Jeremías 31:9 - CHUYA QELLQA La Biblia en Quechua de Ayacucho 2012

⁹ Waqastin mañakustinmi hamunqaku, kallpaq yakukunapa patantam pusamusaq, mana mitkanankupaqmi pampallanta pusamusaq. Ñoqaqa Israelpa taytanmi kani, Efrainqa piwi churiymi.

Quechua Ayacucho Bible 1987

⁹ Paykunata pusamuptiymi waqastin hamunqaku. Paykunata pusamuptiymi ruegakustin hamunqaku. Yakuyoq wayqonkunatam purichimusaq. Mana mitkanankupaqmi pampallanta purichimusaq. Ñoqaqa kani Israel casta runakunapa taytanmi. Ñoqaqa kani piwiy Efrain castapa taytanmi.

Chuya Qellqa 1992

⁹ Waqastin mañakustinmi hamunqaku, kallpaq yakukunapa patantam pusamusaq, mana mitkanankupaqmi pampallanta pusamusaq. Ñoqaqa Israelpa taytanmi kani, Efrainqa piwi churiymi.

Jeremías 31:9 Iomraidhean Croise

1~Crónicas 29:10

Chayraykum llapallan runakunapa qayllanpi Tayta Diosta yupaychaspan David nirqa: Taytanchik Israelpa Diosninyá wiña-wiñaypaq hatunchasqa kachun.

Éxodo 4:22

Faraontam ninki: “Tayta Diosmi kaynata nin: Israelpa mirayninkunaqa piwi churiy hinam.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 43:20

Purun animalkunam yupaychawanqaku, atoqkunawan avestruzkunam yupaychawanqaku; yakukunata chunniqpi pawachisqayrayku, mayukunata chaki allpapi kallpachisqayrayku. Chaytam akllakusqay llaqtayman yakuta tomachinaypaq ruwarqani.

Isaías 45:11

Israelta unanchaq Chuya Tayta Diosmi kaynata nin: Hamuq punchawkunamanta tapuykuwaychik, churiykunamanta cuentata mañaykuwaychik, imaynam ruwasqaymanta cuentata mañaykuwaychik.

Isaías 57:14

Tayta Diosmi nin: Ñanta kichaspa allichaychik, llaqtay pasananpaq ñanpi mitkachikuqkunata wischuychik, nispa.

Isaías 63:13

¿Maypitaq kachkan llaqtanta lamar qocha ukunta pusamuqqa? ¿Maypitaq kachkan caballota hina chunniqninta mana urmachispa llaqtanta pusamuqqa? nispanku.

Isaías 63:16

¡Qanmi taytayku kanki! Taytayku Abrahamña qonqawaptinkupas, taytayku Jacobña saqewaptinkupas, Dios Taytallayku qanmi Taytayku kanki, wiñaymanta wiñaykama libraqniykum kanki.

Isaías 64:8

Chaywanpas Diosllayku, qamqa Taytaykum kanki, ñoqaykuqa mitu hinam makikipi kaniku. Qamñataqmi sumaq allpa mankata hina ruwawankiku, llapallaykum qampa ruwasqayki kaniku.

Jeremías 3:19

Ñoqam tapukurqani: ¿Imaynataq churiypaq hapikichikman hinaspa kay pachapi aswan allinnin allpataraq qoykichikman? nispay. Ñoqam piensarqani, Taytalláy niwaspaykichik mana haykapipas ñoqamanta rakikunaykichikta.

Jeremías 3:4

Qaynakunallam niwarqanki: Kuyasqay Taytalláy, warma kayniymanta reqsiwaqniy.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Jeremías 50:4

Ñoqa Tayta Diosmi kaynata nini: Chay tiempokunapim Israel runakunawan Judá runakuna, ñoqa Tayta Diosta waqastin maskawanqaku.

Oseas 12:4

Angelwan peleaspam kallpanman hina vencerurqa, bendeciykunanpaqmi weqenwan mañakurqa, Diospas Bet-elpi tariruspanmi payta rimapayarqa.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Malaquías 2:10

¿Manachum huk taytayuqlla kanchik? ¿Manachum ñoqanchiktaqa huk Dioslla unanchawarqanchik? Hinaptinqa, ¿imaynanpimá ñawpaq taytanchikkunawan Diosninchikpa pacto ruwasqanta qepanchakuruspa kikinchikpuraqa traicionanakunchik?

Números 2:18

Efraín ayllupa banderanmi, carpapa inti seqaykunan lawninpi otaq car-papa qepanpi samanqa. Efraín ayllukunapa capitanninmi karqa Amiudpa churin Elisama.

Mateo 3:3

Juanmantam profeta Isaías kaynata nirqa: “Huk runam purunpi kaynata qaparichkan: Señorpa ñanninta allichaychik, purinan ñanta kichaychik”, nispa.

Mateo 5:4

Mayna kusisqam waqaqkunaqa, paykunataqa Diosmi consuelanqa.

Mateo 6:9

Qamkunaqa kay-natayá mañakuychik: Hanaq pachapi kaq Taytayku, sutiki hatunchasqa kachun,

Lucas 6:21

Mayna kusisqam kankichik kunan yarqaymanta kaqkunaqa, qamkunaqa saksachisqam kankichik. Mayna kusisqam kankichik kunan waqaqkunaqa, qamkunaqa asikun-kichikmi.

Romanos 8:26

Pisi kallpayuq kaptinchikmi Chuya Espíritu yanapawanchik. Manam imayna mañakuytapas yachanchikchu, ichaqa Chuya Espiritum Diosta mañapuwanchik runapa mana rimay atisqan rimaykunawan.

2~Corintios 6:18

Ñoqam qamkunapaq Taytaykichik kasaq, qamkunañataqmi churiykuna kankichik. Tukuy Atiyniyuq Señormi chaynata nin”.

Deuteronomio 14:1

Qamkunaqa Señornikichik Tay-ta Diospa churinkunam kankichik. Pipas wañuruptinqa amam cuerpoykichiktaqa kuchukunkichikchu nitaqmi umaykichiktapas kachiy-kachiytaqa rutukunkichikchu.

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.

Hebreos 12:13

Qewi-qewi ñannikichikta derechaychik, chaynapi wistukunapas ama huklawman pantarunankupaq, aswanqa sanoyanankupaq.

Hebreos 12:23

Chaypitaqmi kachkan ñawpaqmanta Diosman iñikuqkunapa huñunakuyninpas paykunapa sutinkuqa hanaq pachapim qellqasqa kachkan. Asuykurunkichiktaqmi llapallan runakuna juzgaq Diosmanpas hinaspa chuyanchasqa runakunapa espiritunmanpas,

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.