqayki, chaypaqqa Sarapas wawayuqñam kanqa, nispa.

2~Reyes 19:15

Tayta Diospa qayllanpi kaynata mañakurqa: Querubinkunapa chawpinpi yachaq Israelpa Tukuy Atiyniyuq Diosnin, qamllam kanki kay pachapi llapallan nacionkunapi munaychakuq Diosqa. Qanmi ruwarqanki hanaq pachatapas hinaspa kay pachatapas.

2~Reyes 3:18

Chaykunaqa Tayta Diospaqqa mana kaq hinallam, payqa moabitakunatapas makikichikmanmi churamunqa.

Nehemías 9:6

Qam sapallaykim Diosqa kanki, cielokunatapas, chaskakunatapas, cielokunapa hawanpi kaqkunatapas, qanmi ruwarqanki; kay pachatawan chaypi kaqkunatapas, lamar qochakunatawan chaypi kaqkunatapas, qanmi ruwarqanki, qanmi tukuy chaykunata kawsachinki, chaymi hanaq pachapi kaqkuna yupaychasunki.

Jobwan Sutichasqa Libro 42:2

Ñoqaqa yachanim tukuy imapas ruway atiq kasqaykita, imatapas ruwayta munaptikiqa manam pipas harkakunmanchu.

Éxodo 20:11

Soqta punchawpim cielokunata, kay pachata, lamar qochata chaynataq chaypi tukuy ima kaqkunatapas unancharqani. Qanchis punchawpiñataqmi samarqani, hinaspam chay punchawta bendecispay sapaqcharqani.

Isaías 42:5

Cielokunata unanchaspa mastariq Tayta Diosmi kani, allpa pachata unanchaqmi kani, allpapi wiñaqkunatam mirachirqani, allpa pachapi kawsaq runakunamanmi espirituyta qorqani. Chaykuna ruwaq kaspaymi serviqniyta kaynata nini:

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 45:12

Kay pachatapas runankunatapas ñoqam unancharqani, atiyniywanmi hanaq pachatapas mastarirqani, chaskakunapas rikurinankupaqmi kamachirqani.

Isaías 59:1

Tayta Diospa atiyninqa manam pisirunchu mana salvawananchikpaq hinaqa, rinrinpas manam upayarunchu manaña uyarinanpaq hinaqa.

Jeremías 1:6

Ñoqañataqmi kaynata nirqani: ¡Ay, Señor, Dios Taytalláy, ancha warmaraqmi kani, manaraq rimay yachaqmi kani! nispay.

Jeremías 14:13

Chaymi nirqani: ¡Ay, Dios Taytalláy! Llapa profetakunam runakunata nichkanku: Guerrapas yarqaypas manam kanqachu, aswanqa cheqap hawkayaytam qosqaykichik, nispanku.

Jeremías 21:2

Ama hina kaspaykiyá ñoqanchikpaq Tayta Diosta tapuykuy. Babilonia nacionpa reynin Nabucodonosormi atacamuwachkanchik, ichapas Tayta Diosqa ñawpaq tiempopi hina admirakuypaq kaqkunata ruwaspan Nabucodonosorta ñoqanchikmanta asurachinman, nispa.

Jeremías 27:5

Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Jeremías 32:27

Ñoqaqa llapallan runakunapa yupay-chanan Tayta Diosmi kani. ¿Yaqachu ñoqapaq imapas mana ruway atinay kanman?

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Jeremías 4:10

Chaymi nirqani: ¡Ay, Dios Taytalláy! ¡Imaynamá kay naciontawan Jerusalén llaqtataqa engañarunki! Hawkayaytam prometerqanki, ichaqa cuchillom kunkankupiña kachkan, nispay.

Jeremías 51:15

Tayta Diosmi kay pachata atiyninwan ruwarqa, Tukuy kay pachapi kaqtam yachayninwan takyachirqa, yachayninwanmi cielokunata mastarirqa.

Jeremías 51:19

Jacobpa Diosninqa manam chaynachu, payqa tukuy imapas unanchaqmi. Israeltam llaqtanpaq akllakurqa Tukuy Atiyniyuq Tayta Diosmi sutinpas.

Ezequiel 11:13

Profetizachkaptiymi Benaiapa churin Pelatías qonqayta wañururqa; ñoqaña-taqmi pampaman kumuykuspay kaynata qaparirqani: ¡Ay, Dios Taytalláy! ¿Israelpa mirayninkunamanta puchuqkunatapas lliwtachu wañurachinki? nispay.

Ezequiel 9:8

Wañuchinankukamam sapallayña qeparurqani. Chaymi qonqoranpa kumuykuspay kaynata qaparirqani: Dios Taytalláy, ¿Jerusalén llaqtaman piñakuynikita kachaykamuspachu Israelpa mirayninmanta asllaña puchuqkunatapas tukurunki? nispay.

Daniel 2:22

Payllam sasa entiendena kaqkunata runakunaman yachachin, pakasqa kaqkunatapas reqsichin. Payqa tutayaypiña kaqkunatapas reqsinmi, achkiypas paywanmi tarikun.

Daniel 6:20

Chayaruspanmi llakillawanña Danielta qayarqa: Kawsaq Diospa serviqnin Daniel, mana samaspa servisqayki Diosniki, ¿yaqachu leonkunamanta libraykusunki? nispan.

Zacarías 12:1

Israelpaq Tayta Diospa rimarisqan simikuna. Cielokunata mastariq, kay pachapa cimientonta churaq hinaspa runaman kawsay qoq Tukuy Atiyniyuq Tayta Diosmi kaynata nin:

Zacarías 8:6

Tukuy Atiyniyuq Tayta Diosmi kaynata nin: Sichum tukuy kaykuna, chay tiempopi puchuq runaykunapaq mana ruway atinapaq hina rikchakuptinpas, ñoqapaqqa manam sasachu kanqa, nispa.

Números 11:23

Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

Mateo 19:26

Jesusñataqmi paykunata qawarispan nirqa: Runakunapaqqa kayqa mana ruway atinanmi, Diospaqmi ichaqa atinallan, nispa.

Marcos 10:27

Jesusñataqmi paykunata qawarispan nirqa: Runakunapaqqa kayqa sasallañam, Diospaqmi ichaqa tukuy imapas atinallan, nispa.

Lucas 1:37

Diospaqqa manam imapas sasachu, nispa.

Lucas 18:27

Chaymi Jesusñataq nirqa: Runakunapa mana ruway atisqanpas Diospaqqa atinallanmi, nispa.

Hechos 14:15

¡Runamasillaykuna! ¿Imanasqataq kayta ruwachkankichik? Ñoqaykuqa qamkuna hina runallam kaniku, hamurqanikuqa cheqap kawsaq Diosmanta willakuqmi, chaynapi tukuy mana allin ruwaynikichikta saqespa kawsaq Diosman kutirikunaykichikpaq. Paymi unancharqa kay pachata, hanaq pachata, lamar qochata, hinaspa chaykunapi tukuy ima kaqkunatapas.

Hechos 15:18

Ñawpaqmantaraq kaykunata reqsichiq Diosmi chaynata nin”, nispa.

Hechos 17:24

Chay Diosmi kay pachatapas chaynataq chaypi tukuy ima kaqkunatapas unancharqa, payqa kay pachapipas chaynataq hanaq pachapipas Diosmi, manam runakunapa ruwasqan templopichu yachan,

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.